¿Kyupëjktaabyë Dios tijatyë jäˈäy nyixëëwduundëp?

Jyobaa tsyojkypy ets agujk jotkujk nyajpatëm ets näˈäganäˈäty nduˈukmujkëm parë nxondakojëm. Per ¿kyupëjktaabyëdaa tijatyë jäˈäy nyixëëwduundëp? ¿Wiˈix mbäät ndukˈijxëmë Jyobaa ko ntsojkëm ets ko kyaj axëëk nyajnayjyawëyäˈänëm?

1. ¿Tiko Jyobaa kyaj tkupëjktäˈäy tijatyë jäˈäy nyixëëwduundëp?

Waˈan kyaj xynyijawë ko mayë xëëw mëdiˈibë jäˈäy tyuundëp, kyaj myiny mä Biiblyë ets tsyoony mä relijyonk mëdiˈibë kyaj tyëyˈäjtënëty. Mä ttundë xëëw o kostumbrë, tuun käjpxtëp mëdë kaˈoybyëtëjk ets tyuunëdëbë oˈkpë anmë xyëëw mët ko tmëbëktë ko kyaj yˈooky. Ta nanduˈun mä jäˈäy nyaynyigay nyaynyiˈuugëdë mët ko wiˈixëm tijaty dyajkäjpxtë o ko tmëbëktë ko mbäät wiˈix jyat kyëbattë pën kyaj ttundë ja kostumbrë (Isaías 65:​11). Päätyë Jyobaa tˈanëëmë pënaty mëduunëdëp: ‘Puyeˈeytyuˈuttë yëˈëjëty ets [...] käˈäp xytyondëty ja axëëkpë’ (2 Corintios 6:​17, TY).a

2. ¿Wiˈixë Jyobaa nyayjyawëty ko naxwinyëdë jäˈäy yajmëjkuˈëw yajmëjkugäjpxë ets yajnixëëwduny?

Jyobaa xyˈanmäˈäyëm ets kyaj nˈadëtsëm extëmë jäˈäyëty ‘mëdiˈibë yëˈë naxwinyëdë jäˈäy tyukˈijxpejtypyën ets yëˈë tyukjotkujkˈäjtypy’ (käjpxë Jeremías 17:​5, TY). Naxwinyëdë jäˈäy nyixëëwduundëbë bandeerë, anaˈambëtëjk, soldäädëtëjk mëdiˈibë kyuˈoˈkëdë nyax kyäjpn ets pënaty myëmadaktë ja myëtsip (1 Fwank 5:​21). Ta nanduˈun mëdiˈibë nyixëëwduundëp tuˈugë partiidë o tuˈugë organisasion. ¿Wiˈixëdaa Jyobaa nyayjyawëyaˈanyëty ko nyajmëjpëtsëˈëmëm tuˈugë jäˈäy o tuˈugë partiidë, ets mas niˈigyë pën yëˈë yajwäˈkxtëbë jot winmäˈäny mëdiˈibë kyaj tkupëky?

3. Dios kyaj tkupëkyë xëëw mä jäˈäy ttundë tijaty yëˈë yˈaxëkˈijxypy

Biiblyë yajkubojkypyë xëëw ‘mä jäˈäy yˈuuktë myuˈugëdën, kyaytyë yˈuuktën kuˈuxyë jotkëdaˈaky [ets] tyuundëgoytyë kyäjpxtëgoytyë’ (1 Pedro 4:​3, TY). Mä näägë xëëw, tyuundëbë jäˈäy ti tyimtunandëp ets kyaj yˈoknaywyingutsëˈkëndë ja yetyëjk toxytyëjk. Pën nnaymyayäˈänëm mëdë Jyobaa, jëjpˈam ets kyaj nduktëjk ndukwäˈkëmë duˈumbë xëëw parë wäˈätsë jukyˈäjtën nyajnëjkxëm.

