DILONGI 08

U le guma ndugu’u Yehowa

W'adusa mu Papie

Yehowa ana zola mbi u mwishiyi pimbu-pimbu. Mumwilegi? Yehowa eni gusa mudjima mbela, mbi m’ulonguga mambu mengi ma dadila yigalulu yendji, pila y’aguhangilanga hadu mambu, kega mambu mo m’anagana guhanga mumwila yi ayi, u le guma ndugu wendji. Gashi mudu u le guma gibeni ndugu u Nzabmi? (Danga Nkunga 25:14.) Yigi’u le hanga mumwila u gumi ndug’u Nzambi? Bible di guhananga mamvudu mu miwu mi kega mu digulesanga mbi Yehowa ena ndugu uguhida pimbu yo u le kala yendji.

1. Yehowa ana gugulomba mu guhanga yigi?

“Ndenu hey-heyi yi Nzambi, kega ye magesa heyi-heyi yi enu.” (Yakobo 4:8) Verse di dina dendula yigi? Yehowa ena zola mbi u gumi ndugu wendji. Hadu’ega eniguyindula mbi lō gule hangamana mu gukala Ndug’u Nzambi, mumwila lō a gumoniganga. Gashi, mu ndaga yendji Bible, Yehowa ma gudulesanga yigalulu yendji mumwila du gumi andugu’endji. Dangu di dugudanganga sangu ji Nzambi mumwila yi edu mu Bible, gindugu giedu yi Yehowa gi gugumanga ngolu ada lō dwena mudala.

2. Mumwilegi Yehowa ena ndugu uguhida pimbu yo u le kala yendji?

Lō gwena yi ada mudu mu moshi yo u guguzolanga ngolu guhida Yehowa. Ena zola mbi u kadi mu gieshi kega mbi wena yi funu yi lusadisu u mulombi mu kosu dangu dio di’uzola. U le gu “mumbila masusi meyi makima mumwila ma gudiyangisanga mumwila yi ayi.” (1 Piere 5:7) Yehowa ena kala dangu di kima u guyilama mu gusadisa andugu’endji, mu gu’ahwa gigesa, kega mu gu’a widigila.—Danga Nkunga 94:18, 19.

3. Yehowa ena zola mbi du hangi yigi mumwila mu guguma a ndugu’endji?

Yehowa aguzolanga hadu’akima, “gashi eni gukala ndugu u ngolu u hadu’a pimbu.” (Bingana 3:32) Yehowa a guzolanga mbi a ndugu’endji a hangi yigesa mu guhanga mambu mo ma gumuhwanga gieshi kega a duni guhanga mambu ma mbi. Hadu’ega a guyindulanga mbi lō a le guga ada ki guhanga mambu mo ma guhwanga Nzambi gieshi kega guduna mambu ma mbi. Ada gio, Yehowa ma gubagisanga hadu pimbu. Ma gugumbulanga mudu mu kima yo u gumuzolanga gibeni kega u guhanganga yigesa mu gumusepedisa.—Nkunga 147:11; Bisalu 10:34, 35.

WISHIYA KEGA MAMBU MENGI

Dala mambu meki u le hanga mu guguma ndugu’u Yehowa, kega dala mumwilegi Yehowa ena ndugu u guhida pimbu yo u le kala yendji.

4. Abrahami agakedi ndugu u Nzambi

Mambu mo mena hosa Bible mumwila yi Abrahami (ayo waga lendjiganga kega Abrami) ma le gudusadisa mu gwishiya mbi guguma ndugu’u Nzambi guna dendula yigi. Dangenu disolu di Abrahami mu Kuyantika 12:1-4. Kega gu dima hanenu mamvudu mu miwu mi:

Yehowa a gambididi Abrahami mu guhanga yigi?
Yehowa a gamuhwedi lushilu lwigi?
Abrahami a gahangidi yigi mu mambu mo ma gamulombidi Yehowa mu guhanga?

5. Nzambi agulombanga a ndugu endji mu guhanga yigi

Kosu dangu du guzolanga mbi a ndugu edu a hangi mambu mo ma du guzolanga.

Mambu megi u guzolanga mbi andugu’eyi a guhangidi?

Dangenu 1 Yoane 5:3, gudima hanenu mvudu mu muwu wu:

Yehowa a guzolanga mbi a ndugu’endji a hangi yigi?

Mu gulemfugila Yehowa, du fe gwega yigalulu yedu yi mbi yitunda. Dangenu Yezaya 48:17, 18, gu dima hanenu mvudu mu muwu wu:

Mumwilegi Yehowa a gulombanga a ndugu endji mu gusoba yigalulu yowu?

