LEKSION 03
¿Mbäät nmëbëjkëmë Biiblyë?
Biiblyë myëmiimbyë ëwij käjpxwijën ets xytyukwandakëm tijaty. Waˈan xyjanijawëyaˈany tijaty myaytyakypy, per waˈan nanduˈun mnayajtëyëty pën tëyˈäjtën. ¿Mbäät nmëbëjkëm tijaty wyandakypy ets ja ëwij käjpxwijën mëdiˈibë myëmiimpy pën tëëyëp ojts yajjääynyë? Ko Biiblyë jyënaˈany ko mbäät tyam njotkujkˈäjtëm ets nanduˈun mä tiempë myiny kyëdaˈaky, ¿mbäät njantsy myëbëjkëm? Miyonkˈamë jäˈäy myëbëjktëp, ets oyxyëp ko xyˈokˈixy tiko tmëbëktë ets tiko nanduˈun mbäät xymyëbëky.
1. ¿Jantsy tuun jantsy jäjtë tijatyë Biiblyë myaytyakypy?
Mä Biiblyë yajkujäˈäyë ja “ääw ayuk mëdiˈibë tëyˈäjtën” extëm meerë yˈixëty (Eclesiastés 12:10). Jantsy tuun jäjtë tijaty myaytyakypy ets jantsy jukyˈäjttën pënaty jap yajmaytyaktëp (käjpxë Lukʉs 1:3 etsë 3:1, 2). Mayë jäˈäy mëdiˈibë tijaty yˈëxpëjkpëtsëëmdëp të dyajtëyˈäjtëndëkëdë tijatyë Biiblyë myaytyakypy, extëm näˈä tijaty tyuun jyäjtë, ko jantsy jukyˈäjttë ja jäˈäy mëdiˈibë jap yajmaytyaktëp ets ko jantsy taaˈäjtp ja it lugäär mëdiˈibë Biiblyë myaytyakypy.
2. ¿Tiko mbäät nmëbëjkëm tijatyë Biiblyë myaytyakypy oy tëëyëp yajjääynyë?
Mä Biiblyë yajkujäˈäyë mëdiˈibë nety kyaj yajnijawë mä tadë tiempë. Extëm nˈokpëjktakëm, myaytyakypy tijaty näämnëmë jäˈäy të tˈëxpëjkpëtsëmdë mëdiˈibë ko Biiblyë yajjääy wiˈixëmë netyë jäˈäy tmëbëktë. Per mä yäˈädë tiempë, të ëxpëkyjyaˈay dyajtëyˈäjtëndëkëdë ko tëyˈäjtën mëdiˈibë Biiblyë myaytyakypy. Pääty, mbäät nmëbëjkëm “duˈun tyam ets winë xëëw winë tiempë” (Salmo 111:8).
3. ¿Tiko mbäät nmëbëjkëm tijatyë Biiblyë ojts tnaskäjpxë?
Mä Biiblyë ojts yajnaskäjpxë “tijaty kyajnëm tyuny jyatyëty” (Isaías 46:10). Kanäk pëky mëdiˈibë tuun jäjtë, ja Biiblyë ojts tnaskäjpxë mä nety tyëgoyˈaty kanäk mëgoˈpx jëmëjt parë yˈadëwët. Ojts nanduˈun tnaskäjpxë wiˈix yˈixˈatäˈänyë yäˈädë tiempë mëdiˈibë ndukjukyˈäjtëm. Mä yäˈädë leksion nˈixäˈänëm tuk pëky majtsk pëky mëdiˈibë Biiblyë ojts tnaskäjpxë ets wiˈix meerë yˈadëy.
AK NIJAWË NIˈIGYË
Min nˈokˈijxëm wiˈix tyuˈugyë tijatyë Biiblyë myaytyakypy mët tijaty okë ëxpëkyjyaˈay të tˈëxpëjkpëtsëmdë ets nanduˈun tuk pëky majtsk pëky mëdiˈibë ojts yajnaskäjpxë mä Biiblyë.
4. Yajtëyˈäjtëndëjkëdëbë ëxpëkyjyaˈay tijatyë Biiblyë myaytyakypy
Tëëyëp, duˈunë netyë jäˈäy tmëbëktë ko Naxwinyëdë tam mä kyëxmadaˈaky. Ixtë BIDEO.
Okˈix wiˈix yajkujäˈäyë naa 3,500 jëmëjtëp mä Biiblyë. Käjpxtë Job 26:7 ets nimaytyäˈäktë mëdiˈibë yä yajtëëpy:
Ko mä Biiblyë yajkujäˈäyë ko Naxwinyëdë kyaj mä kyëxmadaˈaky, ¿tiko mëjˈixy mëjmëdoy njäˈäwëm?
Tam nëjkxnë naa 200 jëmëjtën ko yajxon yajjaygyujkë mä tsyoonyë nëë tuu, per okˈix wiˈix mä Biiblyë yajkujäˈäyë naa 3,500 jëmëjtëp. Käjpxtë Job 36:27, 28 ets nimaytyäˈäktë mëdiˈibë yä yajtëëpy:
¿Ti mëjˈixy mëjmëdoy mjäˈäwëp extëm yajnimaytyaˈagyë nëë tuu myiny?
