YAJTËˈËWËN 6
¿Wiˈixëts mbäät njëjpkudijë tijatyëts yajtuktunäämp?
¿TIXYËP MIJTS MDUUMPY?
Okwinmayë tyäˈädë: Brian extëm pyujnë jyot kyorasoon ko tˈijxminy nimajtskë myëguˈuktëjk. Mä tyäˈädë sëmään ja kujk majtskˈok yaˈˈanëëmë parë jyuˈugët. Ets tyää yajniminy ja myëdëgëkˈokpë.
Niduˈuk yˈanëˈëmxëty:
“¿Mijts jatëgok naytyuˈuk? Mmats tuˈuk parë këdii mon tuk mnayjawëdët”.
Ta tjuuty ti byolsoty, ets tmëtxiˈiky ja Brian ko tˈawanë.
Brian ta yajtukˈixy ja juˈuky ets niˈigyë ja jyot kyorasoon jyantsy pyuty.
“Kyaj, dyoskujuyëm, të nˈanëëmë ko kyaj...”.
Ta niduˈuk kyajpxypyotyëty: “¿Ti mjäjtëp? ¿Ti mtsëˈkëp?”.
“Kyaj, kyajts ntsëˈëgë”, duˈun yˈakjënäˈänyë Brian tsëˈëgë tsëˈëgë.
Ta ja mixy yoˈkmënanaxyëty ets yˈanëˈëmxëty extëm jyawë myëtnaymyaayëbëˈatyëty: “Nˈokˈjuˈkëm jeˈeyë tuˈuk”.
Ta tuˈugë myëguˈuk myoˈoyëty ja juˈuky ets tyatskmëgäjpxëty: “Kyaj pën ndukˈawäˈänëm. Ëtsäjtëm jeˈeyë nnijäˈäwëm”.
Koxyëp mijts Brian, ¿tixyëp mduumpy?
WÄˈKWËˈËMË ETS WINMAY
Wiˈix mˈokwinmay, ¿waˈanë myëguˈuktëjkë Brian tnijawëdë ti tyuundëp? ¿Mwinmaapy ko këˈëm winmäˈäny tijaty ttundë? Waˈan kyaj. Waˈan yëˈë myëguˈuktëjk tijaty tyuktunëdë ets kom kyaj ttsoktë yaˈëxtijtët, pääty ttundë tijaty tsyojktëp.
Koxyëp mijts xypyaatyë duˈumbë jotmay, ¿mdunaampy tijaty tëgatsy ets mjëjpkudijëyaampy ko tijaty myajtuktunäˈänët?
NAYJËJPˈIXËDË
Biiblyë jyënaˈany: “Ja diˈibë wijy yˈijxypy ko myiny ja ayoˈon ets ta nyayuˈutsyëty, per ja diˈibë tsuu nëjkxˈadëtsp ets ta net tkuˈayoˈombäädë” (Proverbios 22:3).
Yaˈijxp näˈäty ko jotmay myiny. Okpawinmay ko mduˈuyoˈoy ets xyˈixy tuk grupë ënäˈktëjk jyantsy jyuˈuktë. Pën mwinmaapy ko mbäät mjotmaybyaaty, mnayjëjpˈijxëbë nety parë xywyinguwäˈägët.
WINMAY
Biiblyë jyënaˈany: “Mmëdattë ja mjot mwinmäˈäny wäˈäts” (1 Peedrʉ 3:16).
Nayajtëwëdë: “¿Wiˈixëts nnayjawëdët pën nduumbyëts tijaty niˈamukë jäˈäy tyuundëp?”. Waˈan mgupëkëdët tuk tiempë ja mˈeskuelë ënäˈk. Per ¿wiˈixë net ok mnayjawëdët? ¿Myajtëgoyaampy ja oybyë mjäˈäyˈäjtën mët ko xytsyeky ets ja mëguˈuktëjk oy mˈaxäjëdët? (Éxodo 23:2).
