¿Tijatyë Biiblyë nyaskäjpxë mä ndiempëˈäjtëm?

“Tsyiptunäˈändë tuˈugë naxwinyëdë mëdë wiinkpë esë anaˈambëty nandëˈën [...]. Tëgekyë tyäˈädë yëˈë dëˈën määnëm jeˈeyë tsyondaˈaky ja ayoˈon.”

(Matewʉ 24:7, 8)

“Këxëˈëgäämp mayë andakpëty es jyënäˈändët ko yëˈëjëty ja Diosë kyugäjxpë, es dëˈën twinˈëënäˈändë mayë jäˈäyëty. Es jaˈˈatäämp waanë niˈigyë ja axëkˈäjtën, es kyaj ja jäˈäyëty tnakymyëdattët ja tsojkën nixim niyam.”

(Matewʉ 24:11, 12)

“Ko miits xymyëdowdët tsyiptundë oymyääty, katë mnayˈatsëˈëgëdë. Pes dëˈën jyatäˈäny, per kyajpë dëˈën yëˈëjëty mä [“myiny ja kutëgoˈoyën”, Traducción del Nuevo Mundo].”

(Markʉs 13:7)

“Es myinët ja mëk ujx, es mäjatyë nax käjpn myinët ja yuu es ja mëk päˈäm, es jam tsäjwinm yaˈixët ja ijxwëˈëmën diˈibë naxwinyëdë jäˈäy tsyëˈëgëdëp.”

(Lukʉs 21:11)

“Mä naty ttimpatnë myinäˈäny ja Jesukristë, byeen ayoˈon mëët yˈaknaxäˈäny ja xëë tiempë. Ja jäˈäyëty jyëmbijnëdët atsojkpëty, meenyˈoogëty, mëj këjxmëty, nëgoo nyaygyuyäˈäxëdë këdiinëm pën, kyaj tmëmëdowdë tyääk tyeetyëty, ni ti tkamëjjawëdë, kyaj tmëjˈixtë Dios, kyaj tmëdattë ja oyjyot es ni paˈˈayoˈon, abiˈts, kyaj nyayjëjwijtsëmbitëdë, myëtsip tëgekyë diˈibë oy, yajjäˈäyˈoˈkpëty, oytyiity ttuktëkëdë, es mëj patëp. Yëˈëyë yˈëxtäˈäyandëp ja xik awëˈkëk mä jyapäätyëty tˈawdattët ja Dios. Dëˈën nyayˈandijëdët extëmxyëp myëbëktë, per kyaj tkupëktë ja mëkˈäjtën ko jyikyˈattët extëmë Dios ttseky.”

(2 Timotee 3:1-5)