Diˈib nääk të nyayajtëwëdë

Ko Satanás tˈanmääyë Eva ko kyaj yˈoogäˈäny pën jyeˈxypy ja ujts kepyë tyëëm diˈib tuknijäˈäwëbë oybyë etsë axëëkpë, ¿jadaa tim ogäˈän ojts tˈanëëmë ko anmë kyaj yˈooky extëm tyamë jäˈäy tmëbëktë?

Kyaj jyawë. Satanás kyaj tˈanmääyë Eva ko yëˈëyë ogäämp ja nyiniˈkx ets ja yˈanmë wiinktsoo nëjkx jyukyˈatäˈäny, pën jyeˈxypy ja ujts tëëm diˈibë netyë Dios të dyajkuboky. Pes mët yëˈëgyëjxm ja tsäˈäny, Satanás tˈanmääyë Eva ko niwiˈixtsoo kyaˈoogäˈäny. Ttukjaygyujkë ko duˈunyëm jyukyˈäjtˈadëˈëtsäˈäny ets ko mas oy jyukyˈatäˈäny yä Naxwiiny pën wyinwäˈknäjxypyë Dios (Gén. 2:17; 3:3-5).

Pënë tyäˈädë tukniˈˈijxën kyaj tsyondaky jam Edén, ¿määxë tsyondaky ko jäˈäy jyënäˈändë ko anmë kyaj yˈooky? Kyaj yajxon tyim yajnijawë. Diˈib tëy yajnijäˈäwëp, yëˈë ko ja relijyonk diˈib kyaj tyëyˈäjtënëty ja jyëjptëgooytyaay ko myiiny ja Ayoˈonduu ja tiempë mä Noé jyukyˈajty. Ets kom yëˈëyë ojts tsyokwëˈëmdë ja Noé mëdë fyamilyë diˈibë nety Dios mëduundëp, ta tukëˈëyë jyëjptëgooytyaay tijaty tyuun kyäjpxtëbë relijyonk diˈib kyaj tyëyˈäjtënëty.

Päätyë tyäˈädë tukniˈˈijxënë ja tsyonëˈky tsyondaky ko nyajxy ja Ayoˈonduu. Per ¿wiˈix myëjwindëjkë? Jaˈko Dios dyajtëgäjtstääy ja ääw ayuk jam Babel ets ojts “dyajˈyoˈoywyäˈkxtäˈäy ja jäˈäyëty naxwinyëdë abëtsëmy”, ets ja mä ojts tmëtsoˈonëdë ja winmäˈäny ko anmë kyaj yˈooky (Gén. 11:8, 9, MNM). Pääty, kyaj yajxon ndimnijäˈäwëm näˈäjën tsyonëˈky tsyondaˈaky tyäˈädë tukniˈˈijxën diˈib kyaj tyëyˈäjtënëty. Diˈibën tëy nnijäˈäwëm, yëˈë ko Satanás diˈib “yajtsondak ja andakën”, yëˈë nyikëjxmˈäjt ets tyukxondak ko tyäˈädë tukniˈˈijxën ojts wyaˈkxy oytyim määjëty (Fwank 8:44).