ËY 139
¿Mnayˈijxëp mä ja tsujpë lugäär?
(Diˈibʉ Jatanʉp 21:1-5)
1. ¿Mnayˈijxëp jam? ¿Ets xyˈijxpëts jam?
Mä ja lugäär të jyëmbijnë jantsy oy.
¡Ets okwinmay wiˈix yˈixˈatäˈäny
ko nety njukyˈäjtënë jantsy jotkujk!
¡Kyaj jyamˈatäˈäny ja axëkjäˈäy,
pes të nety ja it lugäär wyatstäˈäy!
Ja Diosë Kyutujkën yajpatnëp wingon,
ets pääty jantsy jotkujk
nguyˈëwäˈänëmë Jyobaa:
(DIˈIB YAˈËËWËMBIJTP)
Dyoskuyëm Jyobaa ko mijts mëdë mˈUˈunk
xyyajjëmbitäˈändë tijaty ak tim jemy.
Agujk jotkujkëts njawëdë njot ngorasoon,
ets xëmë dyoskuyëm nmoˈoyäˈändë Dios Jyobaa.
2. ¡Tyäjëts nyajpääty! ¡Nan ta myajpääty!
Tyamnëmtsë net nˈixy ja tsujpë lugäär.
Diˈibëts yam nˈijxypy, tëyˈäjtën yëˈë,
¡pes yëˈë wyandakë Diosteety Jyobaa!
Kyaj mä jotmay, kyaj mä yuu päˈäm,
ni pëjk adoˈonën, pes të kyexy nyaxy.
Tim tsojk pyëdëˈëgäˈändë pënaty ijtp jutoty,
ets tuˈugyë nˈëwäˈänëm
mët yëˈëjëty winë jot:
(DIˈIB YAˈËËWËMBIJTP)
Dyoskuyëm Jyobaa ko mijts mëdë mˈUˈunk
xyyajjëmbitäˈändë tijaty ak tim jemy.
Agujk jotkujkëts njawëdë njot ngorasoon,
ets xëmë dyoskuyëm nmoˈoyäˈändë Dios Jyobaa.
(Käjpx nanduˈunë Sal. 37:10, 11; Is. 65:17; Fwank 5:28; 2 Peed. 3:13).