ËXPËJKËN 1

Yajtsondäˈäk ja maytyaˈaky extëm mbäät yaˈoymyëdoy

Apostʉlʉty 17:22

¿TI YˈANDIJPY? Xyyajtsondäˈägët ja maytyaˈaky extëm mbäädë jäˈäy tˈoymyëdoy, xynyigäjpxët yajxon ti mnimaytyäˈägaampy ets xytyukˈixët tiko jyëjpˈamëty tnijawët.

WIˈIX YAJTUNÄˈÄNY:

Wiˈix yaˈoymyëdowët. Winmay ti myajtëwaampy, nimaytyäˈäk jam tii, tuˈugë eksperiensyë o tuˈugë notisyë diˈibë jäˈäy jyantsy nyijawëyäˈänëp.

Winmay kontiempë ti diˈibë jäˈäy yˈoymyëdowëp o ti myëmääy myëdajpy ets duˈun ja maytyaˈaky xyyajtsondäˈägët.
Yajjaygyukëdë yajxon ti mnimaytyäˈägaampy. Mä xyyajtsondaˈagyë maytyaˈaky, ja xyyajnigëxëˈëgët ti mnimaytyäˈägaampy ets wiˈix pyudëkëyäˈänëdë.
Yajnigëxëˈëk tiko jyëjpˈamëty diˈib mmaytyäˈägaampy. Mbäät xyyajtëgatsy ja maytyaˈaky ko xyˈixët wiˈix ja jäˈäy yˈatsoy. Tsojkëp yajxon tjaygyukëdët ko diˈib jam mdukmëtmaytyäˈägaampy mbäät pyudëkëdë.

Ko nety të xyˈixy wiˈix xyyajnaxäˈäny tuˈugë diskursë, winmay: “¿Tijaty jotmay wyinguwäˈkëdëbë nmëguˈukˈäjtëm mä ja tuˈukmujkën?”. Ets duˈun xyyajtsondäˈägët ja maytyaˈaky extëm të xywyinmay.