¿Wiˈix wyimbëtseemy ko tmëmëdoodë Satanás?

Adán mëdë Eva kyaj tmëmëdoodë Dios, pääty yˈoˈktë (Génesis 3:6, 23)

Eva yëˈë myëmëdoo ja tsäˈäny ets ojts tjeˈxy ja ujts tsäˈäm. Ok, ta tmooyë Adán ets ta nanduˈun ojts tjeˈxy.

Axëëk yˈadëtstë, pes myëbokytyuundë Dios. Ta yaˈëxkajxtë mä ja it lugäärë tsujpë.

Tsip nimëjää jyukyˈäjttë ets nanduˈun ja yˈuˈunk yˈënäˈk. Ok, ta ojts myëjjäˈäyëndë ets ojts yˈoˈknëdë. Kyaj ojts nyëjkxtë muum wiinktsoo jukyˈäjtpë, duˈunyë tyëgooytyë ja jyukyˈäjtën.

Yëˈë oˈkpë naxway jyëmbittë kyaj ti tjawëdë (Génesis 3:19)

Niˈamukë nˈoˈkëm mët ko ak jam ntsoˈonëm mä Adán mëdë Eva. Yëˈë oˈkpë kyaj mbäät ti ttuny, kyaj yˈixy ets kyaj myëdoy duˈunxyëp extëm myäˈädë (Fwank 11:11-14).

Jyobaa kyaj ojts duˈun ttuknibëjtäägë etsë jäˈäy yˈoogët. Tsojk jatëgok dyajjukypyëkäˈäny pënaty të yˈooktë. Ets pën myëmëdoodëbë Dios, ta jyukyˈattët winë xëë.