¿Mnayˈaˈijxënëp etsë net mnëbatët?

Tyam të net xynyijawë pënën Jyobaa ko të xyˈëxpëkyë Biiblyë. Ets waˈan jam kujk xyajtëgatsyë mjukyˈäjtën parë xykyuytyuny tijaty mˈëxpëjkypy. Per waˈan jam tii myajnëˈëˈaduky myajtuˈuˈadukyëty ets pääty kyajnëmë mwinmäˈäny xypyëjktaˈaky mnaywyandäˈägëdët mä Jyobaa etsë net mnëbatët. Mä yäˈädë leksion nˈixäˈänëm tijaty jotmay të yajnëˈëˈaduky të yajtuˈuˈadukyëty nimayë jäˈäy, per ti të pyudëkëdë parë të nyëbattë ets ti mijts mbäät xytyuny parë mnëbatët.

1. ¿Nuˈunën mbäät xynyijawë Biiblyë parë mnëbatët?

Parë mbäät mnëbety, tsojkëp jawyiin xyjyaygyukët “diˈibë dën tëyˈäjtën” (1 Timotee 2:4). Per kyaj yëˈë tˈandijy ko mä mganëbetynyëm, tsojkëp xynyijäˈäwëtyaˈayët wiˈix xyˈatsoowëmbitët tijatyë jäˈäy myajtëëwëp. Pes axtë Diosmëduumbëty mëdiˈibë tëëyëp ojts nyëbajnëdë duˈunyëm yˈëxpëjkˈadëˈëtstë (Kolosʉ 1:9, 10). Mëdiˈibën tsojkëp xynyijawët: yëˈë tijaty jëjpˈamë Biiblyë tukniˈˈijxëp ets pënaty tuundëp mëjjäˈäy yëˈë yˈixandëp pën të xyjyaygyujkëtyaˈay.

2. ¿Tijaty mbäät xytyuny mä mganëbetynyëm?

Biiblyë nyigajpxypy ti mbäät xytyuny mä mganëbetynyëm. Jyënaˈany: “Yajtëgatstë mwinmäˈäny es yajjëmbittë mjot” (käjpxë Apostʉlʉty o Hechos 3:19). ¿Wiˈix mbäät duˈun xytyuny? Ko xymyëkjawët tijaty të xytyuundëgoy ets xyˈamdowëdë Jyobaa parë mbokymyaˈkxëdët. Yëˈë nanduˈun yˈandijpy, xyjyëjpkudijët ja axëkˈäjtën ets xypyëjktäˈägëdë mwinmäˈäny parë mjukyˈatët extëmë Dios tkupëky. Tsojkëp nanduˈun mˈyeˈeyët reunyonk ets mnëjkxët ëwäˈkx käjpxwäˈkxpë mëdë mmëguˈuktëjk.

3. ¿Tiko kyaj mbäät mtsëˈëgë ets mnëbatët?

Nääk jyëjptsëˈkëdëp tmëdëgoytyëdë Jyobaa ets ko tkanekykyuytyundët mëdiˈibë tyukwandaktëp. Ets jantsy mbäät duˈun jyaty, pes näˈäty tëgoyäˈänëm, duˈun extëm jyäjttë ja Diosmëduumbëty mëdiˈibë yajmaytyaktëp mä Biiblyë. Per jamyats ko Jyobaa kyaj tˈëwxity ets wäˈätsjäˈäy nyajpatëm (käjpxë Salmo 103:13, 14). Yëˈë jotkujk nyayjyawëyaˈanyëty pën mduumbyë mëjääw nuˈun mmadaˈaky ets mbudëkëyanëp. Pesë Biiblyë duˈun xyˈanmäˈäyëm: “Nitii mbäät xykyatukmastutëm ja tsyojkën ja Dios diˈibë myëdäjtypy mët ëtsäjtëm” (käjpxë Romanʉs 8:38, 39).

AK NIJAWË NIˈIGYË

4. Ixyˈat mas niˈigyë Jyobaa

¿Nuˈunën mbäädë Jyobaa xyˈixyˈaty mä mganëbetynyëm? Tsojkëp xyˈixyˈatët yajxon axtë ko ja mˈääw mjot jyënäˈänët ko mtsojkypy ets ko mmëmëdowaampy. Ixtë BIDEO parë xynyijawët wiˈix duˈun të ttundë abëtsëmy nyaxwinyëdë pënatyë nety yˈëxpëjktëbë Biiblyë. Ta net xynyimaytyäˈäktët mëdiˈibë yä yajtëëpy:

BIDEO: Ja nëˈë tuˈu mëdiˈibë mënëjkxp mä ja nëbajtën (3:56)

• Extëm të nˈijxëm mä bideo, ¿ti näägë nmëguˈukˈäjtëm pudëjkëdë parë wyinmäˈäny tpëjktaktë ets nyëbajttë?

Käjpxtë Romanʉs 12:2 ets xynyimaytyäˈäktët mëdiˈibë yä yajtëëpy:

• ¿Ja tii myaˈˈamajtsk myajjotmajtskëty mëdiˈibë të xynyijawë mä Biiblyë? ¿Mmëbëjkypy ko Jyobaa tyestiigëty jantsy yëˈë tukniˈˈijxëdëp ja tëyˈäjtën?

