DIˈIB MIIMP MÄ NYIˈAK: ¿TI MYAYTYAKYPYË BIIBLYË?

“Të net nbatëm ja Kristë diˈibë Dios wyinˈijx”

Diˈibë Miqueas ojts tnaskäjpxë ja yˈadëëy ko nyajxy 700 jëmëjt, ko Jesus, diˈibë Dios Winˈijxë myaxuˈunkˈäjty Belén. Ets kyum 30 jëmëjt, ta yˈadëëy diˈibë Daniel ojts tnaskäjpxë. Ja Jesus nyëbejty mä jëmëjt 29 etsë Dios wyinˈijxë mëdë myëjää. Duˈun myiiny ja tëëm ääts o ja diˈibë Dios Wyinˈijx, diˈibë netyë jäˈäy jyantsy yˈawijxtëp.

Ko Jesus nyëbajtääy, ta tyëjkë tuumbë parë ojts “tkäjxwaˈxy ja oybyë ayuk diˈibë nyigajxypy ja Diosë kyutujkën” (Lukʉs 8:1). Oyjyaˈay yˈijty ets nyaytyukjotmaytyuunë jäˈäy, extëmë nety të yajnaskäjpxë. Jantsy oy yaˈëxpëjky ets ojts “dyaˈˈagëdaˈaky ja jäˈäyëty diˈibaty pëjkëdëp”, duˈun dyaˈijxë ko kupëjkëbë Dios (Matewʉ 4:23). Pënaty pyanëjkxtë Jesus, duˈun ja mëjjäˈäy mutsk jäˈäy, nanduˈun jyënandë extëm niduˈuk ja yˈëxpëjkpë: “Të net nbatëm ja Kristë diˈibë Dios wyinˈijx” (Fwank 1:41).

Jesus ojts tnigajpxy ko mä kyaˈˈanaˈamtsondaˈakynyëm yä Naxwiiny, jyaˈˈatäˈänyë tsip, mëk ujx ets kanäk pëkyë amay jotmay. Pääty jyënany ets nnayaˈijtëm wijy (Markʉs 13:37).

Jesus wäˈäts jäˈäy yajpaty ets xëmë tmëmëdooyë Dios, per mëtsipˈäjtë jäˈäy axtë yaˈoˈkë. Ets ko yˈoˈky, ta nyajxy extëmë wintsëˈkënë wäˈätspë parë nbatëm ja jukyˈäjtën winë xëëbë, diˈibë Adán mëdë Eva yajtëgooytyë.

Ko Jesus yˈoˈky ets jyukypyejky kyum tëgëk xëë extëm tuˈugë anklës, nan yëˈë adëë diˈibë nety të yajnaskäjpxë. Ja nyaytyukˈijxë 500 naxy ja yˈëxpëjkpëty. Ets mä kyanëjkxynyëm tsäjpotm, ta tˈanmääy parë nëjkx nyimaytyäˈägëdë ets ttuknijawëdë jäˈäy ja Kyutujkën “mä tëgekyë naxwinyëdë” (Matewʉ 28:19). ¿Axtë mäbäät ojts kyäjpxwäˈkxtë?

(Yajpääty mä Matewʉ, Markʉs, Lukʉs, Fwank etsë 1 Korintʉ.)

[Dibujë diˈib mä pajina 6]