Мяленте ли содамс видешить?

МЕЗЕНЬ колга видешись? Сянь колга, мезе кизефнихть ломаттне пяк кунара. Наверное тиньге улихть тяфтама кизефксеньте.

• Кельксамазь ли минь Шкайсь?

• Сай ли мзярдонга пец войнатненди и ризфшити?

• Мзярда ломанць кулы мезе мархтонза тиеви?

• Ули ли кулофненди мезс надиямс?

• Кода эряви озондомс, штобы Шкайсь минь кулхцондолемазь?

• Кода мумс павазу эряф?

Кода тинь арьсетяда коста эряви мумс ответ тя кизефкснень лангс? Библиотекаса и книжной лавкаса тинь мутада тёжянь книга, конат корхтайхть, што содасазь тя ответтнень. Но сидеста фкя книгась каршек корхтай омбоцети. Васенда ломаттне лувозь, што кодама-бди книгатне пяк эрявийхть, но ётай аф лама пинге, и синь эздость, аш кодамовок лезкс. Синь полафтсазь или тяштийхть од книгат.

Ули книга, конанди седишкада можно надиямс. Тя книгась мзярдонга аф васькафни. Иисус Христос озонць Шкайти и мярьгсь: «Тонь валце видеши» (Иоанна 17:17). Тячи Шкайть Валоц тяштьф Библияса. Лувость лия страницатнень и тинь мутада шархкодеви и виде библейскяй ответт тя инголи максф кизефкснень лангс.

Кельксамазь ли минь Шкайсь?

МЕЗЕНКСА ПОЯВАКШНИ ТЯФТАМА КИЗЕФКС. Минь эрятама мирса пяшксе кяжда и аф видешида. Ламоц вератне тонафтийхть, што минь осалшиньке, ризфне — Шкайть эзда.

МЕЗЕНДИ ТОНАФТЫ БИБЛИЯСЬ. Шкайсь мзярдонга аф тии осал. «Мзярдонга виде Шкайсь аф тиенди кальдявста и Сембе Машты Шкайсь аф тии афвидеста!» — корхтави Иов 34:10. Шкайть ули пяк цебярь мялец ломаттненди. Сяс Иисус тонафтомазь минь озондома: «Минь Аляньке менельть эса... Катк сай тонь оцязорксшице. Катк тонь мяльце кармай улема модать лангса, кода и менельса» (Матфея 6:9, 10). Тяшкава кельгсамазь Шкайсь, што макссь оцю жертва, штобы Шкайсь мезе ёрась арьсемс тисы ломаттненьди (Иоанна 3:16).

Ваность стане же Бытие 1:26—28; Иакова 1:13 и 1 Петра 5:6, 7.

Сай ли мзярдонга пец войнатненди и ризфшити?

МЕЗЕНКСА ПОЯВАКШНИ ТЯФТАМА КИЗЕФКС. Войнаса шавовихть пяк лама ломань. Минь или минь раднянеконь, ялганеконь ульсть пичефкссна, ризфсна.

МЕЗЕНДИ ТОНАФТЫ БИБЛИЯСЬ. Шкайсь корхтай, што сай пинге, мзярда сон тии марнек модати мир. Мзярда Шкайть менелень Оцязорксшиц кармай азорондама модать лангса и эста ёфси «аф кармайхть тонафнема воявама». Синь «тисазь эсь мечснон соканди» (Исаия 2:4). Шкайсь аделасы сембе афвидексшить и ризфть и пичефксшить. Библиясь максы вал: «Нардасыне Шкайсь сембе сельмеведьснон, и куломась аф кармай; аф аварьдемат, аф ольксемат, урмат мзярдонга аф кармайхть. Ингольденнесь [тяфта же афвидексшись и ризфсь] ётась» (Откровение 21:3, 4).

Ваность стане же Псалом 37:10, 11; 46:9 и Михея 4:1—4.

Мзярда ломанць кулы мезе мархтонза тиеви?

МЕЗЕНКСА ПОЯВАКШНИ ТЯФТАМА КИЗЕФКС. Ламоц религиятне тонафтыхть, што мзярда ломанць кулы ваймоц эряй куломда меле. Кой-конат верондайхть, што кулотне кармайхть тиема кальдяв эряй ломаттненди и што Шкайсь тии тяфта, што ломаттне конат тиендихть кальдяв тевт кармайхт векста векс мучендама адскяй толть эса.

МЕЗЕНДИ ТОНАФТЫ БИБЛИЯСЬ. Мзярда ломанць кулы, аф кармай эряма. «Кулофсь мезьге аф содай»,— корхтави Экклезиастса 9:5. Сяс-мес кулыхне мезевок аф содайхть, аф маряйхть, синь аф тиендийхть кальдявста, и аф лездыхть эряй ломаттненди (Псалом 146:3, 4).

Ваность стане же Бытие 3:19 и Экклезиаст 9:6, 10.

Ули ли кулофненди мезс надиямс?

МЕЗЕНКСА ПОЯВАКШНИ ТЯФТАМА КИЗЕФКС. Минь сембе ёратама эрямс и кенярькшнемс эряфти сятнень мархта, кинь кельгтама. Минь мяленьке одукс няемс раднянеконь, ялганеконь конат кулость.

