ËY 111
Tam tiko mbäät nxondakëm
(Matewʉ 5:12)
1. Jotkujk niˈamukë nnayjyäˈäwëm,
tam tiko xyondaˈagyë ääw jot.
Pes tuˈugyë Jyobaa tyam nmëduˈunëm,
oy ja nmëguˈukˈäjtëm mä tsyoony.
Jotkujk xyyajnayjyäˈäwëm nanduˈun ko
nnijäˈäwëm ja Diosë yˈAyuk.
Yëˈë Biiblyë xypyudëjkëm, xytyuˈumoˈoyëm,
ets nan xytyukniˈˈijxëm tijaty.
Tyam njäˈäwëmë tyäˈädë xondakën,
oy näˈäty njotmaybyatëm kajaa.
Ets xëmë Jyobaa xykyuentˈatäˈänëm,
yëˈë kyaj xynyaˈixäˈänëm ninäˈä.
(DIˈIB YAˈËËWËMBIJTP)
Jotkujk njantsy nnayjyäˈäwëm ko tyam
nmëduˈunëmë Dios diˈib oyjyaˈay,
diˈib mëk kumëjääw ets diˈib jantsy kuwijy.
Nituˈuk duˈunë dios yä naxwiiny.
2. Jotkujk njantsy nyayjyäˈäwëm ko nˈijxëm
tijatyë Jyobaa yajkojtääy.
Ja tsäjp etsë nax ets tukëˈëyë
ak yëˈë yajkojtääyë yˈääw kyëˈë.
Ets ko nimaytyakëm ja Diosë
Kyutujkën jotkujk xyyajnayjyäˈäm.
Oy ko nëjkxë jäˈäy nduknijäˈäwëm
tijatyë Jyobaa Dios tyunaampy.
Pes tsojk tkuytyunäˈäny ja wyandakën,
diˈib ojts yajjääybyety mä yˈAyuk.
Ets taanëmë net nëjkx njukyˈäjtëm
jotkujk winë xëëw yä Naxwiiny.
(DIˈIB YAˈËËWËMBIJTP)
Jotkujk njantsy nnayjyäˈäwëm ko tyam
nmëduˈunëmë Dios diˈib oyjyaˈay,
diˈib mëk kumëjääw ets diˈib jantsy kuwijy.
Nituˈuk duˈunë dios yä naxwiiny.
(Käjpx nanduˈunë Deut. 16:15; Is. 12:6; Fwank 15:11).