AK NIJAWË NIˈIGYË

4. Këdii xytyuktëkë xëëw mëdiˈibë Jyobaa axëëk yajnayjyäˈäwëp

Käjpxtë Éfesʉ 5:​10 ets nimaytyäˈäktë mëdiˈibë yä yajtëëpy:

• Extëm jyënaˈany yäˈädë tekstë, ¿ti tsojkëp jawyiin nwinmäˈäyëm ko jam tii nnixëëwdunäˈänëm?

• ¿Tijatyë jäˈäy nyixëëwduundëp mä mijts mtsëënë?

• ¿Waˈandaa Jyobaa tkupëky?

Extëm nˈokpëjktakëm, ¿të mˈoknayajtëëwëbë pënë Jyobaa kyupëjkypy ko jäˈäy ttunyë kumpleˈanyë? Mä Biiblyë nimää kyayajmaytyaˈaky ko Diosmëduumbë tyuundë kyumpleˈanyë, per myaytyakypy nimajtskë jäˈäy mëdiˈibë nety kyaj tˈawdattë Jyobaa ets tyuundë kyumpleˈanyë. Käjpxtë Génesis 40:​20-​22 etsë Matewʉ 14:​6-​10. Ta net xynyimaytyäˈäktët mëdiˈibë yä yajtëëpy:

• Extëm jyënaˈanyë yäˈädë tekstë, ¿pënaty tyuundë kyumpleˈanyë? ¿Ets ti tuun jäjtë?

• Extëmë Biiblyë tmaytyaˈagyë kumpleˈanyë, ¿wiˈixë Jyobaa tˈixy?

Per waˈanë net mnayajtëyëty: “¿Axëëgëdaa Jyobaa tyimyˈyajnayjyawëdët kots ndunëdë kumpleˈanyë o kots nëjkxët mä tuˈugë xëëw mëdiˈibë Biiblyë yajkubojkypy?”. Käjpxtë Éxodo 32:​1-8. Ta net xyˈixtëdë BIDEO ets xynyimaytyäˈäktët mëdiˈibë yä yajtëëpy:

BIDEO: Xëëw mëdiˈibë Dios kyaj tkupëky (5:​07)

• ¿Tiko jyëjpˈamëty nˈijxëm pënë Jyobaa kyupëjkypy tuˈugë xëëw o kyaj?

• ¿Ets wiˈix mbäät nnijäˈäwëm?

¿Wiˈix mbäät nnijäˈäwëm pënë Dios kyupëjkypy tuˈugë xëëw?

• ¿Yëˈë yajnixëëwduump mëdiˈibë kyaj myiny mä Biiblyë? Parë xynyijawët, payeˈey wiˈix tsyonëˈky tsyondaky.

• ¿Yëˈë niˈigyë yajmëjpëtsëëmpy tuˈugë naxwinyëdë jäˈäy, tuˈugë organisasion o bandeerë? Ëtsäjtëm yëˈë nyajmëjpëtsëˈëmëmë Jyobaa ets ijtëm seguurë ko yëˈë yaˈoyëyaampy ja naxwinyëdë jäˈäyë yˈamay jyotmay.

• ¿Yajkubojkypyë Biiblyë tijatyë jäˈäy tyuundëp mä ja xëëw? Tsojkëp wäˈäts ja jukyˈäjtën nyajnëjkxëm.

5. Nimaytyäˈäk mëdë mayˈäjt wintsëˈkën tiko kyaj xytyuktëkëyaˈany tuˈugë xëëw

BIDEO: Nˈoknimaytyakëm wintsëˈkën myëët tiko kyaj nduktëkëyäˈänëm ti jäˈäy nyixëëwduundëp (2:​01)

Käjpxtë Matewʉ 7:​12 ets nimaytyäˈäktë mëdiˈibë yä yajtëëpy:

• Extëm jyënaˈanyë yäˈädë tekstë, ¿oyëdaa ko xyˈanëëmët tuˈugë mjëëky mmëguˈuk ets kyaj ttunët tuˈugë xëëw?

• ¿Wiˈix mbäät xytyukˈixy ja mjëëky mmëguˈuk ko mmëjpëjktakypy ets ko mtsojkypy, oy mëët mgayajpääty mä xyëëwdundë?