Extëm të ngäjpxëmë yäˈädë majtskpë tekstë, ¿mbudëjkëp parë xymyëbëkët ko tëyˈäjtën extëmë Biiblyë jyënaˈany?
5. Biiblyë ojts tnaskäjpxë mëdiˈibë nety tunan jatanëp
Käjpxtë Isaías 44:27-45:2 ets nimaytyäˈäktë mëdiˈibë yä yajtëëpy:
¿Wiˈixë Biiblyë ojts tnaskäjpxë kyutëgoyaˈanyë Babilonia käjpn ko nety tyëgoyˈaty ja 200 jëmëjt?
Të ëxpëkyjyaˈay dyajtëyˈäjtëndëkëdë ko mä jëmëjt 539 mä kyajnëm myinyë Jesus, tuˈugë rey mëdiˈibë xyëwˈäjt Ciro mëdë syoldäädëtëjk dyajkutëgooytyë Babilonia. Jawyiin twoowdëtstë ja nëë mëdiˈibë nety yajnadujkëp ja käjpn, ets kom awäˈäts tpattë ja tëjkˈääw, ta pojënë tyëjkëdë käjpnoty. Tam nyëjkxnë naxy 2,500 jëmëjt mä duˈun tyuun jyäjtë, ets tyam ja Babilonia käjpn jeˈeyë yajpäätyë potsy kyutuk. Min nˈokˈijxëm tijatyë Biiblyë ojts tˈaknaskäjpxë.
Käjpxtë Isaías 13:19, 20 ets nimaytyäˈäktë mëdiˈibë yä yajtëëpy:
¿Wiˈix ojts yˈadëyë yäˈädë tekstë?
Duˈun ja potsy kyutuk kyëxëˈëky mëdiˈibë Babilonia jap Irak
6. Biiblyë ojts tnaskäjpxë tijaty tyam tuun jäjtëp
Biiblyë jyënaˈany ko yëˈë tyam ndukjukyˈäjtëm “ja tiempë mëdiˈibë jëjpkëxanëp” (2 Timoteo 3:1, TNM). Okˈix tijaty ojts tnaskäjpxë tyunäˈäny jyatäˈänyëty.
Käjpxtë Matewʉ 24:6, 7 ets nimaytyäˈäktë mëdiˈibë yä yajtëëpy:
¿Tijatyë Biiblyë ojts tnaskäjpxë tyunäˈäny jyatäˈänyëty mä ja tiempë jyëjpkëxanë?
Käjpxtë 2 Timotee 3:1-5 ets nimaytyäˈäktë mëdiˈibë yä yajtëëpy:
¿Wiˈixë Biiblyë ojts tnaskäjpxë jyaˈayˈatäˈändë jäˈäy mä tiempë jyëjpkëxanë?
Ets mijts wiˈix xyˈokˈixy, ¿duˈun tyamë jäˈäy jyaˈayˈattë?
NÄÄGË JÄˈÄY JYËNÄˈÄNDË: “Biiblyë yëˈë naxwinyëdë jäˈäy të tjäˈäy”.
¿Tiko mijts xymyëbëky ko tëyˈäjtën tijatyë Biiblyë myaytyakypy?
TI TË NJÄJTËM
Tijatyë jäˈäy të tˈëxpëjkpëtsëmdë ets ko yˈadëy tijaty ojts yajnaskäjpxë mä Biiblyë, yëˈë xytyukˈijxëm ko mbäät nmëbëjkëm tijaty myaytyakypy.
Ajamyatsë
¿Tuun jäjtë tijatyë Biiblyë myaytyakypy o yëˈë myëmiimbyë jekymyaytyaˈaky?
¿Wiˈixë ëxpëkyjyaˈay të dyajtëyˈäjtëndëkëdë tijatyë Biiblyë myaytyakypy?
Wiˈix mˈokwinmay, ¿waˈandaa Biiblyë tnigajpxy ti miin këdakp? ¿Ets tiko duˈun mwinmay?
AK PAYEˈEY
Extëmë ëxpëkyjyaˈay jyënäˈändë, ¿tëyˈäjtën tijatyë Biiblyë myaytyakypy?
“¿Tuˈugyëbë Biiblyë mët tijatyë ëxpëkyjyaˈay të tˈëxpëjkpëtsëmdë?” (Myiny mä jw.org)
¿Ti xytyukˈijxëm ko tyam njukyˈäjtëm mä tiempë mëdiˈibë jëjpkëxanëp?
Ix wiˈix ojts yˈadëy tijatyë Biiblyë ojts tnaskäjpxë mä ja gobiernë mëdiˈibë Grecia.
Tuˈugë yetyëjk tëgatsyë netyë Biiblyë tˈixy, per yajtëgäjtsë wyinmäˈäny ko tnijäˈäwë tijaty nyaskäjpxëp.
“Kyajtsë nety nmëbëkyë Dios” (Diˈib Xytyukˈawäˈänëm, num. 5 2017)