ËXPËJKËN 4

Wiˈix yˈoyëty xynyimaytyaktëkët tuˈugë tekstë

Matewʉ 22:41-45

¿TI YˈANDIJPY? Ko jawyiin xyyaˈˈawäˈätsët ja jäˈäyë jyot wyinmäˈäny mä xykyakajpxynyëm tuˈugë tekstë.

Winmay tiko xykyäjpxäˈäny tuˈugë tekstë. Mä xykyakajpxynyëm, nimaytyäˈäk wanaty diˈib mbäädë jäˈäy pyudëkëty parë twinmayët ti mnimaytyäˈägaampy mä ja tekstë.

Ix jawyiin ti nyimaytyakypy mä xykyatukjäˈtynyëm ja tekstë diˈib mgäjpxaampy. Net xynyijawët pën duˈun jënan ets pën duˈun kyujäˈäyë.
Tukkäjpxpatë Biiblyë. Ko xymyëtmaytyäˈägëdë jäˈäy diˈib myëbëjkypyë Dios, tukˈix ko Biiblyë yëˈë Diosë yˈAyuk diˈib myëmiimpy ja wyijyˈäjtën diˈib niˈigyë wäˈkpëtsëëmp.
Jam ti jäˈäy tukmëtmaytyäˈäk parë net xykyäjpxët ja tekstë. Yajtëw tii diˈib yˈatsoowëmbitëp ja tekstë, nigäjpx tuˈugë jotmay ets tukˈix wiˈix mbäät pyudëkëty tuˈugë tekstë o nigäjpx tuˈugë käjpxwijën diˈib yajnimaytyakp mä Biiblyë.

Ix pën ja jäˈäy të tnijäˈäwënë diˈib mnimaytyäˈägaampy o ja tekstë diˈib mgäjpxaampy. Käjpx extëm mbäät tjantsy tˈoymyëdoy, oy yëˈëjëty tuˈugë tekstë diˈib oypyënëty nyijäˈäwëp, ets pudëkë parë yajxon tjaygyukët o parë tˈaknijawët wixaty mbäät pyudëkëty.