• Jyobaa tnamoˈoyë naxwinyëdë jäˈäy tuˈugë it lugäärë tsujpë
    Biiblyë, ¿ti xytyuknijäˈäjëm?
    • Adam and Eve in the garden of Eden, surrounded by animals

      MAYTYAˈAKY 1

      Jyobaa tnamoˈoyë naxwinyëdë jäˈäy tuˈugë it lugäärë tsujpë

      Dios yajkoj tijaty jam tsäjpotm ets yä Naxwiiny; yajkoj wäˈäts ja jäˈäyëty, ta tpëjtaky mä ja it lugäärë tsujpë ets tmooyë yˈanaˈamën

      Lions, birds, and deer in the garden of Eden

      MAYË jäˈäy tnijawëdë ko duˈunë Biiblyë myaytyaktsoony: “Ko tsyonëˈky tsyondaky, yëˈë Dios yëˈë ojts dyajkojy ëgäˈäny yëˈë tsäjp ets yëˈë naxwinyëdë” (Génesis 1:1, MNM). Duˈunë Jyobaa yajnimaytyaktsoony mä Biiblyë, ko yëˈë diˈib myëdäjtypyë mëjää parë ttuundäˈäyët tukëˈëyë, diˈib të dyajkojtäˈäy tijaty jam tsäjpotm etsë tyäˈädë Naxwinyëdë. Jekyë tiempë nyajxy diˈibë Biiblyë myaytyakypy ko Dios tyuuny tukxëëjaty, parë ojts dyajkojy ja Naxwinyëdë ets tukëˈëyë tijaty jaˈäjtp.

      Diˈib niˈigyë mëj näjxp mä tukëˈëyë diˈibë Jyobaa ojts dyajkojy yä Naxwiiny, yëˈë jäˈäy. Duˈun ojts dyajkojy extëm Yëˈë, parë dyaˈixëdët ja oybyë jäˈäyˈäjtën extëmë tsojkën etsë wijyˈäjtën. Yëˈë yajtuunë nax parë ojts dyajkojy ja yetyëjk diˈib xyëëmooy Adan, ets ojts tpëjtaˈaky mä ja it lugäärë tsujpë diˈib xyëˈäjt Eden. Tyäˈädë lugäär këˈëmë Jyobaa dyaˈoˈoyë mä tpëjtaky mayë ääy ujts diˈib tëëmˈäjtp.

      Tëgok ta Dios tˈijxy ko Adan tsyejpy tuˈugë jyamyëët. Pääty ojts tjuˈtë tuˈugë kyaatsypyäjk parë ojts dyajkojˈyë Eebë, ets ta tmooy parë tnëdoˈoxyˈatët. Adan jantsy jotkujk ojts nyayjawëty, axtë ojts tmaˈkxyë tyäˈädë ää ayuk: “¡Yäˈädë tëy ngëˈëm niniˈkxëts yëˈë ets ngëˈëm mbäjkëts yëˈë!”. Päätyë Dios jyënany: “Yëˈë yeˈeytyëjk tˈixmäjtsnëty yëˈë tyeety ets yëˈë tyääk ets tpuwäˈägëty yëˈë tyoˈoxytyëjk, ets nimajtsk tuˈugyë yäjpäätëty ets tuˈugyë jyaˈayˈätëty” (Génesis 2:22-24; 3:20, MNM).

      Dios majtsk pekyë anaˈamën ojts tmoˈoyë Adan mëdë Eebë. Tuˈuk yëˈë tkuentˈattët ja Naxwinyëdë, nyiˈip kyojtët ets tpäättëdë yˈuˈunk yˈënäˈk. Ets ja tuˈuk, yëˈë kyaj tjëˈxtët ja ujts tëëm mä ja kepy diˈib “myëëtˈäjtypyën ja jot winmäˈäny oybyë ets ëxëëkpë” (Génesis 2:17, MNM). Pën kyaj myëdowdë, ooktëp. Koxyëp tmëmëdoodë tyäˈädë anaˈamën jaaxyëp mä ojts dyaˈixëdë ko myëjˈijxtëp ja kutujkën diˈibë Dios myëdäjtypy, ko tsyojktëp ets ko myëjjäˈädëp tijaty yajmooytyë. Extëm nijäˈäjëm, Adan mëdë Eebë myëdäjtääytyëbë naty tukëˈëyë parë tmëmëdowdëdë Dios. Wäˈäts jäˈäyë naty yajpäättë ets nitii tëgoˈoyënë naty tkamëdattë, pesë Biiblyë jyënaˈany ko “Dios tˈijxy jantsy oy, tukëˈëyë mëdiˈibë ënety të dyajkojˈyën” (Génesis 1:31, MNM).

      (Jap yajnimaytyaˈaky mä Génesis kapitulo 1 etsë 2.)