Мезе лезды теенть тиемс семьянтень павазуста?

МЕЗЕ КОРХТАЙ БИБЛИЯСЬ

«Сядонга павазуфт Шкай валонь маряйхне и пяшкодихне» (Лукань 11:28, Лукань Коряс Евангелия мокшекс).

МЕЗЕ ТЯ МАКСЫ ТЕЕНТЬ

Афкуксонь кельгома (Эфесянам 5:28, 29).

Седишкава мяль ванома (Эфесянам 5:33).

Апак пельхть эряма (Марка 10:6—9).

ЭРЯВИ ЛИ КЕМАМС СЯНДИ, МЕЗЕ КОРХТАВИ БИБЛИЯСА?

Эряви, и тянди ули кафта туфталхт:

• Семьять тиезе Шкайсь. Библияса корхтави, што «сембе семьятне... получазь эсь лемснон» Иегова Шкайть эзда (Эфесянам 3:14, 15). Лиякс мярьгомс, семьять арьсезе Шкайсь. Мес тя эряви пяк содамс?

  Арьседа: къда тинь мялезонт тусь кодама бди ярхцампяль, кинь кизефтсасть, кода сонь пидемс? Сянь кядьста, кие сонь аноклазе.

  Тяфта жа, къда мялентте содамс кода тиемс семьянттень павазуста, эряви кизефтемс Иеговать — сянь, кие тиезе семьять (Бытие 2:18—24).

• Шкайсь арьси тинь колгантт. Мес эряви вешемс совет Шкайть Валста? «Сяс мес,— кода азф Библияса,— сон арьси тинь колгантт» (1 Петра 5:6, 7). Иеговать мялец максомс миньдейнек сембода цебярь эряф, сонь советонза эрявикст! (Притчи 3:5, 6; Исаия 48:17, 18).