YAJTËˈËWËN DIˈIB YAˈˈATSOOJËMBIJTP MÄ BIIBLYË

¿Mbäädë Biiblyë yajjaygyukë?

Biiblyë yëˈë Diosë yˈayuk. Duˈun yëˈë extëm tuˈugë neky diˈib të xytyuknigajxëmë nDeetyˈäjtëm (2 Timotee 3:16). Japë Dios tnimaytyaˈaky wiˈix mbäät xykyupëjkëm, tiko tnasˈixë axëkˈäjtën ets ti tyukmëdunaambyë naxwinyëdë jäˈäy mä tiempë myiny kyëdaˈaky. Per pënaty tukniˈˈijxëdëp mä relijyonk të dyajmäˈättë extëm jyënaˈanyë Biiblyë, pääty mayë jäˈäy wyinmaytyë ko ninäˈä Biiblyë tkajaygyukët (Apostʉlʉty 20:29, 30).

Jyobaa Dios tsyejpy ets nnijäˈäwëm ja tëyˈäjtën mä pënën yëˈë, pääty të xymyoˈoyëm tuˈugë liibrë diˈib mbäät yajjaygyukë. (Käjpxë 1 Timoteo 2:3, 4.)

¿Ti mbäät mbudëkëty parë xyjaygyukëdë Biiblyë?

Jyobaa kyaj jeˈeyë të xymyoˈoyëmë Biiblyë, nan të dyakyë naybyudëkë parë njaygyujkëm. Ojts tkexyë Jesus parë ojts xytyukniˈˈijxëm (Lukʉs 4:16-21). Jesus ojts kanäägë tekstë tnimaytyaˈaky. (Käjpxë Lukʉs 24:27, 32, 45.)

Jesus ojts dyajnaxkëdaˈagyë naymyujkën parë dyajnëjkxˈadëˈëtsët ja tuunk diˈib yëˈë ojts dyajtsondaˈaky (Matewʉ 28:19, 20). Mä tyäˈädë tiempë, pënaty jyantsy pyanëjkxtëbë Jesus nan pyudëjkëdëbë jäˈäy xondaˈakyˈää xondaˈakyjyot parë tjaygyukëdët wiˈixë Biiblyë tnimaytyaˈagyë Dios. Pën mijts mjaygyukëyaampy nanduˈun, anëëmë Jyobaa tyestiigëty ets mbudëkëdët. (Käjpxë Apostʉlʉty 8:30, 31.)

Pën mˈaknijawëyaampy, ixë kapitulo 2 mä tyäˈädë liibrë ¿Ti tëyˈäjtën jantsy tukniˈijxëbë Biiblyë?, diˈib yajpëtsëëmdëbë Jyobaa tyestiigëty

[Dibujë diˈib mä pajina 32]