• ¿Ti mbäät xytyuny pën mˈamajtsk mjotmajtskëp?

5. Winguwäˈägë oytyim ti jotmayëty

Niˈamukë nwinguwäˈkëmë jotmay ko nbëjktakëmë winmäˈäny ets nnëbatäˈänëm. Min nˈokˈijxëm wiˈix jyajty tuˈugë nmëguˈukˈäjtëm, ixtë BIDEO. Ta net xynyimaytyäˈäktët mëdiˈibë yä yajtëëpy:

BIDEO: Ko ntsojkëmë Jyobaa mbäät nwinguwäˈkëm oytyim mëdiˈibë jotmayëty (5:22)

• ¿Tijaty jotmay wyinguwäˈkë Narangerel parë mbäät tmëdunyë Jyobaa?

• ¿Wiˈix pyudëjkë ko ttsokyë Jyobaa parë twinguwäˈkë yäˈädë jotmay?

Käjpxtë Proverbios 29:25 etsë 2 Timotee 1:7, ets nimaytyäˈäktë mëdiˈibë yä yajtëëpy:

• ¿Pën xymyoˈoyäˈänëm ja jotmëkˈäjtën parë nwinguwäˈkëm ja amay jotmay?

6. It seguurë ko Jyobaa mbudëkëyanëp

Jyobaa mbudëkëyanëp parë xytyunët mëdiˈibë yëˈë tsyojkypy. Ixtë BIDEO ets nimaytyäˈäktë mëdiˈibë yä yajtëëpy:

BIDEO: Jyobaa mbudëkëyanëp (2:50)

• Extëm të nˈijxëm mä bideo, ¿tiko netyë yäˈädë yetyëjk tjëjptsëˈëk tjëjpjawë nyëbatët?

• ¿Ti pudëjkë parë yˈijty seguurë ko Jyobaa pudëkëyanëp?

Käjpxtë Isaías 41:10, 13 ets nimaytyäˈäktë mëdiˈibë yä yajtëëpy:

• ¿Tiko mˈity seguurë ko mbäät xykyuytyuny ti Jyobaa mdukwandakypy?

7. Mmëjjawë ko Jyobaa mtsokyëty

Pën xëmë xypyawinmay nuˈunënë Jyobaa mtsokyëty, ta niˈigyë xykyukäjpxëyaˈany ets niˈigyë jyënäˈänäˈäny ja mˈääw mjot parë xëmë xymyëdunët. Käjpxtë Salmo 40:5 ets nimaytyäˈäktë mëdiˈibë yä yajtëëpy:

• Mä tukëˈëyë mëdiˈibë Jyobaa të mnamoˈoyëty, ¿ti mas niˈigyë myajtsobatypy?

Ja kugajpxy Jeremías tsyojkypyë netyë Jyobaa ets ja yˈAyuk, myëjjäˈäw kyunuˈkxyjyäˈäwë nanduˈun ko ojts tnigäjpx tnimaytyakë xyëëw. Yëˈë duˈun jyënany: “Ja mˈayuk yajxondakypyëtsë ngorasoon ets jotkujkëts xyajnayjyawëty, jaˈko yëˈëts ja mxëëw nmënëjkxypy, Jyobaa Dios” (Jeremías 15:16). Atsoowëmbitë net tijaty yä yajtëëpy:

• ¿Tiko mëj xyajnayjyäˈäwëm ko nˈijtëm Jyobaa tyestiigë?

• ¿Mnëbatäämp parë mˈijnët Jyobaa tyestiigë?

• ¿Ja tii myajnëˈëˈaduky myajtuˈuˈadukyëty?

• ¿Ti mbäät xytyuny parë mnëbatët?

TI TË NJÄJTËM

Mbäädë Jyobaa mbudëkëty parë xywyinguwäˈägët oy myëdiˈibëtyë jotmay etsë net mnëbatët.

Ajamyatsë

• ¿Nuˈunën mbäät xynyijawë Biiblyë parë mnëbatët?

• ¿Tijaty mbäät xytyuny mä mganëbetynyëm?

• ¿Tiko kyaj mbäät xyjyëjptsëˈëk xyjyëjpjawë ets mnëbatët?

AK PAYEˈEY

Nijawë tiko mbäädë mwinmäˈäny xypyëjktaˈaky ets mnëbatët.

“¿Listë mˈity parë mnëbatäˈäny?” (Diˈib Xytyukˈawäˈänëm, marsë 2020)

Nijawë wiˈix mbäät xywyinguwäˈägë ja jotmay mëdiˈibë myajnëˈëˈadujk myajtuˈuˈadujkëp parë kyaj mnëbatët.

“¿Kyajts mbäät xyajnëbetyë?” (Diˈib Xytyukˈawäˈänëm, marsë 2019)

Ix ti pudëjkë tuˈugë yetyëjk parë nyëbejty oyë nety myëjwiin kyajaajëty mëdiˈibë yajnëˈëˈadujk yajtuˈuˈadujkëp.

¿Tiko mganëbajnë? (1:10)

Ataa jyëjptsëˈk jyëjpjäˈäwëbë nety nyëbatët. Nijawë ti pudëjkë parë wyinmäˈäny tpëjktaky ets nyëbejty.

Kyajts nnijawë pën xynyitëjkëbëts (7:21)