Manunga mayi mena yigi mumwila yi Bible?
W’ahosa mbi Bible diena . . .
muganda wo wena yi mayela ma hadu?
muganda wo wena yi mianda kega masolu ma luvunu?
Ndaga yi Nzambi?
MAMBU MO MENA HOSA BIBLE
“Masonugu makima mena ma gupemama gwena Nzambi.”—2 Timoteo 3:16, Mbalula ya Nsi-Ntoto ya Mpa.
GUBA DENDULA YIGI MUMWILA YI AYI?
Bible mu dinaguhwa jimvudu ji pimbu mu miwu mineni mio mi guhulanga hadu mu lujingu.—Bingana 2:1-5.
Bible mu dinaguhwa ludwadisu lu gigidi mu lujingu lu kosu gilumbu.—Nkunga 119:105.
Bible mu dinaguhwa givuvu gi giediga mumwila yi mafugu magesa.—Baroma 15:4.
DU FEDJI GUGWIGILA GIBENI MAMBU MO MENA HOSA BIBLE?
Giogiogi, mumwila yi yiguma yisadu:
Guwagana ago gu nayidugisa. A gasonigidi Bible mu sungi yi mamvula guhida 1 600. Hadu gidesu gi 40 a gadisonigidi. Engi mu gadji diowu lō agawanaganini. Gashi, mambu mo mena mu Bible dimuwundu mu meni gwifilagana, mena yi mudu-pandji umoshi u funu!
Diena yi masolu ma tunda amo mena ma gigidi. Mbala jingi, hadu’o eni gulonguga mambu ma tunda lo eni gusoniga mbi hadu owu ma gabedidi. Gashi, hadu’o a gasonigidi Bible ma gasonigidi mu masonga makima yifu yowu kega yifu yi yiganda yowu.—2 Bansangu 36:15, 16; Nkunga 51:1-4.
Mambigudulu ma Bible mu ma gulunganaga. Mamvula gidesu gi 200 gutwala, Bible mu di gahoshididi gufwa gu mbanza Babilone di tunda. (Yezaya 13:17-22) Bible lō di gahoshidi gaga pila yo yi gangidi gufwa Babilone, gashi mu digahanini yi jina di mudu yo u gazodidi gudambula Babilone!—Yezaya 45:1-3.
Mambigudulu mengi mega ma Bible mu ma galunganini, mu mambu makima eshi mu mambu madjigi-djigi. Gu gigidi lo u ba yindula mbi gu fedji gukala pila yi moshi mumwila yi Ndaga yi Nzambi?—2 Piere 1:21.
U YINDULA YIGI?
Pila yigi Ndaga yi Nzambi yi fedji gugumisa lujingu lwayi pimbu shela?
Bible mu dinahana mvudu mu muwu wu, mu YEZAYA 48:17, 18 yi 2 TIMOTEO 3:16, 17.