Mbété Ganwôn bá hí lé?

BAY A GANWÔN SAA

“Bayri too ka njukuri dé gí a gél a Ganwôn.”​—⁠2 Timothée 3:​16, La Bible. Traduction du monde nouveau.

HEŊ KA ZI SANA

Na ko heŋ ka mbété Ganwôn toa mana rérú ka boko bay bélaké ka mbanay.​—⁠Proverbes 2:​1-5.

Toa bélabay ka na zi a bíl kíra mana.​—⁠Psaume 119:105.

Ganwôn zi bá na zíŋ gél kawa bélaké.​—⁠Romains 15:⁠4.

NA MA MBI LAW KAN TÚ HEŊ KA GANWÔN SAA LÉ?

Eŋ, bay tú heŋ say:

• Bay a Ganwôn sé ma mbéné. Mbété Ganwôn kú dé dibaŋ mbimbom 1600, njukuri 40 pé dé, kú ziri ko hanari ya. Heŋ ka kú dé sé mambéné!

• A bélaké bá. Njuku dé mbété a tisiri néri mû heŋ béyaké ka kú níŋ. Amma njukuri ka dé mbété Ganwôn saa heŋ béyaké too ka kú niŋ, ka njukuri kú laa.​—⁠2 Chroniques 36:​15, 16; Psaume 51:​1-4.

• Propheciri ma law. Mbimbom ka mbimbom (200) da mbel mbété saa lé pú babylone é léna Isaie 13:​17-22 ka hí ríŋ njuku ka bá pú Babylone ké léi, rá any pú ké é léna! ​—⁠Isaie 45:​1-3.

  A bíl mbété Ganwôn propheciri bá ngénaké taa bá bélaké. Zi tii bá heŋ ka na joko, a bíl mbété ka gí a gél a Ganwôn yalé?​—⁠2 Pierre 1:⁠21.