Bible dile gugusadisa mbi uguyinzanga—makashi mo mena gonda guhwa?

Mvudu yi Bible

Giogiogi. Nzambi ma gusadisanga a sadi endji o ana yinza. Bible dina hosa mumwila yi mudu mu moshi u gwigama mbi: “Yehowa ye mweni m’amusadisa a lagu diendji di makashi.” (Nkunga 41:3) Mbi mu guyinzanga makashi mo meni gonda guhwa, mambu masadu ma mana laba ma le gugusadisa mu guganda mudjima:

1. Samba mumwila Nzambi a guhwi ngolu ji guganda mudjima. U le senda “ngemba ji Nzambi jo jihida mayela makima ma gubagisa mambu,”jo ji le gugusadisa mu gugonda gukala yi masusi mengi, kega guganda mudjima.—Bafilipi 4:6, 7.

2. Kala yi mabanza ma pimbu. Bible di nahosa mbi: “Mudjima wu gieshi, wena nga mwemu awo weni gubelula hadu. Gashi mabanza mo mena niogwama mu meni gumanisa ngolu ji mudu.” (Bingana 17:22, Mbalula ya Nsi-Ntoto ya Mpa). Kala yi gigalulu gi guseyisanga hadu, mu gu’agusadisa mu gugonda gukala kenda-kenda, kega mu gukala yi sante di pimbu.

3. Gumisa givuvvu gieyi ngolu mu mambu mo ma gahanga Nzambi mu yilumbu yi nagwisa. Mbi munasa gibeni givuvu mu mambu mo ma gahanga Nzambi mu yilumbu yi na gwisa, gu le gugusadisa mu gukala mu gieshi ada mu weni guyinza makashi mo meni gonda guhwa. (Baroma 12:12) Bible di gahoshidi gutwala mbi mu yilumbu yi nagwisa “ada mudu mumoshi lō ayo weni gujinga ago ugahosa mbi: ‘Mina yinza.’” (Yezaya 33:24) Nzambi ma gabelula makashi mo meni konda gubelula a minganga mwaniowu. Mumbandu, Bible mu dieni guhosa mumwila yi anunu mbi: “Ma gahongulugila mavimpi mowu ma gilengi; di nahosa kega mbi: wega mbi mwila wendji u gumi u pa guhida mu gilengi; wega mbi a hongulugi mu yilumbu yi ngolu jendji ji gilengi.”—Yobi 33:25.

Noti: Edu Ambangi a Yehowa mu dweni gugumbula mbi Yehowa meni gudusadisa, ada gio mudweni gwenda gwena a minganga, mbi muduna yinza makashi mo meni gonda guhwa. (Marko 2:17) Lō dweni gulesa hadu, mu gusenda lusansu lu moshi gina; Mumwila mudweni gwishiya mbi kosu mudu afe senda ma luganu mu mambu ma dadila sante diendji.