Yehowa ena Nzambi u pila yigi?

Dangu di uba yindula Yehowa Nzambi, yigi yina gugwishila mu mabanza? Wena mudala nga mudu mu moshi yo ufwe jidjisa gibeni, gashi yo weni gukala gu dadi gibeni yi ayi, yo wena nga mioda? To u gumudadilanga nga Nzambi u moshi yo wena ngolu gibeni gashi yo wena koni? Yehowa ena gibeni pila yigi? Yehowa ana dulesa yigalulu yendji mu Bible dio diena ndaga yendji, diba dulesa kega mbi meni gugushila digebi.

1. Mumwilegi lō du gudalanga Nzambi?

“Nzambi ena peve.” (Yoane 4:24) Yehowa lō’eni gukala yi mwila nga u hadu. Ena Peve, a gujinganga gu wulu, gihani gio gi du le konda dala.

2. Ndambu y’igalulu yigi Yehowa ena kala yoyi?

Lō du le dala Yehowa, gashi mbi mu duna longuga mu gumwishiya du le guma gumuzola mumwila ena mudu u gigidi yo wena y’igalulu yipimbu. Bible diena hosa mbi: “mumwila Yehowa a guzolanga lunungu, kega lō agega hadu endji a gwigama.” (Nkunga 37:28) A gukalanga gibeni yi “ludondu kega magwifilanga hadu kenda,” ngolu-ngolu hadu ana ena dala pashi. (Yakobo 5:11) “Yehowa ena heyi-heyi yi hadu ana ena mu kenda; ma gugulusanga hadu’ana a helwa mwila.” (Nkunga 34:18, noti gu mashina ma gasa.) Kega mu wena gwishiya mbi mambu mo ma duguhanganga ma le hwa Yehowa gieshi to pashi? Mudu yo weni guhanga mambu ma mbi a guhwanga Yehowa pashi. (Nkunga 78:40, 41) Gashi mudu yo u guhanganga mambu ma pimbu a guhwanga Yehowa gieshi.—Danga Bingana 27:11.

3. Pila yigi Yehowa a gulesanga mbi mena guduzola?

Gigalulu gi tegu-tegu gi Yehowa giena zola. Gu gigidi, “Nzambi ena zola.” (1 Yoane 4:8) Yehowa a gulesanga zola diendji mu Bible yi mu yima yo y’aga hangidi. (Danga Bisalu 14:17.) Mu mbandu, dudadidi pila y’agaduhangidi. U gaduhwa mayela ma gudala makulere ma pimbu, gwifa mijigi mi pimbu kega gusepela yi madongu ma pimbu. A guzolanga mbi du jingi mu gieshi.

WISHIYA KEGA MAMBU MENGI

4. Peve santu—yena ngolu ji guhangilanga Nzambi yisalu

Yehowa a guhangilanga peve santu yendji, nga pila yi du guhangilanga miogu miedu mu guhanga yisalu. Bible dina hosa mbi, peve santu lō yena Nzambi, gashi yena ngolu jo ji guhangilanga Nzambi mumwila mu guhanga yisalu. Dangenu Luka 11:13 kega Bisalu 2:17, gu dima hanenu mamvudu mu miwu mi:

• Nzambi ma “gadjaga” peve santu yendji a wulu di hadu’ana a gumulombanga. Uba yindula mbi peve santu yena Nzambi to ngolu ji guhangilanga Nzambi yisalu? Mumwilegi una hosa gio?

Yehowa ena hangila peve santu yendji mu guhanga yima yo yeni guyidugisa. Dangenu Nkunga 33:6 kega 2 Piere 1:20, 21, gu dima hanenu mvudu mu muwu wu:

• Yigi Yehowa a gahangidi mu nsadisa yi peve santu yendji?

5. Yehowa ena y’igalulu yi pimbu

Moise a gakedi mudu mu pimbu yo u gasambilanga Yehowa, gashi a gazolanga gwishiya Ngangi wendji pimbu-pimbu gibeni. Hohana Moise a gahoshidi mbi: “Ndeshi mambuga mayi, mumwila yi gwishiyi.” (Kubasika 33:13) Mumwila mu gumuhwa mvudu, Yehowa a galeshidi Moise ndambu y’igalulu yendji. Dangenu Kubasika 34:4-6, gu dima hanenu mamvudu mu miwu mi:

• Yigalulu yigi Yehowa ena kala yoyi yo y’aga leshidi Moise?

• Yigalulu yigi yi Yehowa yi gugusepedisanga?

6. Yehowa ma gudiyangigisanga mumwila yi hadu

Aebreo an’agakedi hadu’a Nzambi mu dangu di tunda a gakedi ahiga gu Egypte. Yehowa a gadifanga pila yigi dangu di aganiogulanga? Widigilenu LUDANGU LU BIBLE LO LU’AGENGISA NDAGA, mbi lo dangenu Kubasika 3:1-10. Gu dima hanenu mamvudu mu miwu mi:

LUDANGU LU BIBLE LO LU’AGENGISA NDAGA: Yehowa ma gadiyangisanga dangu di aga niogulanga (2:45)

• Pila yi dwefa mu disolu di, pila yigi Yehowa a gudifanga dangu di du gunioguganga?—Dala verse 7 yi 8.

• U yindula yigi, Yehowa ma guzolanga gibeni gusadisa hadu kega ena yi ngolu ji gufwana mumwila mu gu’asadisa? Mbi gwena gio mumwilegi? mbi lo gwena gio mumwilegi?

7. Yigalulu yi Yehowa yi gumonigangamu yima yo y’aga hangidi

Yehowa a gulesanga yigalulu yenji mu yima yo yi a gahangidi. Dalenu VIDEYO. Gu dima dangenu Baroma 1:20, kega hanenu mvudu mu muwu wu.

VIDEYO: Yima yo yi gahangidi Nzambi yi gulesanga zola di Yehowa—Mwila u mudu (1:57)

• Yigalulu yigi yi Yehowa u gudaalanga mu yima yo y’aga hangidi?

MU KUFI

Yehowa ena peve yo yenagonda gumoniga, ena y’igalulu yingi yi pimbu, gigalulu gienji gi tegu-tegu giena zola.

Mvudugilu

• Mumwilegi lō dugudalanga Yehowa?

• Peve santu yena yigi?

• Ndambu y’igalulu yigi Yehowa ena kala yoyi?

DALA KEGA

Longuga mambu mengi ma dadila yigalulu yiwana yifunu yi Yehowa.

“Nzambi ena y’igalulu yigi?” (Nzozulu ya Nkengi No. 1 2019)

Dala mambu mo maba lesa mbi Nzambi lō’agukalanga yihani yikima.

“Nzambi ena kala, yihani yikima?” (Disolu dio diena mu jw.org)

Dala mumwilegi Bible diena fwanisa peve santu yi Nzambi yi miogu miendji.

“Peve santu yena yigi?” (Disolu dio diena mu jw. org)

Gugakedi pashi mumwila yi gifwa-mesu gi moshi mu gugwigila mbi Nzambi ma gumuzolanga. Dala mambu mo ma gamusadishidi mu gusoba ngindu jendji.

“Dangu di, yi le gusadisa hadu’ega” (Nzozulu ya Nkengi 1/10/2015)