Mambu ma u fe hanga mumwila dibuda dienu di kadi mu gieshi—Gidjini 2

Ana ena gapu di gaduga gwena Yehowa. Ye ma gulombanga yibudji mu gudanina pimbu gapu di. Mumwila mu gu’asadisa, Yehowa a guhwanga yibudji mandongishila ma mayela mo, ma le gu’asadisa mu gulungisa pimbu gilemu giowu. Mandongishila beni mu maguhoshilanga kega mambu mo ma fwe hanga ana, mumwila dibuda diawu di kadi mu gieshi.

1. Mandongishila meki Yehowa a guhwanga yibudji?

Yehowa a gulombanga yibudji mu guzola anowu kega mu guhidjisa dangu dingi yi owu. A guzolanga mbi yibudji yidanini anowu, mu mambu mo ma le kala gigonsa kega guhangila mishigu mi Bible mumwila mu gulonga anowu. (Bingana 1:8) A na gwambila yibudji mbi: “Labenu gusasa [ana enu] mu . . . Malugebisu ma Yehowa.” (Danga Baefezo 6:4.) Yehowa ma gusepelanga ngolu mbi yibudji ma nahangila mambu m’agu’alombanga mu guhanga mumwila mu gusasa anowu, kega mbi lō a ba hana gilemu gi, gwena mudu mwega.

2. Mandongishila meki Yehowa a bahwa ana?

Yehowa a ba gwambila ana mbi: “Lemfugenu gwena yibudji yenu.” (Danga Bakolosai 3:20.) Mbi ana ma jidjisa kega ma nalemfugila yibudji yowu, a guhwanga Yehowa kega yibudji yowu gieshi. (Bingana 23:22-25) Yezu u gashishila ana mbandu yipimbu dangu di’agakedi mwana galengi. Yezu lō agakedi mudu u masumu, ada gio ma galemfugilanga kega ma gajidjisanga yibudji yendji o a gakedi hadu a masumu.—Luka 2:51, 52.

3. Yigi hadu akima a dibuda a fe hanga mumwila agumi yi gindugu gi pimbu yi Nzambi?

Mbi wena gibudji, gugigidi u guzolanga mbi ana ayi a zodi Yehowa ngolu nga ayi. Yigi u fwe hanga mumwila ana ayi a zodi Yehowa? U fwe hanga mambu ma, ma nahosa Bible: “U fwe gwingisa [malongi ma Yehowa] gwena ana ayi kega gumahoshila dangu di wa kala gu nzu yayi, kega dangu di wa gwendanga mu mbuga.” (Kulonga 6:7) Ngogu “gwingisa” yi nadendula gulonga gima gi moshi mbala yi mbala. Gugigidi, gu le lomba mbi u hongulugidi gima gimoshi mbala yi mbala, mumwila ana ayi a kondji gu gibila. Verse di di nadendula mbi kosu gilumbu u fwe gambanga mabaku ma pimbu mumwila u longi ana ayi mambu ma Yehowa. Gu’akala pimbu mbi hadu akima a dibuda ma nayidiga dangu kosu posu mu guhanga lusambu lu dibuda. Mbi lō nwena yi ana, mu nwasenda gaga mapimbu mbi mu nunaswega dangu kosu posu mumwila mu gulonguga Ndaga yi Nzambi.

WISHIYA KEGA MAMBU MENGI

4. Longa ana ayi yi zola

Gulonga mwana gu le kala pashi. Pila yiki Bible di le gugusadisa? Dangenu Yakobo 1:19, 20, gudima hanenu mamvudu mu miwu mi:

• Pila yiki Yibudji yi fwe lesa zola, dangu di’anasolula yi anowu?

• Mumwilegi lō gwena pimbu ada ndambu mbi, gibudji gihwi anowu disipline dangu di’ena mu kabu?a

5. Danina ana ayi

Mumwila mu gudanina ana ayi, gwena funu yingi mu gusolula yi owu mambu madadila guvugisa mwila. Mbala jega u le gwifa ga’ufudu. Dalenu VIDEYO, gudima hanenu mamvudu mu miwu mi:

VIDEYO: Danina ana ayi mu mambu ma mbi (2:58)

• Mumwilegi yibudji yega lō a guguganga gusolula yi anowu mambu ma dadila guvugisa mwila?

• Pila yiki yibudji yega yi gudendudilanga anowu mambu ma dadila guvugisa mwila?

Pila Bible di gahoshididi, manu ma, ma Sadana mu ma nalaba guguma mbi yingi guhida. Dangenu 2 Timoteo 3:1, 13, gudima hanenu mvudu mu muwu’a wu:

• Hadu ega a mbi o verse 13 di nahoshila, ma gubebisanga ana mu mambu ma dadila guvugisa mwila. Hohana, mumwilegi gwena funu mbi yibudji yilongi anowu mambu ma dadila guvugisa mwila, kega pila yigi a le sadisa anowu mu gudidanina gwena hadu o a gubebisanga ana?

