DILONGI 22
Pila yiki u le gulonga sangu ji pimbu?
Pila yi u nalaba gulonguga malongi ma Bible, u le guhosa mbi: ‘Hadu akima a fe gwishiya mambu ma!’ Gugigidi, hadu akima ena yi funu yigwishiya mambu ma! Gashi, mbala jega m’ugwifanga woma mu gulesa hadu ega mambu ma ugulonguganga. Dudadi pila yi u le gugadula woma kega pila yi u le guma gulonga mu gieshi gikima sangu ji pimbu ji Bible.
1. Pila yigi u le gulesa hadu a wishi mambu ma una longuga?
Alongogi a Yezu ma gahoshidi mbi: “Lō du le gwega guhoshila mambu mana ma du gadadidi kega ma dugefidi.” (Bisalu 4:20) Magazolanga malongi ma Bible ngolu tunda ma gamalesanga gwena hadu’akima. Mu weni gudifa kega pila yi? Mbi giogi, gamba mabaku ma u le gulesa hadu a dibuda dieyi kega andugu ayi, mambu ma unalonguga mu lujidu lu kima.—Danga Bakolosai 4:6.
Ndambu yi mambu ma u le guhanga mumwila mu guyandjiga
Dangu di unasolula yi mudu mu moshi u dibuda dieyi, u le guhoshila mudu-pandji u moshi u Bible nga: “M’ilongugidi gima gimoshi gi funu mu posu yi.”
Dangila ndugu weyi yo wena mukashi kega una diyangisa verse dimoshi dio dinahana gigesa.
Mbi andugu ayi a gisalu maguhula mambu ma u hanga mu posu kega mu lumingu, u le gu’alesa mambu ma u longuga mu Bible to mulugudaganu lu dibundu.
Lesa andugu ayi site Internet jw.org.
Dangu di’unahanga gulonguga gwayi beni, u le gulendjiga hadu ega, to aleshi pila yi gulomba gulonguga gu Bible mu jw.org
2. Mumwilegi gusenda luganu lu gusamuna yi dibundu gwena gima gimoshi gi pimbu?
Alongogi a Yezu lō’aga longanga gaga hadu o eshiya sangu ji pimbu. Yezu “m’agadumini mbadi-mbadi . . . mu kosu mbanza” mumwila mu gulonga sangu ji pimbu. (Luka 10:1) Gisalu gi gulonga gi’agayidigidi gi gahangidi mbi hadu engi efi sangu ji pimgu. Alongogi a Yezu ma gakedi mu gieshi mu gulonga yi apangi owu mu gimvuga. (Luka 10:17) Ayi, u le gudishila luganu lu gulonga yi dibundu?
WISHIYA KEGA MAMBU MENGI
Dudadidi pila yi u le gugadula woma kega pila yi u le gusenda mapimbu dangu di una longa hadu ega sangu ji pimbu.
3. Yehowa ma gakala yi ayi
Hadu ega meni gukala yi funu yi gulonga sangu ji pimbu. Gashi ma gwifanga woma mbi ma yindula pila hadu a le gu’ayamba kega gu’adadila.
Ayi kega m’ugwifanga woma mu gulesa hadu ega mambu ma una longuga? Mbi gio to lowu mumwilegi?
Dalenu VIDEYO, gu dima hanenu mvudu mu muwu wu:
Pila yigi Ambangi a Yehowa a dulengi a dudala mu videyo a gagadudidi woma?
Dangenu Yezaya 41:10, gu dima hanenu mvudu mu muwu wu:
Mbi munagwifa woma mu gulonga sangu ji pimbu, pila yigi gisambu gi le gugusadisa?
Muweni gwishiya?