TUKNIBËJTÄÄGË
Biiblyë jyënaˈany: “Ja diˈib wijy nnaygyuentˈäjtëp ets nayjyëbëjkëp mä diˈib axëëk” (Proverbios 14:16).
Jäˈtäämbë tiempë mä niˈamukë nwinˈixäˈänëm ti ndunäˈänëm etsë net ngupëjkëm wiˈix wyimbëtsëmy tijaty nduˈunëm. Mä Biiblyë yajmaytyakp kanäägë yetyëjk diˈib oy tijaty wyinˈijxtë, extëmë José, Job etsë Jesus, per nan yajmaytyakp diˈib kyaj oy tijaty twinˈijxtë, extëmë Caín, Esaú etsë Judas. ¿Ti mijts mdunaampy?
Biiblyë jyënaˈany ets nduˈunëm “tukëˈëyë ak tëyˈäjtën” (Salmo 37:3). Pën të xywyinmay wiˈix wyimbëtsëmäˈäny diˈib mdunaampy ets të duˈun xytyuknibëjtäägë, kyaj tsyiptäˈägäˈäny xynyimaytyäˈägët wiˈix tijaty xytyunäˈäny, ets yëˈë diˈib niˈigyë oybyëtsëmäämp.
Këdii may mdäjy, kyaj tyim tsekyëty ets ja mëguˈuktëjk xytyukmëtmaytyaktäˈäyët tiko kyaj duˈun xytyunäˈäny, mët jeˈeyë ko xyˈanëëmët kyaj. Nan oy ko xytyukjaygyukët ko kyaj mwinmääytyëgatsäˈäny ko xyˈanëëmët:
“Kyajts ti nduktëkëyaˈany”.
“Kyajts yëˈë nduunkˈaty”.
“Mnijäˈäwëp wiˈixëts nwinmay”.
Diˈib oybyëtsëëmp, yëˈë ko pojën xyˈatsowët ets amëk jotmëk. Ko duˈun xytyunët, mbäät ja mëguˈuktëjk kyaj wiˈix mnekyˈanëˈëmxëty.
¿TITS NDUNËP KOTS NYAJNËXIˈIK NYAJTUKXIˈIGËT?
Ko xytyunët tijaty ja mëguˈuktëjk mduktunanëp, ta nëjkx myajtunyëty extëmë robot.
Waˈan ja mëguˈuktëjk nëxiˈiky tukxiˈiky myajwëˈëmäˈänyëty. Waˈan mˈanëˈëmxëdët: “¿Ti mjäjtëp? ¿Mtsëˈkëp?”. Tyäˈädë jotmay yëˈë diˈib xëmë pyattëbë ënäˈktëjk. ¿Ti mbäät xytyuny? Taa majtsk pëky:
Xyajnëˈë xyaˈuˈungët. Mbäät mjënäˈäny: “Tëyˈäjtën, kyajts duˈun ndunäˈäny”. Ta waanë xynyimaytyäˈägët tiko.
Yajtëgats ja maytyaˈaky. Nimaytyäˈäk tiko kyaj duˈun xytyunäˈäny ets anëëmë: “Tuˈugë jäˈäy diˈib wijy extëm mijts, kyajxyëp jyuˈuky”.
Pën kyaj jyaygyukëdë, winwäˈktuˈut. Jamyats ko pën niˈigyë xywyindanë, mbäät mduktunyëty tijaty yëˈë tsyojktëp. Ko xywyinwäˈktuˈudët, ta xyajnigëxëˈëgäˈäny ko mijts mwinˈijxypy ti mdunaampy.
Nbäädäˈänëmë duˈumbë jotmay. Tsip parë njëjpkudijëm ko tijaty nyajtuktunäˈänëm. Per mbäät xywyinˈixy wiˈix tijaty xytyunäˈäny, nigäjpx wiˈix mwinmay ets ti mdunaampy. Pes mijts mnikëjxmˈäjtypy wiˈix tijaty xytyunäˈäny (Josué 24:15).