DILONGI 25
Mambu meki Nzambi ana gana guhanga mumwila yi edu?
Bible dina hosa mbi, lujingu lu hadu lwena ‘kufi kega lu guzala yi mapashi.’ (Yobi 14:1) Nzambi a guzolanga mbi hadu ajingi mu pila yi? Mbi lō gwena gio, mambu megi Nzambi ana gana guhanga mumwila yi edu? Mambu meni mu magalungana? Dudadi mamvudu ma Bible mo maguhananga gigesa.
1. Nzambi a guzolanga mbi du jingi pila yigi?
Yehowa a guzolanga mbi du jingi mu gieshi gibeni. Dangu Nzambi a gagangidi Adamu yi Eva hadu a tegu, a g’ashidi mu paladisu di pimbu. Gisongidila, gilanga gi Edeni. Gudima “Nzambi m’agasagumunini, kega a ga ambididi mbi: ‘Budenu ana engi kega nugumi engi, nu zeshi manu kega numayadi.’” (Kuyantika 1:28) Yehowa a gazolanga mbi a budji ana, a gumishi manu makima paladisu, kega a gebi ashidu. Agazolanga mbi hadu akima akadi yi sante di pimbu gibeni kega ajingi mvula yi mvula.
Ada mambu lō ma gahangamanini pila yi,a luganu lu Nzambi lō lu gasobidi. (Yezaya 46:10, 11) Aguzolanga mbi hadu a ulemfu a kadi yi lujingu lu pimbu gibeni kega a jingi mvula yi mvula.—Danga Kusonga 21:3, 4.
2. Pila yigi du le gukala yi lujingu lu pimbu yandjiga mwaniowu?
Yehowa a gadugangidi yi nzala yi “mambu ma gipeve,” gisongidila, nzala di gumwishiya kega gumusambila. (Danga Matayo 5:3-6.) Aguzolanga mbi dukadi andugu enji a ngolu, du “labi mambuga mendji makima, dumuzodi,” kega dumuhangidi “mu mudjima [wedu] u kima.” (Kulonga 10:12; Nkunga 25:14) Mbi mu dunahanga gio, du le gukala mu gieshi ada mu dunawanagana yi mapashi. Gusambila Yehowa guguhanganga mbi lujingu lwedu lugumi pimbu gibeni kega lu wagani yi pila yi a gadugangidi.
WISHIYA KEGA MAMBU MENGI
Dudadi zola dio di galeshidi Yehowa mumwila yi edu dangu di’aga yidiganga manu kega du dadi mu Ndaga yendji mambu mo m’anagana guhanga mumwila yi edu.
3. Yehowa anagana guhanga mambu ma pimbu mumwila yi hadu
Dalenu VIDEYO, kega hanenu mvudu mu muwu wu:
Mumwilegi Nzambi a gagangidi manu, gihani gi giena pimbu gi?
Dangenu Longi 3:11, gu dima hanenu mvudu mu muwu wu:
Yehowa a guzolanga mbi dukadi yi lujingu lu pila yigi?
4. Luganu lu Nzambi lō lugasoba
Dangenu Nkunga 37:11, 29 kega Yezaya 55:11, gu dima hanenu mvudu mu muwu wu:
Pila yigi dweshiya mbi luganu lu Nzambi lō lugasobidi?
Mbi nzu yimoshi mu yibeba a le guyiyidiga kega. Pila yimoshi, Nzambi ma gayidiga manu, mumwila yi hadu ana a gumuzolanga
5. Gusambila Yehowa guguhanganga mbi lujingu lwedu lu gumi yi luganu
Gwishiya luganu lu lujingu gu le gudusadisa mu gujinga mu gieshi. Dalenu VIDEYO, gu dima hanenu mvudu mu muwu wu:
Dangu Terumi a geshinini mumwilegi Nzambi a gadugangidi, a gasendjidi mapimbu meki?
Dangenu Longi 12:13, gu dima hanenu mvudu mu muwu wu:
Yigi du fe guhanga pila yi dweshiya mbi Yehowa u gahanga mambu mengi mumwila yi edu?
MUDU MWEGA U LE GUGULA MBI: “Mumwilegi Nzambi a gaduhangidi?”
Mvudu yigi u le gumuhwa?
MU KUFI
Yehowa a guzolanga mbi dujingi mu gieshi mvula yi mvula ha wulu di manu. Mbi muduna musambila mu mudjima u kima lujingu lwedu lū gaguma pimbu yandjiga mwaniowu.
Mvudugilu
Yehowa a gazolanga mbi Adamu yi Eva a kadi yi lujingu lu pila yigi?
Pila yigi dweshiya mbi luganu lu Nzambi mumwila yi hadu lō lugasobidi?
Pila yigi u le guma yi lujingu lu pimbu gibeni?
DALA KEGA
Dala mambu mo mena lesa mbi gilanga gi Edeni mugigakedi.
“Gilanga gi Edeni—mugigakedi gihani gi tegu gio gigajingidi hadu?” (Nzozulu ya Nkengi 1/1/2011)
Dala yigi yinalesa mbi manu mu magakala kaka mvula yi mvula.
Dala mambu ma guhosanga Bible ma du le hanga mumwila dukadi mu gieshi.
Dala pila yala mu moshi yo u gayindulanga mbi a gakedi yi yima yikima a gabagishidi mbi gima gimoshi gigamugondanga.
a Mu dilongi dina dilaba, mu wa gwishiya mambu mo ma gahangidi mbi dugumi yi lujingu lu pashi lu pila yi.