Gifumu gi Nzambi giena yigi?

MAMBU MO MENA HOSA BIBLE

“Nzambi u wulu ma gasa gifumu gimoshi gio gi gakonda fwa ada ki.”​—Daniele 2:44, Mbalula ya Nsi-Ntoto ya Mpa.

“A duhwedi mwana mumoshi u yala; kega luyalu lu’akala awulu di mageya mendji.”​—Yezaya 9:5.

GUBA DENDULA YIGI MUMWILA YI AYI?

• Gifumu agi giena luyalu lu moshi lu masonga alo lu fedji guguhwa mapimbu.​—Yezaya 48:17, 18.

• Mu gifudji gi pa agio ginagwisa, mu wa kala yi lujingu lu gieshi kega sante di pimbu.​—Kusonga 21:3, 4.

DU FEDJI GUGWIGILA GIBENI MAMBU MO MENA HOSA BIBLE?

Giogiogi, mumwila yi yiguma yadi:

• Yezu ma galeshidi mambu mo ma gahanga Gifumu gi Nzambi. ­Yezu ma galongidi alongogi endji mu gusambanga mumwila Gifumu gi Nzambi gishi kega luzolu lwendji lu hangamani awulu di manu. (Matayo 6:9, 10) Yezu ma galeshidi pila Nzambi a gahana mvudu mu gisambu agi.

  Dangu Yezu a gakedi awula di manu, ma gadishidi hadu’o a gakedi yi nzala, ma gagodishidi akashi, kega ma gahongulushidi afwa mu lujingu! (Matayo 15:29-38; Yoane 11:38-44) Mumwila ena fumu u Gifumu gi Nzambi, Yezu ma galeshidi mambu ma pimbu amo ma gahanga Gifumu gi Nzambi mumwila yi hadu owu.

• Mambu ma mbi ma du badala mu gifudji ma nalesa mbi, tunda lowu Gifumu gi Nzambi mu gi nagwisa. Yezu a gahoshidi gu twala mbi yidumba yi nzala mu yigakala kega mbi manu mu ma ganigagana, gu twala mbi Gifumu gi Nzambi gi shi ngemba awulu di manu.​—Matayo 24:3, 7.

  Mena mambu ma du nadala mafugu ma. Hohana, mu du na sa mudjima mbi tunda lowu Gifumu gi Nzambi mu gi’asugisa mambu ma mbi makima.