LEKSION 26
¿Tiko nëgoo tyim jaˈäjnë axëkˈäjtën etsë ayoˈon?
Ko tyuny jyatyëtyë ayoˈon, ta mayë jäˈäy nyayajtëwëdë: “¿Tiko duˈun tyuny jyatyëty?”. Per xyjyotkujkmoˈoyëm ko nnijäˈäwëm wiˈixë Biiblyë tnimaytyaˈaky tiko duˈun yˈixëtyë yäˈädë jukyˈäjtën.
1. ¿Ti tyuunë Satanás parë dyajtëjkë axëkˈäjtën yä naxwiiny?
Mëjkuˈu Satanás nyibëdëˈkë Dios ets kom yˈatsojk ja kutujkën mëdiˈibë Dios myëdäjtypy, ta ojts tˈëxtäˈäyë winmäˈäny wiˈix pyuwäˈägëdët ja tim jawyiimbë naxwinyëdë jäˈäy, Adán mëdë Eva. Ets ojts ttukˈoybyëtsëmyë wyinmäˈäny ko twinˈëëny ja Eva (Génesis 3:1-5). Tyukmëbëjk ko tamë Jyobaa ti tyukwinguyuˈutsëdë. Satanás yajjaygyukëyanë nanduˈun ko mas jotkujkë naxwinyëdë jäˈäy yˈittët pën kyaj Dios tmëmëdowdë. Ets jaa tim jawyiin yˈandaky ko tˈanmääy ja Eva ko pën jyeˈxypy ja ujtstëëm kyaj yˈoogäˈäny. Päätyë Biiblyë jyënaˈany ko Satanás ‘winˈëˈëmbë yëˈë ets yëˈë yajtsondak ja winˈëˈënën’ (Juan 8:44, TY).
2. ¿Ti net tyuundë Adán mëdë Eva?
Komë Jyobaa jantsy oyjyaˈay ojts tˈanëëmë Adán mëdë Eva ko mbäät tjëˈxtë ja ääytsyäˈäm ujtstsäˈäm mëdiˈibë tyim jëˈxandëp, jeˈeyë ko tam tuˈuk mëdiˈibë kyaj mbäät ttondë (Génesis 2:15-17). Per yëˈëjëty, ta ojts tjëˈxtë oyë nety duˈun të jyayaˈˈanëëmëdë. Eva ta “tnëdujky ja ujtstëëm ets ojts tjeˈxy”. Ok, ta tmooy ja Adán ets “ta nanduˈun ojts tjeˈxy” (Génesis 3:6). Duˈun nimajtsk tmëdëgooytyë ja Dios. Komë Adán mëdë Eva wäˈätsjäˈäy ojts kyojtë, kyaj nety tyukminëdë axëëkpë jot winmäˈäny. Pääty, këˈëmën twinˈijxtë ko kyaj Dios tmëmëdowäˈändë. Ta ojts pyokytyundë ets ojts tjëjpkudijëdë ja kutujkën mëdiˈibë Dios myëdäjtypy parë yˈanaˈamët. Ko duˈun yˈadëtstë, mëjwiin kajaa net ojts tkuˈayoˈonbäädëdë (Génesis 3:16-19).
3. ¿Wiˈix nguˈayoˈowëm ko Adán mëdë Eva kyamëdoowdë?
Ko Adán mëdë Eva pyokytyuundë, ta nyitëjkëdë ja poky kaytyey ets ta nanduˈun ttukninäjxtë niˈamukë ja tyëëm yˈääts. Mä Biiblyë duˈunë Adán yajnimaytyaˈaky: “Dëˈën extëm tuˈuk jeˈeyë ja jäˈäy kyaj tmëmëdooy ja Dios es mëdë yäˈädë pojpëkyëjxm tsyondaky ja oˈkën, pääty nidëgekyë ja jäˈäyëty yˈooktë” (Romanʉs 5:12).
Taaˈäjtp kanäk pëky tiko nˈayoˈowëm. Näˈäty nˈayoˈowëm mët ko këˈëm nnayajtëjkëm jotmayoty, o mbäät nanduˈun xyaˈˈayoˈowëm ko wiink jäˈäy tkatundë mëdiˈibë oy. Ets näˈäty, mët ko ajotkumonë xytyukjäjtëmë ayoˈon mëdiˈibë kyaj ndimyˈëwxijt ndimyjyëjpˈijxëm (käjpxë Eclesiastés 9:11).
AK NIJAWË NIˈIGYË
Min nˈokˈijxëm tiko kyaj mbäät yëˈë Dios nbokyˈijxëm ko jyaˈˈatyë ayoˈon etsë axëkˈäjtën yä naxwiiny ets wiˈix yëˈë nyayjyawëty ko xyˈijxˈayoˈowëm.
4. ¿Pën yajjaˈäjtypyë ayoˈon?
Mayë jäˈäy tmëbëktë ko Dios yëˈë mëdiˈibë anaˈamp yä naxwiiny. ¿Per tëyˈäjtëndaa? Ixtë BIDEO.
Käjpxtë Santiago 1:13, TNM etsë 1 Juan 5:19, TNM ets nimaytyäˈäktë mëdiˈibë yä yajtëëpy:
¿Yëˈë Diosë pyoky ko jyaˈˈatyë ayoˈon etsë axëkˈäjtën?
5. ¿Wiˈix ja nˈijxëmë Satanás yˈaneˈemy?
Käjpxtë Génesis 3:1-6 ets nimaytyäˈäktë mëdiˈibë yä yajtëëpy:
¿Wiˈixë Satanás yˈandaky? (Ixtë bersikulo 4 etsë 5).