Ambangi a Yehowa engi ma gayindulanga tegu mbi lōgowu a le guguga gulonga hadu ega sangu ji pimbu. Mumbandu, pangi Sergey ma gadidalanga gu gonda funu kega lōgondji a gaguganga gusolula yi hadu’ega. Gashi gudima ma galongugidi Bible. A nahosa mbi: “Ada m’igefanga woma, m’igayandjigidi gulesa hadu ega mambu ma yigalonguganga. M’igayidugidi mu gudala pila mambu beni ma gasadishidi mu gugonda gudidala pamba kega lugwigilu lwami lu gagumini ngolu.”
4. Kala lujidu
Dangu di unalonga sangu ji pimbu, yindula mambu ma u le guhosa kega pila yi u le gumahosa. Dangenu 2 Timoteo 2:24 kega 1 Piere 3:15, gudima hanenu mamvudu mu miwu mi:
Pila yigi u le guhangila mambu mo mena mu maverse ma, dangu di unalonga hadu’ega Bible?
Hadu ega a dibuda dienu to andugu ayi a le gonda gusepela yi mambu ma unagu’alonga. Yigi u le guhanga? Yigi u le konda guhanga?
Mumwilegi gwena pimbu mu guhula miwu mu lujidu lu kima mu gihani gi gugumbudisa hadu mu gingolu-ngolu mambu mo ma unagu’alonga?
5. Gulonga sangu ji pimbu guguhananga gieshi
Yehowa ma gahwedi Yezu gisalu gi gulonga sangu ji pimbu. Pila yigi Yezu a gadadilanga gisalu gi? Dangenu Yoane 4:34, gudima hanenu mamvudu mu miwu mi:
Gudia madongu ma pimbu mu gwena gudusadisa mu gujinga pimbu kega gwena guduhwa gieshi. Mumwilegi Yezu a gafwanishidi guhanga luzolu lu Nzambi—mumbandu gulonga sangu ji pimbu—yi gudia madongu?
Gulonga sangu ji pimbu gu le guguneyila mapimbu meki?
Mandongishila
Dangu diwagwenda gu lugudaganu lu gadji di posu, dala pila y’ulenda gu yandjiga disolu yi mudu.
Sonigisa jina mumwila uyandjigi guhanga masolu ma ana nzu-kanda mu lugudaganu lu gadji di posu. Masolu ma ana nzu-kanda ma le gugusadisa mu gukala u guyilama mu gudela hadu ega mambu ma unalonguga.
Hangila gidjini “Hadu ega eni guhosa mbi” to “Mudu mwega u le gugula mbi” gi muganda wu, mumwila mu gwishiya mvudu yi u le hana mu miwu mio hadu engi a guhulanga kega mu tembi jo ji a gudusanga.
MUDU MWEGA U LE GUGULA MBI: “Sangu jigi jipa u kwedji?”
Pila yigi u le guhangila dibaku di mu gudela mudu mambu ma wena longuga mu Bible?
MU KUFI
Gulonga hadu ega sangu ji pimbu guguhananga gieshi, kega lō gwena pashi mu guyandjiga.
Mvudugilu
Mumwilegi gulonga hadu ega sangu ji pimbu?
Pila yigi u le gu’alonga yi lujidu lu kima?
Mbi munagwifa woma mu gulonga, yigi u le guhanga?
DALA KEGA
Dala mapila mawana ma guhangila karti jw.org gugonda pashi mumwila mu gulonga sangu ji pimbu.
Dala yigalulu yiwana yo yi le gugusadisa mu gulonga sangu ji pimbu.
“Wena u guyilamana mu guguma mulobi hadu?” (Nzozulu ya Nkengi 9/2020)
Dala mbandu yimoshi yo yi le gugusadisa mu gulonga sangu ji pimbu yi gigesa ada wena galengi.
Dala pila di u le gulesa hadu a dibuda dienu o agonda gwishiya gadi Yehowa mambu ma Bible.
“Pila yi gugama midjima mi hadu a dibuda o enakonda gusambila Yehowa” (Nzozulu ya Nkengi 15/3/2014)