¿Tiko Jyobaa tyestiigëty kyaj nyëjkxtë tsiptuumbë?

Ëëtsëty, Jyobaa tyestiigëty, kyajts nëjkxtë tsiptuumbë. Min nˈokˈijxëm tiko:

1. Yëˈë tuˈugë Diosë yˈanaˈamën. Biiblyë ojts tnaskäjpë ko Dios mëduumbëty dyajjëmbitäˈändë “yˈespäädë extëmë aräädë” ets ko kyaj tnekynyiˈëxpëkëyäˈändë tsip (Isaías 2:4).

2. Yëˈë tuˈugë Jesusë yˈanaˈamën. Jesus duˈun ojts ttukˈaneˈemyë apostëlë Pedro: “Pëjkëˈëgë mˈespäädë mä xyaˈity. Mët ko nidëgekyë diˈibë tsiptuump mëdë espäädë, nan mëdë espäädë yˈoogët” (Matewʉ 26:52). Duˈunë Jesus yajxon ttukjaygyujkë ja yˈëxpëjkpëty ko kyaj mbäät tkäjpëˈëktë tyujn pyujxn.

   Jesus nenduˈun jyënany ko kyaj ttuktëk ttukwäˈägëdë naxwinyëdë jäˈäy pënaty panëjkxëdëp. Pääty, ninuˈun tkatuktëkëdë politikë (Fwank 17:16). Nan kyaj tnibëdëˈëktë soldäädëtëjk ets nan kyaj tjëjpkugäjpxëdë ko pën tpuwäˈägëyäˈändë.

3. Tsyojktëbë myëguˈuktëjk pënaty pyanëjkxtëbë Kristë. Jesus tˈanmääy ja yˈëxpëjkpëty: “Tyäädëts miits nmooytyëp yëˈë jembyë anaˈamën: Naytsyokëdë nixim niyam” (Fwank 13:34, 35). Pënaty pyanëjkxtëbë Kristë duˈun nyayjyawëdë tukaˈaxpëm abëtsemy nyaxwinyëdë ets ninäˈä tkakäjpëˈëktëdë tyujn pyujxn parë tsyiptundët mëdë myëguˈuktëjk (1 Fwank 3:10-12).

4. Pënaty tim jawyiin ojts tpanëjkxtë Kristë kyaj ojts nyëjkxtë tsiptuumbë. Tuˈugë liibrë jyënaˈany ko pënaty “tim jawyiin ojts tpanëjkxtë Kristë kyaj ttuktëjkëdë tsip ets kyaj syoldäädëˈäjttë”, pes yˈëxkäjptë ko kyaj tyuˈugyë mët ja “anaˈamën diˈibë Jesus ttukniˈˈijxë ets nyaytsyokëdët nixim niyam ets ttsoktët ja myëtsip” (Encyclopedia of Religion and War). Etsë Edward Gibbon, tuˈugë historiador diˈib Gran Bretaña, tkujäˈäyë mä lyiibrë: “Pënaty tim jawyiin ojts tpanëjkxtë Kristë, tsipë nety tyundët soldäädë [...] kyaj nety mbäät tjëjpˈyoˈoytyuˈuttë mä Diosmëdundë”. (Historia de la decadencia y caída del Imperio romano).

Nduundëbëts diˈib tyukˈoyˈatëbë nax käjpn

Ëëtsëty, Jyobaa tyestiigëty duˈun extëm oytyim pënëty diˈib tsënääytyëp mä nax käjpn ets kyajëts pën nˈaxëktundë mäts ntsëënëdë. Nwintsëˈkëdëbëtsë gobiernë mët kots nmëmëdowdë extëm jyënaˈanyë Biiblyë.

• “Miitsëty nidëgekyë xymyëmëdowdët ja justisëtëjkëty es pënëty yajkutujktëp.” (Romanʉs 13:1.)

• “Mmoˈoytyë ja yajkutujkpë kopk ja diˈibë yëˈë jyaˈäjtypy, es mmoˈoy ja Dios diˈibë Dios jyaˈäjtypy.” (Matewʉ 22:21.)

Päätyëts nmëmëdowdë ley diˈib yajpëjtakp, nyäjktëbëtsë kugëbety ets nduundëbëts tijatyë gobiernë tyuknibëjtakëdëp parë ttukˈoyˈatëdë nax käjpn.