DIˈIB MIIMP MÄ NYIˈAK: MBÄÄT YAJTUKXONDAˈAGYË JUKYˈÄJTËN

¿Mbäät tyam ndukxondakëmë jukyˈäjtën?

“Apenë jeˈeyë njukyˈäjtëm 70 jëmëjt, ets 80 pën akˈoyˈäjt akmëkˈäjtëm: per jeˈeyë ngëjx nˈanuˈkxëm ets ayoˈon mëët nˈakjukyˈäjtëm.” (Salmo 90:10, El libro del Pueblo de Dios)

¡TËYˈÄJTËN extëmë tyäˈädë tekstë jyënaˈany! Mä tyäˈädë tiempë, “jeˈeyë ngëjx nˈanuˈkxëm ets ayoˈon mëët nˈakjukyˈäjtëm”. Pääty nnayajtëˈëwëm pën mbäät ndukxondakëmë jukyˈäjtën.

Extëm nˈokpëjtakëmë Maria. Yëˈë xëmë tyuuny ko yˈënäˈkˈäjty, per tyam, ja jyëmëjt 84 ets kyaj nëgoo mä yˈoknëjkxnë. Jeˈeyëmë jyot wyinmäˈäny tyuny, perë nyiniˈkx kyëbäjk kyaj yˈokmadaknë. ¿Wiˈix mbäät ttukxondaˈagyë jyukyˈäjtën?

¿Nanduˈun mijts mjaty? Waˈan mnayajtëyëty: “¿Tikots njukyˈaty?”. Waˈan natimˈyëˈëyëm xytyuny tuˈugë tuunk ets xymyëtsipkaˈxnë. Mbäät kyaj pën tpëkyë kuentë wiˈix mtsiptakxëty. Ets pën oy wyimbëtsëmy tijaty mduumpy, mbäädë net yëˈë xymyëmay xymyëdäjy ti miin këdakp, o näˈäty mnayjawëty naytyuˈuk o mon tuk, o janääm jatsojk mtsiptundë mëdë mfamilyë. Waˈan të yˈoogyë mjiiky mmëguˈuk. Duˈun jyajtyë André. Yëˈë mëkë netyë tyeety tˈookjawë, per ta ajotkumonë pyäˈämbejty, ets yˈoˈky, mëk axëëk jyantsy nyayjäˈäwë. André wyinmay ko tsip jatëgok nyayjawëdët agujk jotkujk.

Niˈamukë nnijawëyäˈänëm pën mbäät ndukxondakëmë jukyˈäjtën, oy ngëjx nˈanuˈkxëm ets oy ayoˈon mëët njukyˈäjtëm. Ets mbäät nnijäˈäwëm ko nˈijxëm wiˈixë Jesus jyukyˈajtyë yä Naxwiiny nyaa majtsk mil jëmëjtëp. Oy tpatyë amay jotmay, tyukxondakë jyukyˈäjtën. Ets ëtsäjtëm, nan mbäät ndukxondakëm pën nbanëjkxëmë yˈijxpajtën.

[Dibujë diˈib mä pajina 3]