ËXPËJKËN 13

Tukˈix wiˈix pyudëkëyäˈänëdë ti jam mnimaytyakypy

Proverbios 3:21

¿TI YˈANDIJPY? Ko xytyukˈixët wiˈix këˈëm ttukˈoyˈatäˈändë ti jam mdukmëtmaytyakypy ets wiˈix mbäät tpadundë.

Winmay pënaty mëtmaytyäˈägaampy. Winmay tiko jyëjpˈamëty ets ja jäˈäy tmëdowët ti mdukmëtmaytyäˈägaampy ets ix wixaty mbäät pyudëkëty.
Tukˈix ti mbäät ttuny mä xyyajtuˈuyoˈoy ja maytyaˈaky. Desde ko mmaytyaktëkë, niˈamukë mbäät wyinmaytyë: “¡Ëjts jam yajmëgäjpxp!”. Koogoo xynyimaytyäˈägët diˈib jëjpˈam, nigäjpx wiˈix mbäät yajkuytyuny ets yajxon xynyigäjpxkojët.

Ko xynyimaytyäˈägët wiˈix yajkuytyunäˈänyë Biiblyë kyäjpxwijën, yajnigëxëˈëgëdë tsojkën ets ko mjaygyujkëp wiˈix yaˈix yajpäättë. Këdii xyyajnayjyawëdë ko nitii oy tkatundë, niˈigyë mbäät xypyudëkëdë parë myëbëjkën dyajkëktëkëdët mä Dios ets ja tsyojkën. It seguurë ko jënäˈänandëp ja yˈääw jyot parë ttunäˈändë diˈib oy.