DILONGI 33
Mambu mo ma gahanga Gifumu gi Nzambi
Gifumu gi Nzambi gi gayandjiga deja guyala. Tunda lowu, mu gi’asoba mambu mengi a wulu di manu. Dudadidi mambu ma pimbu mo ma gahanga Gifumu gi Nzambi.
1. Pila yiki Gifumu gi Nzambi gi’ahongulusa ngemba yi lunungu a wulu di manu?
Yezu Fumu u Gifumu gi Nzambi, ma jiya hadu ambi yi yifumu yawu mu yidumba yi Armagedon. (Kusonga 16:14, 16) Mu dangu dina, mambu ma, ma gahoshidi Bible mu ma galungana gibeni: “Gusala gaga gadjigi, kega hadu ambi lō a gakala kega.” (Nkunga 37:10) Mu mbuga yi Gifumu gi Nzambi, Yezu ma gahanga mbi, ngemba yi lunungu lu kadi a wulu di manu.—Danga Yezaya 11:4.
2. Lujingu lwa kala pila yiki dangu luzolu lu Nzambi lwa hangamana a wulu di manu?
Dangu Gifumu gi Nzambi gi’ayala manu, “hadu a pimbu ma gasenda manu, kega ma gajinga aho mvula yi mvula.” (Nkunga 37:29) Yindula pila lujingu lwa kala mu manu dangu hadu akima a gaguma hadu a pimbu, hadu a guzolanga Yehowa kega hadu a guzolagananga! Ada mudu lō aga yinza, kega hadu akima ma gajinga mvula yi mvula.
3. Mambu meki Gifumu gi Nzambi gi gahanga gudima di gujiya hadu a mbi?
Gudima di gujiya hadu a mbi, Yezu ma gayala kega mamvula 1000. Mu dangu dina, Yezu yi hadu 144000 ana a gayala yi yeyi ma gasadisa hadu mu guguma hadu a gulunga. Gusuga yi mamvula 1000, manu makima mu magaguma paladisu di pimbu kega hadu akima a gakala mu gieshi mumwila manalemfuga mu mashigu ma Yehowa. Gu dima Yezu ma gahongulusa Gifumu gwena Yehowa, Dada wendji. “Jina [di Yehowa mu di gaguma kega] di santu” mu pila yo yi gakonda guhangamana gadi. (Matayo 6:9, 10) Gugamoniga pwelele mbi, Yehowa ena Fumu u pimbu yo u guzolanga hadu endji. Gudima, Yehowa ma gajiya Sadana yi ademo endji kega hadu a kima ega o agagolama mu luyalu Lwendji. (Kusonga 20:7-10) Mambu ma pimbu mo ma gahanga Gifumu gi Nzambi ma gakala ma gugonda suga.
WISHIYA KEGA MAMBU MENGI
Dudadi mumwilegi du le gwigila mbi, Nzambi ma hangila Gifumu mu gulungisa mambu makima mo ma gahoshidi Bible mumwila yi mafugu magesa.
4. Gifumu gi Nzambi mu gigajiya yifumu yi hadu
“Mudu a guyalanga mudu mwega mumwila mu gumuhwa pashi.” (Longi 8:9) Yehowa ma gahangila Gifumu giendji mumwila mu gumanisa mambu ma, ma mbi.
Dangenu Daniele 2:44 kega 2 Batesalonika 1:6-8, gudima hanenu mamvudu mu miwu mi:
Yehowa yi Munendji Yezu, yigi a gahanga yifumu yi hadu kega hadu o aguyihwanga miogu?
Pila yiki mambu ma ulonguga mumwila yi Yehowa kega Yezu, ma gugumbudisa mbi mambu m’agahanga ma gakala ma pimbu?
5. Yezu ena Fumu u guhida pimbu
Yezu Fumu u Gifumu gi Nzambi, a gahanga mambu mengi mumwila yi mapimbu ma hadu a wulu di manu. Dalenu VIDEYO mumwila mu gudala pila Yezu a galeshidi mbi, ye ma guzolanga gusadisa hadu kega mbi, Nzambi u gamuhwedi ngolu ji gusadisa hadu.
Mambu ma gahangidi Yezu dangu di’aga kedi awulu di manu, mena mbandu yimambu mo ma gahanga Gifumu gi Nzambi. Mu gadji di mambu ma, gima giki u namena yi nzala yi ngolu mbi gihangamani? Dangenu maverse ma mena mu mbimba yi mambu beni mu gu ma bagisa pimbu.
DANGU DI GAKEDI YEZU MU MANU, YE . . . |
GU WULU, YEZU . . . |
|---|---|
|
|
|
|
|
|
|
|
6. Gifumu gi Nzambi gi gahanga mbi hadu akadi yi lujingu lu pimbu mu mafugu magesa
Gifumu gi Nzambi mu gigalungisa pimbu-pimbu luganu lu tegu lu Yehowa mumwila yi hadu. Hadu m’ajinga mvula yi mvula mu paladisu awulu di manu. Dalenu VIDEYO mumwila mu gudala, pila Yehowa a nalungisa mambu m’agaganini guhanga mumwila yi hadu, mu mbuga yi Munendji Yezu.
Dangenu Nkunga 145:16, gudima hanenu mvudu mu muwu wu:
Pila yiki u nadifa gi weshiya mbi, Yehowa ma ga “lungisa nzala yi kosu gima gio giena mu lujingu”?
HADU EGA ENI GUHOSA MBI: “Mbi hadu apimbu ma guma afumu, a le manisa mapashi.”
Gifumu gi Nzambi gi’amanisa mapashi meki, mo ma le konda guga gumanisa yifumu yi hadu?
MU KUFI
Gifumu gi Nzambi mu gigalungisa mambu mo mana gana guhanga Nzambi. Gi gagumisa manu makima paladisu dio di gakala yi hadu apimbu o agasambila Yehowa mvula yi mvula.
Mvudugilu
Pila yiki Gifumu gi Nzambi gi gasantisa jina di Yehowa?
Mumwilegi du le gwigila mbi, Gifumu gi Nzambi mu gi galungisa mambu mo ma gahoshidi Bible?
Gima giki u namena gu dala yi nzala yi ngolu, mu gadji ga yima yo yigahanga Gifumu gi Nzambi?
DALA KEGA
Dala mbi Armagedon yena yigi.
“Yidumba yi Armagedon yena yigi” (Disolu dio diena mu jw.org)
Dala mambu mo ma gahangamana mu sungi yi luyalu lu Yezu lu mamvula 1 000, kega gusuga yi luyalu lweni.
“Yigi yigahangamana mu gilumbu gi lusambisu?” (Nzozulu ya Nkengi 1/9/2012)
Dala pila mabuda ma le yindula mapimbu mo, Gifumu gi Nzambi gi gaduneyila mu paladisu.
Mu disolu “Miwu mingi m’igadihulanga mu migangiangisanga,” dala pila mudu mumoshi u mubulu a gazwidi mamvudu mu miwu mi’agadihulanga.
“Bible mu digusobanga lujingu lu hadu” (Nzozulu ya Nkengi 1/1/2012)