МЕЗЕНДИ ТОНАФТЫ БИБЛИЯСЬ. Ламоц кулотне кармайхть эреклама. Иисус мяргсь, што «калмоса ащихне кульсазь сонь вайгяленц и лисихть» (Иоанна 5:28, 29). Эреклаф ломаттне кармайхть эряма райскяй модать лангса, тяфтама ульсь мялец Шкайть васендакиге (Луки 23:43). Шкайень кулхцонды ломаттнень кармай улема цебярь шумбрашисна и кармайхть эряма векста векс. Библияса корхтави: «Виде ломатненди ули максф модась и кармайхть синь лангсонза эряма векста векс» (Псалом 37:29).

Ваность стане же Иов 14:14, 15; Луки 7:11—17 и Деяния 24:15.

Кода эряви озондомс, штобы Шкайсь минь кулхцондолемазь?

МЕЗЕНКСА ПОЯВАКШНИ ТЯФТАМА КИЗЕФКС. Ломаттне пцтай сембе религияса озондыйхть. Но ломаттненди няеви, што синь озондомаснон Шкайсь аф кульсыне.

МЕЗЕНДИ ТОНАФТЫ БИБЛИЯСЬ. Иисус минь тонафтомазь аф азондомс одукс тякотьже тонафнеф валхнень мзярда озонттада. Сон корхтась: «Мзярда озондат, тякоть же тят азончне одукс» (Матфея 6:7). Штобы Шкайсь минь кулелемазь эряви озондомс станя, кода сонь мялец. Сяс тянгса тейнек эряви содамс, кодама Шкайть мялец и озондомс сонь мяленц коряс. 1 Иоанна 5:14 тяштьф: «Мезе бы афоледе ана сонь [Шкайть] мяленц коряс кульсамазь минь».

Ваность стане же Псалом 65:2; Иоанна 14:6, 14 и 1 Иоанна 3:22.

Кода мумс павазу эряф?

МЕЗЕНКСА ПОЯВАКШНИ ТЯФТАМА КИЗЕФКС. Ламоц ломаттне лувсазь, што эряфсь улель павазу — эряви лама ярмак, штобы лама ломань содалезь синь, и мазы ши. Синь путсазь сембе эрьгаснон, штобы мумс семботь тянь, но павазу ши сяка аф муйхть.

МЕЗЕНДИ ТОНАФТЫ БИБЛИЯСЬ. Иисус няфтезе, мезе эряви павазти. Сон мярьгсь: «Павазуфт сят конат шарьхкодьсазь, што теест эряви Шкайсь» (Матфея 5:3). Минь ульхтяма павазуфт аньцек эста, мзярда карматама содама или мусаськ сянь, мезе пяк эряви ломаттненди — видеши Шкайть колга и сонь мяленц минь колганок. Тя видешить колга корхтави Библияса. Мзярда минь содасаськ тя видешить, то шарьхкодьсаськ мезе тейнек пяк эряви эряфсонок и мезе аф эряви. Кда минь кирьдсаськ мяльсонок тя Библиянь видешить и карматама тиендема скрось эряфсонок тяфта — то эряфонеке ули павазу (Луки 11:28).

Ваность стане же Притчи 3:5, 6, 13—18 и 1 Тимофею 6:9, 10.

Минь ваноськ библейскаяй ответтнень тя кота кизефькснень лангс. Мяленьте ли тинь содамс сяда лама? Конешно, кда тинь шарьхкодьсасть, што теенть эряви Шкайсь. Пади тинь мяленьтте содамс, мес кельги Шкайсь максси тняра ризфта и осалда? А кода мумс паваз семейнай эряфса? Библияса максовихть пяк лама ответта тя и лия кизефкснень лангс.

Сяка ломаттне тячи аф ванондыйхть Библияти. Синь арьсийхть, што Библиясь пяк оцю книга кона пяк стакаста шарьхкодеви. Мяленьте ли тинь, штобы теенть лездольхть мумс Библияста ответт тинь кизефксонттень лангс? Иеговать Свидетеленза макссийхть кафта способт, конат теенть кармайхть лездома.

Васеньцесь — тя книгась «Чему учит Библия?». Сон максф тянгса, штобы лездомс пяк заняф ломаттненди мумс ответт пяк эрявикс кизефкснень лангс Библияста. Омбоцесь — тя кудса ярмакфтома тонафнемс Библиять. Эздонтт аф ичкозе эряйхть Иеговать Свидетеленза, и кда тинь мялентте, недяляти весть кармайхть сашендома пялонт, или лия вастс, коза тинь мяленьтте и аф ламонь корхнемс мархтонтт Библиять колга. Тяфтама тонафнемась лездсь миллион ломаненди марнек мирса. Ламотне эздост тяни седишкада корхтайхть: «Мон муйне видесшить!»

Библейскяй видешись — питнефтома казне. Минь лоткаме верендама приметатненди, и аш седиень пичефкст и стака пелемат. Видешись максы тейнек надияма, кенярьдема и павазу эряф. Иисус мярьгсь: «Тинь содасть видешить и видешись нолдатядясь тинь» (Иоанна 8:32).