¿Wiˈixë Satanás jyënany parë dyajjaygyujkë ko tamë nety ti Jyobaa ttukwinguyuˈutsyë Adán mëdë Eva?
Extëmë Satanás jyënany, ¿tim jëjpˈamëdaa naxwinyëdë jäˈäy tmëmëdowdëdë Jyobaa parë yˈittët jotkujk?
Käjpxtë Eclesiastés 8:9 ets nimaytyäˈäktë mëdiˈibë yä yajtëëpy:
¿Wiˈixë naxwinyëdë jäˈäy jyukyˈattë desde ko Jyobaa kyaj nyekyˈanaˈamëdë?
Adán mëdë Eva wäˈätsjäˈäy ojts kyojtë, ets jamë nety tsyëënëdë mä tuˈugë lugäärë jantsy oy jantsy tsujpë, per kyaj tmëmëdoowdë Jyobaa ets yëˈë pyuwäˈkëdë Satanás.
Ko Adán mëdë Eva kyamëdoowdë, ta tyëjkë poky, ayoˈon etsë oˈk tëgoˈoyën yä naxwiiny.
Jyobaa yajjëjptëgoyaambyë poky kaytyey, oˈk tëgoˈoyën etsë ayoˈon. Ta jatëgokë naxwinyëdë jäˈäy jyëmbitäˈändë wäˈätsjäˈäy ets jyukyˈatäˈändë yä naxwiiny mä nety të jyëmbity jantsy tsuj.
6. Jyobaa mëk tjawë ko xyˈijxˈayoˈowëm
¿Myëkjäˈäwëbë Dios ko xyˈijxˈayoˈowëm? Ix wiˈix tkujäˈäyë ja rey David mëdë apostëlë Pedro. Käjpxtë Salmo 31:7 etsë 1 Peedrʉ 5:7, ets nimaytyäˈäktë mëdiˈibë yä yajtëëpy:
Jyobaa mëk tjawë ko nˈayoˈowëm ets yˈijxypy ja amay jotmay mëdiˈibë nwinguwäˈkëm, ¿wiˈix myajnayjyawëty ko duˈun xynyijawë?
7. Dios yajjëjptëgoyaambyë ayoˈon jotmay mëdiˈibë tyamë naxwinyëdë jäˈäy pyatypy
Käjpxtë Isaías 65:17 etsë Diˈibʉ Jatanʉp o Apocalipsis 21:3, 4, ets nimaytyäˈäktë mëdiˈibë yä yajtëëpy:
Jyobaa wyandakypy dyajjëjptëgoyaˈany tukëˈëyë ja ayoˈon tsäätsyjäjtën mëdiˈibë tyamë naxwinyëdë jäˈäy yajnäjxypy. ¿Tiko mjotkujkmoˈoyëty ko duˈunë Dios ttunäˈäny?
¿Mnijäˈäwëbë nety?
Ko Satanás ojts yˈandaˈaky, ta tniwäämbejtyë Jyobaa, ets axëëk ojts dyajwëˈëmy ko dyajwinmääyë naxwinyëdë jäˈäy ko Jyobaa kyaj tëyˈäjtën myëët yˈaneˈemy. Per ko Jyobaa nëjkx dyajjëjptëgoy ja ayoˈon jotmay mëdiˈibë jaˈäjtp naxwiiny, ta dyajwäˈätsäˈänyë xyëëw. O ja tuk pëky njënäˈänëm, ja mä dyajnigëxëˈëgäˈäny ko yëˈë mas oy anaˈamp. Nitii duˈun kyajëjpˈamëty extëm ko Jyobaa xyëëw dyajwäˈätsäˈäny (Mateo 6:9, 10, TNM).
NÄÄGË JÄˈÄY JYËNÄˈÄNDË: “Duˈunënë Dios ojts ttuknibëjktäägë parë nˈayoˈowëm”.
¿Wiˈix mijts mˈokjënäˈäny?
TI TË NJÄJTËM
Yëˈë pyokyë Satanás, Adán mëdë Eva, ko jyaˈˈatyë axëkˈäjtën yä Naxwiiny. Jyobaa mëk tjantsy jyawë ko xyˈijxˈayoˈowëm pääty tim tsojk dyajjëjptëgoyaˈany ja ayoˈon jotmay.
Ajamyatsë
¿Wiˈixë Satanás ojts twinˈëënyë Eva?
¿Wiˈix tyam nguˈayoˈowëm ko Adán mëdë Eva tkamëmëdoowdë Dios?
¿Wiˈix nnijäˈäwëm ko Jyobaa mëk nanduˈun tjawë ko nyajnäjxëmë ayoˈon jotmay?
AK PAYEˈEY
Nijawë wiˈixë Biiblyë tnimaytyaˈaky tidën pokyˈäjtp.
Aknijawë wiˈixë Satanás tnibëdëˈkyë Jyobaa jam Edén.
“¿Tiko Dios ti tkatuunë parë dyajjëjptëgoyëdë ayoˈon?” (Myiny mä Diˈib Xytyukˈawäˈänëm)
Nijawë wiˈix yajnimaytyaˈaky mëdiˈibë näˈäty tsip njaygyujkëm.
“¿Tiko ja judiyëtëjk ojts jyäämˈook nyääxˈooktë? ¿Tiko Dios kyaj ti ttuuny?” (Myiny mä jw.org)
Ix ti ojts tnijawë tuˈugë yetyëjk mëdiˈibë nety të yeeky të pyety mëdë amay jotmay.