6. Jyobaa tsyojkypy njukyˈäjtëm agujk jotkujk

Jyobaa tsyojkypy ets mëdë nfamilyëˈäjtëm o nmëtnaymyaayëbëˈäjtëm ngäˈäy nˈukëm ets nxik nxoˈonëm. Käjpxtë Eclesiastés 8:​15 ets nimaytyäˈäktë mëdiˈibë yä yajtëëpy:

• ¿Wiˈix xytyukˈijxëmë yäˈädë tekstë ko Jyobaa tsyojkypy ets nyajpatëm jotkujk?

Jyobaa tsyojkypy ets pënaty mëduunëdëp yajpäättët agujk jotkujk mëdë myëguˈuktëjk ets xyiˈik xyondët, ets duˈunën yaˈixy ko tyunyëtyë asamblee internasional. Ixtë BIDEO.

BIDEO: Wiˈixë nmëguˈukˈäjtëm yaˈˈagëˈë yaˈˈaxäjëdë ko tyunyëtyë asamblee internasional (5:​40)

Käjpxtë Galasyʉ 6:​10 ets nimaytyäˈäktë mëdiˈibë yä yajtëëpy:

• ¿Tim jëjpˈamëdaa ti nixëëwduˈunëm parë nˈoyjyaˈaytyakëm mëdë nmëguˈukˈäjtëm?

• Ti regalë mas niˈigyë myakäˈänëp, ¿mëdiˈibë kuanë ko xyakët mä tuˈugë xëëw o mëdiˈibë myakëp mët ko ja mˈääw mjot jyënaˈany?

• Nimayë Jyobaa tyestiigëty tyuknibëjktakëdëp näˈätyë xëëw mëdiˈibë yˈuˈunk yˈënäˈk tyukxondäˈäktëp ets axtë nyamooytyëp tijaty. Pën mijts jamë mˈuˈunk mˈënäˈk, ¿tijaty mbäät xytyuny parë agujk jotkujk nyayjyawëdët?

TI TË NJÄJTËM

Jyobaa tsyojkypy ngäˈäy nˈukëm ets nxik nxoˈonëm mëdë familyë etsë mëtnaymyaayëbë, per kyaj ttsoky ets nixëëwduˈunëm mëdiˈibë kyaj tkupëky.

Ajamyatsë

• ¿Tijaty mbäät nnayajtëˈëwëm parë nnijäˈäwëm pën kyupëjkypyë Jyobaa tijatyë jäˈäy nyixëëwduundëp?

• ¿Wiˈix mbäät ndukmëtmaytyakëmë familyë o mëtnaymyaayëbë tiko kyaj nëjkxäˈänëm mä tijaty tnixëëwdunäˈändë?

• ¿Wiˈix nnijäˈäwëm ko Jyobaa tsyojkypy agujk jotkujk nyajpatëm ets nxondakëm?

AK PAYEˈEY

Ak nnijawë tijaty xëëw kyaj ttundë Diosmëduumbëty.

“Ta mayë xëëw mëdiˈibë kyaj ttundë Jyobaa tyestiigëty, ¿tiko?” (Myiny mä jw.org)

Nijawë taxk pëky tiko Jyobaa kyaj tkupëky nduˈunëmë kumpleˈanyë.

“¿Tiko Jyobaa tyestiigëty kyaj tmëjtundë kumpleˈanyë?” (Myiny mä jw.org)

Ix wiˈixë ënäˈkuˈungëty dyajxondäˈäktë Jyobaa ko kyaj ttundë tijatyë jäˈäy nyixëduundëp.

Jyobaa myajtsobatëp mëjwiin kajaa (11:35)

Miyonkˈamë Diosmëduumbëty kyaj ttundë Nabidad. ¿Jotkujkëdaa nyayjyawëdë?

“Niˈigyë tyam agujk jotkujk nyayjyawëdë” (Myiny mä Diˈib Xytyukˈawäˈänëm)