Kyaj nduktëjk ndukwäˈkëm tijatyë naxwinyëdë jäˈäy jyotmayˈäjttëp

Jesus ojts ttukniˈˈixë ja yˈëxpëjkpëty ko yëˈëjëty kyaj nyekydyuˈunˈattë “extëmë naxwinyëdë jäˈäy” (Juan 15:​19, TNM). Pääty kyaj ttuktëk ttukwäˈägëdë politikë winmäˈäny ets ni tsip. Per näˈäty, tsiptakp ets kyaj nduktëjk ndukwäˈkëm, ets axtë mbäädë netë jäˈäy xynyixik xytyukxikëm. ¿Ti mbäät nduˈunëm parë kyaj nduktëjk ndukwäˈkëm tijatyë naxwinyëdë jäˈäy jyotmayˈäjttëp ets yëˈëyë nbuwäˈkëmë Jyobaa?

1. Pënaty jantsy Diosmëduundëp, ¿wiˈix tˈixtë gobiernëtëjk?

Pënaty Diosmëduundëp wyingutsëˈkëdëbë gobiernëtëjk. Jesus duˈun jyënany: “Mmoˈoytyë ja yajkutujkpë kopk ja diˈibë yëˈë jyaˈäjtypy”. Ets nduˈunëm duˈun, pes nmëmëdoˈowëm ja anaˈamën mëdiˈibë gobiernëtëjk yajnaxkëdaktëp, extëm ko nyäjkëmë kugëbety (Markʉs 12:​17). Biiblyë jyënaˈany ko Jyobaa yëˈë nyasˈijxëp etsë gobiernëtëjk yˈanaˈamdët, pääty njënäˈänëm ko kyaj duˈunë kutujkënë tmëdattë extëm yëˈë (Romanʉs 13:1). Ijtëm seguurë ko yëˈëyë Diosë gyobiernë mëdiˈibë të tpëjktaˈaky jam tsäjpotm, yaˈoyëyaampy ja amay jotmay mëdiˈibë pyatypyë naxwinyëdë jäˈäy.

2. ¿Tijaty jotmay kyaj nduktëjk ndukwäˈkëm?

Kyaj nduktëjk ndukwäˈkëmë politikë extëmë Jesus. Ko ja jäˈäy tˈijxtë ko Jesus tyuumbyë miläägrë, ta tjayajtëkëyandë rey, perë Jesus kyaj tkupëjky (Fwank 6:​15). ¿Tiko kyaj? Jesus duˈun ok tnimaytyaky: ‘Käˈäp yääjëty naxwiiny yajpääty yëˈë ngutujkënëts’ (Juan 18:​36, TY). Pääty ëtsäjtëm kyaj nanduˈun tijaty nduktëjk ndukwäˈkëm. Extëm nˈokpëjktakëm, kyaj nduktëjkëmë tsip (käjpxë Miqueas 4:3). Nwingutsëˈkëm nanduˈun tijatyë jäˈäy mëj yajnäjxtëp extëmë bandeerë, per kyaj nguyˈëˈëw nguyyaxëm ni ngasaludaräjtëm mët ko duˈunë nety tpääty extëm nˈawdäjtëm (1 Fwank 5:​21). Kyaj nanduˈun nbuˈëˈëw nbukäjpxëm o tëgatsy nimaytyakëm tuˈugë partiidë o ja mëdiˈibë tëkëyäämp anaˈambë. Mä duˈumbë jotmay ets mä wiinkpë, nyajnigëxëˈkëm ko yëˈëyë nbuwäˈkëm ja Diosë gyobiernë mëdiˈibë të dyajnaxkëdaˈaky.

AK NIJAWË NIˈIGYË

3. Pënaty jyantsy pyanëjkxtëbë Jesus kyaj tii ttuktëk ttukwäˈägëdë

Jesus mët ja yˈëxpëjkpëty ojts tpëjktäˈäktë tuˈugë oybyë ijxpajtën. Käjpxtë Romanʉs 13:​1, 5-7 etsë 1 Peedrʉ 2:​13, 14. Ta net xyˈixtëdë BIDEO ets xynyimaytyäˈäktët mëdiˈibë yä yajtëëpy:

BIDEO: Pënaty jyantsy pyanëjkxtëbë Jesus kyaj tii ttuktëk ttukwäˈägëdë (myëduk pëky) (4:​28)

• ¿Tiko mbäät nwingutsëˈkëmë kuduunktëjk?

• ¿Wiˈix nyajnigëxëˈkëm ko ngajpxykyupëjkëm?

Ko tsip tyunyëty, näägë paˈis jyënäˈändë ko kyaj ttuktëk ttukwäˈägëdë, per pyudëjkëdëp jam wiˈixtsoow, ¿yëˈë yˈandijaampy ko kyaj tjantsy tyuktëkëdë? Käjpxtë Juan 17:​16, TNM. Ta net xyˈixtëdë BIDEO ets xynyimaytyäˈäktët mëdiˈibë yä yajtëëpy:

BIDEO: Pënaty jyantsy pyanëjkxtëbë Jesus kyaj tii ttuktëk ttukwäˈägëdë (myëmajtsk pëky) (3:​11)

• ¿Wiˈix nyajnigëxëˈkëm ko kyaj tii nduktëjk ndukwäˈkëm?