Mu weni gwishiya?

Ambangi a Yehowa a gadusa miganda yi mavideyo mengi mo ma gusadisanga yibudji mu gulonga anowu mambu madala guvugisa mwila kega gu’adanina gwena hadu o a gubebisanga ana. Mu gudala mbandu dala videyo kega danga miganda mi:

• Danina ana ayi (videyo)

• Longuka na Longi ya Nene, gapu 10 yi 32

• “Wambila munayi mambu madadila guvugisa mwila” (Telama! No. 5 2016)

6. Jidjisa yibudji yayi

VIDEYO: Pila yiki yi le solula yi yibudji yami? (2:19)

• Mumwilegi gwena funu yingi mbi, mwana asoludi yi yibudji yendji mu lujidu lu kima?

• Yigi mwana a fe hanga mumwila mu gusolula yi yibudji yendji mu lujidu lu kima?

Dangenu Bingana 1:8, gudima hanenu mvudu mu muwu’a wu:

• Yigi mwana a fe hanga dangu yibudji yendji yi namwambila mambu m’a fe hanga?

7. Yidigenu Dangu di guhanga lusambu lu dibuda

Mabuda ma Ambangi a Yehowa, mu ma guyidiganga dangu di guhanga lusambu lu dibuda kosu posu. Mambu meki nu le hanga mu lusambu lu dibuda? Dalenu VIDEYO, gudima hanenu mamvudu mu miwu mi:

VIDEYO: Lusambu lu dibuda—Mapashi yi mapimbu (8:04)

• Mu guhanga Lusambu lu Dibuda mbala yi mbala, dibuda di fe hanga yigi?

• Kosu gibudji yigi a fe hanga mumwila lusambu lu dibuda luhangamani pimbu kega lu neyidi dibuda dikima mapimbu?—Dala gifwanisu gio giena mu luyandjigu lu dilongi di.

• Mambu meki ma le ganda dibuda dienu mbuga mu guhanga lusambu lu dibuda?

Gu Izraele di tunda, Yehowa a galombanga yibudji mu gulonga anowu mbala yi mbala mambu m’aga ambilanga. Dangenu Kulonga 6:6, 7, gudima hanenu mvudu mu muwu’a wu:

• Pila yigi u le hangila mambu ma nahosa verse di?

Mambu ma du le hanga mu lusambu lu dibuda:

• Yidigenu malugudaganu ma dibundu.

• Dangenu kega hoshilenu disolu dimoshi di Bible dio di’a sepedisa dibuda dienu.

• Mbi wena yi ana, senda (télécharger) to niema (imprimer) gifwanisu gimoshi mumwila yi ana mu jw.org.

• Mbi wena yi ana o ayandjiga gugula, hoshilenu disolu dimoshi mu gadji ga masolu manahoshila dulengi mu jw.org.

• Megenu guhanga yi anenu, mambu nga hadu o disolu dimoshi di Bible di nahoshila.

• Dalenu kega hoshilenu videyo dimoshi dio diena mu jw.org.

MU KUFI

Yehowa a guzolanga mbi yibudji azodi anowu, a alongi kega a adanini. A guzolanga mbi ana, alemfugidi kega ajidjishi yibudji yowu, kega mbi hadu akima a dibuda a vugani mumwila mu gumusambila.

Mvudugilu

• Yibudji yi fwe hanga yigi mu gulonga kega gudanina anowu?

• Pila yigi ana a le lesa mbi ma gujidjisanga yibudji yowu?

• Mapimbu meki hadu akima a dibuda a gasenda mbi ma nayidiga dangu kosu posu mu guhanga lusambu lu dibuda?

DALA KEGA

Dala malongi mo m’asadisa ana ayi mu gugula pimbu.

“Malongi masambanu mo ana a fwe longuga” (Telama! No. 2 2019)

Dala mandongishila ma funu mo Bible di guhwanga hadu o a gugebanga yibudji yowu, yo yi nuna.

“Bible di guhosanga yigi mu mambu ma dadila gugeba yibudji yo yi nuna?” (Disolu dio diena mu jw.org)

Yigi yigasadishidi yala mumoshi yo u gakondanga gwishiya pila yi gusasa ana mu guguma dada u pimbu gibeni.

Yehowa ma gudulonganga pila yigulungisa manzala ma mabuda medu (5:58)

Dala pila adada a le gumisa gindugu giowu ngolu yi anowu.

“Pila yigi adada a le guma andugu angolu a anowu a amala?” (Nzozulu ya Nkengi 1/11/2011)