Gifumu gi Nzambi giena yigi?

Gifumu gi Nzambi giena sangu ji guhida funu ji guhoshilanga Bible. Yehowa ma gahangila Gifumu gi mumwila mu gugumisa manu Paladisu pila yi a gaganini mu luyandjigu. Gifumu gi Nzambi giena yigi? Pila yigi dweshiya mbi giena mu guyala mwaniowu? Gifumu gi Nzambi gi gahanga gadi mambu megi? Kega mambu megi gigahanga mu mafugu ma gesa? Dilongi di, yi malongi madi mana ma laba mumahana mamvudu mu miwu mi.

1. Gifumu gi Nzambi giena yigi, kega na wena Fumu wu Gifumu gieni?

Gifumu gi Nzambi giena luyalu lu gashidi Yehowa Nzambi. Yezu Kristu ena Fumu u Gifumu beni, kega ena mu guyala gu wulu. (Matayo 4:17; Yoane 18:36) Bible di ba hosa mbi Yezu: “Ma gayala nga Todjila . . . mvula yi mvula.” (Luka 1:32, 33) Yezu Todjila wu Gifumu gi Nzambi, a gayala hadu a kima a wulu di manu.

2. Ana a fe yala yi Yezu?

Yezu lō aba yala ye beni. Hadu a “mabuda makima, mandaga makima, mapeyi makima kega maganda ma kima . . . a fe guma atodjila mumwila mu guyala manu” (Kusonga 5:9, 10) Hadu gwi a gayala yi Kristu? Yandjiga dangu di geshidi Yezu mu manu, hadu engi a gaguma alongogi endji. Gashi hadu 144000 buna a fe gwenda gu wulu mumwila mu guyala yi Yezu. (Danga Kusonga 14:1-4.) Akristu ega akima, a gajinga a wulu di manu kega a gaguma hadu a Gifumu gi Nzambi.—Nkunga 37:29.

3. Mumwilegi Gifumu gi Nzambi gi hida yifumu yi hadu?

Afumu a politike lō a le guga guhanga mambu makima ma pimbu mo m’abazola guhanga ada ena yi luzolu lu pimbu lu gumahanga. Mumwila suga-suga afumu ega ma gu’ayinganga, kega a gugambanga mapimbu mowu beni gashi lō ma hadu o’aguyalanga. Gashi lō gwena ada mudu yo u le yinga Yezu, Fumu u Gifumu gi Nzambi. Mumwila, Nzambi “u shidi gifumu gio gi gakonda fwa ada ki.” (Daniele 2:44) Kega mumwila Yezu a gayala manu makima, lō a gahangila hadu a moshi mambu guhida hadu ega. Yezu maguzolanga hadu, ena mudjima wu pimbu, kega a guhanganga gaga mambu ma pimbu, ye ma galonga hadu mu guhangilagana mambu ma pimbu yowu e yowu nga ye. Gisongidila—yi zola, mudjima u pimbu, kega lunungu.—Danga Yezaya 11:9.

4. Gifumu gi Nzambi gi gayala manu ma kima

Yezu Kristu ena ngolu jingi guhida afumu akima o aguyalanga yandjiga tunda tii mwaniowu. Dangenu Matayo 28:18, gu dima hanenu mvudu mu muwu wu:

• Mumwilegi giyega gi Yezu gi hida giyega gi gifumu gi hadu a kima?

Mbala jingi yifumu yi hadu mu yigusobanga, kega kosu fumu a guyalanga gidjini gi moshi gi manu. Gashi yigi du le hosa mumwila yi Gifumu gi Nzambi? Dangenu Daniele 7:14, gu dima hanenu mamvudu mu miwu mi:

• Mumwilegi gwena pimbu pila Gifumu gi Nzambi “lō gigafwa”?

• Mumwilegi gwena pimbu pila Gifumu gi Nzambi gi gayala manu makima?

5. Gifumu gi Nzambi gi fe yinga gifumu gi hadu

Mumwilegi Gifumu gi Nzambi gi fe yinga yifumu yi hadu? Dalenu VIDEYO, gu dima hanenu mvudu mu muwu wu:

VIDEYO: Gifumu gi Nzambi giena yigi?—Videyo di gidjini (1:41)

• Yifumu yi hadu yiguneyanga mapashi megi?

Dangenu Longi 8:9, gu dima hanenu mamvudu mu miwu mi:

• U yindula yigi, gwena funu mbi Gifumu gi Nzambi gi yingi yifumu yi hadu? Mumwilegi?

6. Gifumu gi Nzambi giena yi afumu o a gubagisanga pashi jedu

Mumwila Yezu Fumu wedu ma gajingidi a wulu di manu, “ye ma gudwifanga kenda mumwila yi yifu yedu.” (Baebreo 4:15) Yehowa u gasola amala kega agonusa 144000 ana a gumulemfugilanga kega o a gaduga mu “mabuda makima, mandaga makima, mapeyi makima kega maganda makima” mumwila a yadi yi Yezu.—Kusonga 5:9.

• Guba guguhwa gikesa mu gwishiya mbi Yezu yi hadu o’agayala yowu eshi pimbu-pimbu pashi ji hadu? Mumwilegi?

7. Gifumu gi Nzambi giena yi mashigu ma guhida pimbu

Yifumu yi hadu yigusanga mashigu mumwila yi mapimbu ma hadu owu. Gifumu gi Nzambi kega giena yi mashigu mo hadu a Gifumu gi Nzambi a fe jidjisa. Dangenu 1 Bakorinto 6:9-11, gu dima hanenu mamvudu mu miwu mi:

• Gifudji gi gakala ki, dangu di gabala gujidjisa hadu’akima mashigu ma Nzambi?a

• Uba yindula mbi Yehowa ena yi nswa ji gusa mashigu, mumwila hadu a Gifumu giendji a majidjishi? Mumwilegi?

• Yigi yiba lesa mbi hadu o ena konda jidjisa mashigu ma, a le guma gumajidjisa?—Dala verse 11.

MU KUFI

Gifumu gi Nzambi giena guvernema di moshi di gigidi dio diena gu wulu kega mu gigayala manu makima.

Mvudugilu

• Ana ena atodjila a Gifumu gi Nzambi?

• Mumwilegi Gifumu gi Nzambi gi hida yifumu yikima yi hadu?

• Ndambu yi mambu megi Yehowa a gulombanga hadu a Gifumu giendji mu guhanga?

DALA KEGA

Yezu ma galongidi mbi Gifumu gi Nzambi giena mu midjima mi hadu?

“Gifumu gi Nzambi giena mu gadji di midjima miedu?” (Disolu dio diena mu jw.org)

Mumwilegi Ambangi a Yehowa ena kala a gwigama mu Gifumu gi Nzambi gashi lō mu yifumu yi hadu?

Agukalanga a gwigama gaga mu Gifumu gi Nzambi (1:43)

Dala mambu ma guhosanga Bible mumwila yi hadu 144000 ana Yehowa a gusolanga mumwila mu guyala yi Yezu.

“Anani a gwendanga gu wulu? (Disolu dio diena mu jw.org)

Yigi yigasadishidi mugonusa mu moshi yo u gakedi mu bologu mu gugumbula mbi Nzambi buna u fwana mu guyidiga mambu mu gifudji?

“Yiga bagishidi mbi Nzambi buna u fwana mu gumanisa mambu ma mbi mu gifudji” (Telama! 11/2011)