¿Ti mbäät nduˈunëm ko näˈätyë gobiernëtëjk xytyuktunäˈänëm mëdiˈibë Diosë yˈanaˈamën kyaj dyajnigutukë? Käjpxtë Apostʉlʉty o Hechos 5:​28, 29. Ta net xyˈixtëdë BIDEO ets xynyimaytyäˈäktët mëdiˈibë yä yajtëëpy:

BIDEO: Pënaty jyantsy pyanëjkxtëbë Jesus kyaj tii ttuktëk ttukwäˈägëdë (myëdëgëk pëky) (1:​18)

• Ko ja anaˈambëtëjk xytyukˈanaˈamëm mëdiˈibë Diosë yˈanaˈamën yajkubojkypy, ¿pën mbäät nmëmëdoˈowëm?

• Oknigäjpx näˈä tuˈugë Diosmëduumbë kyaj tmëmëdowët ja kuduunk.

4. Kyaj tii nduktëjk ndukwäˈkëm ni jeˈeyë jodoty winmäˈänyoty

Käjpxtë 1 Fwank 5:​21. Ta net xyˈixtëdë BIDEO ets xynyimaytyäˈäktët mëdiˈibë yä yajtëëpy:

BIDEO: Tiko jyëjpˈamëty ets nˈijtëm jotmëk, parë kyaj nduktëjk ndukwäˈkëmë politikë (2:​49)

• Extëm të xyˈixy mä bideo, ¿tiko Ayenge kyaj ttuktëjkë politikë ets ni tkasaludaräjty ja bandeerë?

• Wiˈix mˈokwinmay, ¿oyëdaa ko duˈun ttuuny?

¿Mäjatyëdaa tsyokyëty nyajnigëxëˈkëm ko kyaj tii nduktëjk ndukwäˈkëm? Ixtë BIDEO ets nimaytyäˈäktë mëdiˈibë yä yajtëëpy:

BIDEO: Ti të njäjtëm mä “Diˈib Xytyukˈawäˈänëm”: Kyaj nduktëjk ndukwäˈkëm tijatyë naxwinyëdë jäˈäy yajnaywyäˈkxëdëp (5:​16)

• ¿Wiˈix mbäät nyaˈijxëm ko nipën ngapuwäˈkëm mä yˈëyëˈëk kyuyattë ekipë mëdiˈibë tsoˈondëp kanäk paˈis?

• ¿Wiˈix nyaˈijxëm ko kyaj nduktëjk ndukwäˈkëmë politikë oyxyëp yëˈë tjatuumbëdë tijaty mbäät ndukˈoyˈäjtëm o xyˈaxëktuˈunëm?

• ¿Wiˈix mbäät xynyinäjxëm tijaty nmëdoˈowëm mä notisyë o extëmë jäˈäy wyinmaytyë mëdiˈibë mëët ngäjpx nmaytyakëm?

TI TË NJÄJTËM

Diosmëduumbëty tyuundëbë mëjääw parë kyaj ttuktëk ttukwäˈägëdë politikë, duˈun jyodoty wyinmäˈänyoty, mët ja yˈääw ayuk ets mët tijaty tyuundëp.

Ajamyatsë

• ¿Ti patëp nmoˈoyëmë gobiernëtëjk?

• ¿Tiko kyaj nduktëjk ndukwäˈkëmë politikë winmäˈäny?

• ¿Mäjatyëdaa tsyokyëty nyajnigëxëˈkëm ko kyaj tii nduktëjk ndukwäˈkëm?

AK PAYEˈEY

¿Ti jotmay mbäät nbatëm mët ko kyaj tii nduktëkëyäˈän mdukwäˈägëyäˈänëm?

Jyobaa ninäˈäts të xykyamastuˈuttë (3:​14)

¿Wiˈix mbäädë familyë nyayjyëjpˈixëdë parë kyaj tii ttuktëk ttukwäˈägëdët?

Kyaj tijaty nduktëjk ndukwäˈkëm ko nyajpatëm mëdë naxwinyëdë jäˈäy (4:​25)

¿Tëyˈäjtën extëm mayë jäˈäy wyinmaytyë ko nitii duˈun jotkujk kyayajnayjyawëdë extëm ko tnitsiptundët ja pyaˈis?

“Nitii kyajaˈˈaty mëdiˈibë Dios kyaj mbäät ttuny” (5:​19)

Mä nˈëxtäˈäyëmë tuunk, ¿wiˈix nyajnigëxëˈkëm ko kyaj nekyyajpatëm mëdë naxwinyëdë jäˈäy?

“Niduˈuk niduˈuk ngëyakäˈänëm ja tëyˈäjtën mä Dios” (Diˈib Xytyukˈawäˈänëm, 15 äämbë marsë 2006)