ËXPËJKËN 2

Käjpx extëm mgajpxy mmaytyaˈaky

Lukʉs 6:45a

¿TI YˈANDIJPY? Ko mgäjpxët extëm xëmë mgajpxy maytyaˈaky, winë ääw winë jot ets xyyajtunëdë ääw ayuk diˈib kyaj tsyipëty.

Mmënuˈkxtäˈägë Dios ets niˈëxpëkë yajxon. Amdowë Jyobaa nyaybyudëkë parë ko mmaytyäˈägët jamë jäˈäyë wyinmäˈäny tpëjtäˈägët mä Diosë yˈayuk ets kyaj jyamëty mä mijts. Mmëdat mwinmäˈänyoty tijaty mnimaytyäˈägaampy. Këdii jeˈeyë xywyinbagäjpxët diˈib ijtp këxjäˈäy. Yajtunë mgëˈëm ääw mgëˈëm ayuk.

Pën mgäjpxaambyë Biiblyë o wiinkpë ëxpëjkpajn, agäjpxë yajxon parë kyaj mguˈëw mgugäjpxët ko nety xykyajpxy. Käjpx jäˈäwën myëët, mmoˈoyë mˈääw mˈyoˈkn, per kyaj xyyaˈˈaniˈigyët.
Käjpx winë ääw winë jot. Winmay tiko jyëjpˈamëty etsë jäˈäy tmëdowëdë Diosë yˈayuk. Pëjtäˈäk jamë mwinmäˈäny. Ko duˈun xytyunët, ta mä wiˈix mdanë, wiˈix xytyuny ja mwiin mjëjp, nyigëxëˈëgäˈäny ko mgäjpxp winë ääw winë jot ets ko mtsojkypy ja jäˈäy.

Käjpx extëm xëmë mgajpxy mmaytyaˈaky, per kyaj xyyajtëgoyëdë mayˈäjt wintsëˈkën. Ko xykyäjpxpëtsëëmdäˈäyët yajxon ja ayuk ets ko xykyäjpxët extëm yajkäjpxäˈäny, mëjpëjtakypyë nety diˈib jam mnimaytyakypy.
Windëˈkx pënaty myëdoowˈijttëp. Mbäät duˈun xytyuny, pën kyaj jäˈäy wiˈix nyayjyawëdë. Ko xyyajnaxët tuˈugë diskursë, oy ko jawyiin tuˈuk xywyindëˈkxët, ta net jatuˈuk axtë ko xywyindëˈkxtäˈäyët.