Gugigidi hadu’o agafwa a fe gujinga kega?

BIBLIA DIHOSA YIGI?

“Lufudumugu mu lugakala.”​—Bisalu 24:15, Mbalula ya Nsi-Ntoto ya Mpa.

GUBA DENDULA YIGI MUMWILA YI AYI?

Mu dwa senda gigesa dangu mudu yo u dugazolanga ma fwa.​—2 Bakorinto 1:3, 4.

Mu dwa gadula woma wu lufwa.​—Baebreo 2:15.

Mu dwa kala yi givuvu gi giediga gigukala kega yi hadu a dugazolanga o’agafwa.​—Yoane 5:28, 29.

DU FEDJI GWIGILA GIBENI MAMBU MO MENA HOSA BIBLE?

Giogiogi, mumwila yi yiguma yisadu:

• Nzambi ena Ngangi u lujingu. Bible dina lendjiga Yehowa Nzambi mbi “gishina gi lujingu.” (Nkunga 36:9; Bisalu 17:24, 25) U gahwa lujingu mu yigangwa yikima, wena kega yi ngolu ji guhongulusa mudu yo u gafwa mu lujingu.

• Nzambi ma gafudumunini hadu’o a gafidi mudangu ditunda. Bible dina hoshila lufudumugu lu hadu ginana​—dulengi, ambuda, amala kega agonusa​—o’agagindjigidi (guhonguluga) mu lujingu awulu di manu. Ega mu gadji diowu lo a gakedi dangu dingi mu lufwa, gashi mumoshi a gahangidi yilumbu yiwana mu majamu!​—Yoane 11:39-44.

• Nzambi ena yi funu yi gu fudumuna kega hadu‘o agafwa. Yehowa ma gumenganga lufwa; aguludalanga nga mbeni. (1 Bakorinto 15:26) Ena zola gununga mbeni yo, kega gugadula lufwa mu mbuga yi lufudumugu. Wena yi nzala yi gufudumuna hadu’o ena mu manunga mendji, gudala pila y’anajinga kega awulu di manu.​—Yobi 14:14, 15.