WIˈIX JYUKYˈATYË DIOS MËDUUMBË

Diˈibë jemy yaˈëxpëkäämp mä reunyonk diˈib sëmäängujky

Eneerë 2018, ja sëmäängujky yaˈëxpëjktsondäˈägäˈänyë edición de estudio de la Traducción del Nuevo Mundo de las Santas Escrituras (nwtsty), diˈib myëmiimbyë notë, dibujë etsë bideo, jeˈeyë ko japyë yajpäädäˈäny mä Internet, pesë tyäˈädë Biiblyë jeˈeyënëm të pyëtsëmy inglés. Seguurë ko xypyudëkëyäˈänëm ko nˈëxpëjkëm tijaty naxäämp mä reunyonk. Per diˈib mas jëjpˈam, yëˈë ko niˈigyë xytyukmëwingonäˈänëmë nDeetyˈäjtëmë Jyobaa.

NOTË DIˈIB YAˈËXPËKÄÄMP

Mä tyäˈädë notë, yëˈë nyimaytyakypy kanäägë bersikulo diˈib mä Biiblyë, mä wiˈix ja jäˈäy tmëdäjttë kostumbrë, wiˈix ja it lugäär yˈixëty ets ja ayuk diˈib kyäjpxtëp.

Matewʉ 12:20

Metsyë diˈib piˈitsanëp: Këˈëm ijty dyaˈoyëdë diˈib naytyukudëˈkxëdëp tëgoty, mä tuˈugë nax tuˈts tˈadamëdë aseytë diˈib oliibë. Ta net tpëjtäˈäktë ja piity o metsyë diˈib lino ets yëˈë diˈib toopy. Ko mä ayuk grieegë jyënaˈany metsyë diˈib lino diˈib piˈitsanëp, yëˈë yˈandijpy ko tyäˈädë metsyë akjojkp mët ko tapë jëën tˈakmëdaty, per piˈitsanëp. Extëm ojts yajnaskäjpxë mä Isaías 42:3, Jesus pyaˈˈayowaambyë netyë jäˈäy diˈib yujy tudaˈaky ets diˈib yaˈˈaxëktuump, yëˈë ninäˈä nety tkapëjkxëyaˈany ja jäˈäyë jyotkujkˈäjtën.

Matewʉ 26:13

Tëyˈäjtën, jantsy tëyˈäjtën: Tyäˈädë ayuk Amén diˈib yajjääy grieegë, yëˈë diˈib tsoˈomp mä ayuk ebreo ets yëˈë yˈandijpy, “duˈunˈatëbë duˈun” o “seguurë”. Jesus xëmë dyajtuunyë tyäˈädë ayuk ko ti tnimaytyaktsoˈony, twandaky o tnaskäjpxë. Duˈun ojts dyajnigëxëˈëky ko tëyˈäjtën jyënaˈany ets ko mbäät yajmëbëky. Ko Jesus dyajtuunyë tyäˈädë ayuk “tëyˈäjtën” o “amén”, jap yajmaytyaˈaky mä Evangelios. Ets ko majtskˈok jëjwitsë myiny tyäˈädë ayuk (amén amén), extëm mä Evangelio de Juan, yëˈë duˈun ko Jesus jyënany “Jantsy tëyˈäjtën” (Fwank 1:51).

MULTIMEDIA

Retratë, dibujë, bideo diˈib kyaj yajmëdoy etsë bideo mä kyëxëˈëgyë dibujë diˈib yuˈkxp diˈibë Biiblyë myaytyakypy.

Betfagué, “ja Oliibës kopk” etsë Jerusalén

Tyäˈädë bideo yëˈë yaˈijxëp mä ja tuˈu diˈib jäjtp Jerusalén, mä tyam yajpäätyë et-Tur—que, waˈan yëˈëjëtyë Betfagué diˈibë Biiblyë myaytyakypy axtë jyaˈty mä Oliibës kopk. Betania jatsooˈaampy yajpääty Betfagué, ets wyinduuy wyeˈemyë Oliibës kopk. Ko ijtyë Jesus mëdë yˈëxpëjkpëty nyëjkxtë Jerusalén, jam ijty xëmë myääwëˈëmdë Betania. Tyam yajpäätyë tyäˈädë lugäär mä tadë käjpn el-Ázariyeh (El Éizariya), mä ayuk árabe yëˈë yˈandijpy “Lázaro lyugäär”. Nnijäˈäwëm ko Jesus jam jyäjtaky mä tyëjkë Marta, María etsë Lázaro (Mat. 21:17; Mar. 11:11; Luk. 21:37; Fwank 11:1). Ko ijtyë Jesus tsyoony Betania parë nyijkxy Jerusalén, waˈan yëˈë tyäˈädë tuˈu ojts dyoˈoy diˈib këxëˈkp mä bideo. Ets ko Jesus ojts nyijkxy Jerusalén burrëkëjxy 9 äämbë nisán mä jëmëjt 33, yëˈë tyuknäjxë Oliibës kopk, waˈan yëˈëjëtyë tyäˈädë tuˈu ojts dyoˈoy diˈib Betfagué.

Tuˈu diˈib nëjkxp Betania ets Betfagué
Betfagué
Oliibës kopk
Ajoy diˈib Cedrón
Ja kopk mä yˈityë Templë

Tuˈugë klääbës ttukuˈpnaxyë päjk diˈib mä tekyˈëxpoˈkx

Mä tyäˈädë retratë yaˈixy tuˈugë päjk diˈib mä tekyˈëxpoˈkx tyukuˈpnaxyëty tuˈugë klääbës diˈib yeny 11,5 sentimetrë. Mä jëmëjt 1968, jaa ojtsë arqueológos tnitäjtuˈuttë tyäˈädë päjk Jerusalén. Tyäˈädë yëˈë xytyukˈijxëm ko ja romanë jäˈäyëty yëˈë ijty yajtuundëbë klääbës parë tkëxwoptë tuˈugë jäˈäy kepykyëjxy ko dyaˈooktë. Tyäˈädë klääbës, waˈan yëˈë dyajtuundë ja soldäädëtëjk diˈib Roma ko tkëxwojptë Jesus kepykyëjxy. Tyäˈädë päjk, yajpaty mä tuˈugë tsäägäjë mä ijty nyipetyë jäˈäyë wyaay pyäjk ko ja nyiniˈkx wyindëgooytyaˈay. Tyäˈädë yëˈë xytyukˈijxëm ko ijty pën yˈooky kepykyëjxy, mbäät nyaxtëkë (Mat. 27:35).