Mudu mu moshi u gudunganga manzu ena mu guhwa ndugu’endji u gisalu pu yi ludaninu yi guvwadanga hadu o enigudunga manzu. — Ndugu’u pimbu ma gulesanga ndugu’endji mambu ma pimbu mo ma le gumudanina kega ma le gumuneyila mapimbu. Yehowa meni guhanga pila yi moshi mumwila yi a ndugu’endji

6. Mambu meki Yehowa a guhangilanga a ndugu endji

Yehowa ma gusadisanga a ndugu endji mu guganda mudjima mu mapashi. Dalenu VIDEYO, gu dima hanenu mvudu mu muwu wu:

VIDEYO: Yehowa u gapangila mambu mengi (3:20)

Pila yigi Yehowa a gasadishidi mugonusa yu ududala mu videyo mu gununga mangindu mendji mambi kega mambu mo ma gamuyangisanga?

Dangenu Yezaya 41:10, 13, gu dima hanenu mamvudu mu miwu mi:

Yehowa ana hosa mbi mambu meki a gahangila a ndugu endji a kima?
U yindula yigi, Yehowa ena gibeni ndugu u guhida pimbu? Mumwilegi?

Gimvuga gi mafoto: hadu o ena andugu a ngolu ena mu gusadisagana. 1. Mudu mu moshi ena mu gusadisa ndugu’endji mu gugadula mesa maneni. 2. Mugonusa mu moshi ena mu gudela ndugu’endji pila y’ana difa. 3. Mudu mu moshi ena mu gusadisa ndugu’endji ayo wena yi beki mu gwenda. — Ndugu’u pimbu meni gugusadisa dangu di weni gukala yi funu yi lusadisu. Yehowa kega m’agugusadisa

7. Mu guguma ndugu u Yehowa u fe solulanga yi ye

Hadu a gugumanga andugu’angolu mbi mana solula dangu di kima. Dangenu Nkunga 86:6, 11, gudima hanenu mamvudu mu miwu mi:

Pila yigi du le solula yi Yehowa?
Pila yigi Yehowa a gusolulanga yi edu?

Gimvuga gi mafoto: 1. Mugonusa mu moshi ena mu gusamba. Gidimbu gio giena nga gigashi giena a wulu di mudu wendji giena mu guganduga. 2. Mugonusa mu moshi ena mu gudanga Bible. Gidimbu gio giena nga gigashi giena a wulu di mudu wendji giena mu gugulumuga. — Mu dugusolulanga yi Yehowa mu dangu di dugusambanga; ye kega a gusolulanga yi edu mu mbuga yi Bible

HADU EGA ENI GUHOSA MBI: “Lō gu le hangamana ada ki mu guguma ndugu’u Nzambi.”

Verse digi u le hangila mugu’alesa mbi du le guma a ndugu’a Nzambi?

MU KUFI

Yehowa ena zola mbi ugumi ndugu’endji kega ma gagusadisa mu guguma ndugu’endji.

Mvudugilu

Pila yigi Yehowa a gusadisanga a ndugu endji?
mumwilegi Yehowa a guzolanga mbi a ndugu endji egi yigalulu yowu yi mbi?
Yigi u na yindula, mambu mo Yehowa a guzolanga mbi a ndugu’endji a hangi mena pashi? Mbi gwena gio mumwilegi? mbi lō gwena gio mumwilegi?

Dati di numanisa dilongi di

Luganu

Deela ndugu’eyi mu moshi mambu ma u longuga mumwila yi Yehowa.

Luganu lwega:

Luganu lwayi lwega

DALA KEGA

Pila yiki gukala ndungu u Nzambu gu le guguneyila mapimbu mu lujingu?

“Yehowa—Nzambi yo hadu a fe gwishiya” (Nzozulu ya Nkengi 15/2/2003)

Dala pila y’ule guma ndugu’u Nzambi.

“Pila yigi yi le guma ndugu’u Nzambi?” (Muganda Bangiufula ya Baleke Ke Kudiyulaka—Bamvutu ya Ta Sadisa Nge, Volime 2, kapu 35)

Dala mumwilegi mugonusa mu moshi a gahoshidi mbi lujingu lwendji mu lugabongidi dangu di agagumini ndugu’u Yehowa.

“Lō yi gazolanga gufwa!” (Nzozulu ya Nkengi No. 1 2017)

Widigila mambu mena hosa dulengi mumwila yi gindugu giowu yi Yehowa.

Guguma ndugu’u Yehowa guna dendula yigi? (1:46)