DILONGI 03
M’ugugumbulanga mbi mambu mo meni guhosa Bible mena ma gigidi?
Bible mu dieni guhana malushilu mengi mumwila yi mafugu magesa kega mandongishila mengi. Mbala jega mu weni guzola gwishiya mambu mengi’amo ma guhosanga Bible, gashi mu weni gukala yi madute. U le gwigila malushilu kega mandongishila mo mena gaduga mu muganda umoshi u tunda? Mu weni gugwigila mbi mambu ma guhosanga muganda beni mena funu mumwila yi edu mwaniowu, kega meni gukala funu mumwila yi mafugu magesa? Hadu engi ma gugumbulanga giogio. Muduna gulomba mu gudadila pimbu-pimbu ayi mweni.
1. Mambu mo meni guhosa Bible mena Gibeni ma gigidi?
Bible mu dieni gukala yi “mangogu ma gigidi” (Longi 12:10) Diguhosanga mambu ma gigidi kega masolu mahadu’ana a gajingidi gibeni. (Danga Luka 1:3; 3:1, 2.) Hadu’engi a histoire keg’ana a gulonguganga mambu ma tunda, ma gagumbulanga mbi madati, hadu, yihani yo yeni guhoshila Bible yena yi gigidi.
2. Mumwilegi du le hosa mbi Bible lō di gahwa ngala?
Mbala yingi, Bible di guhosanga gu twala mambu mo ma gahangamana. Mumbandu di guhoshilanga mambu ma science. Hadu’engi lo’aga gumbulanga mambu ma science mo meni guhosa Bible dangu di’aga di sonigidi. Gashi mwaniowu hadu’a science ma gugumbulanga mbi mambu mo meni guhosa Bible mena ma gigidi. Gu “fwanini mu gudishila mudjima, dangu dikima mwaniowu kega mvula yi mvula.”—Nkunga 111:8.
3. Mumwilegi du fwe gwigila mambu ma guhosanga Bible mumwila yi mafugu magesa?
Bible mu di guhoshilanga gu twala mambu mo ma gahangamana gisongidila “mambu mo ma gagonda guhangamana gadi.” (Yezaya 46:10) Mudi gahoshididi pimbu-pimbu mamvula mengi gu twala, mambu mo ma gahangamanini gudima. Kega mambu mengi mana hangamana mwaniowu a wulu di manu. Mu dilongi di, mudwa longuga ndambu yi mambu mo ma guhosanga Bible. pila yi mana lungana mu guna yidugisa!
WISHIYA KEGA MAMBU MENGI
Du dadidi’enu pila hadu’a science a yilumbu yedu meni gugumbula mambu mo ma guhosanga Bible, kega du dadidi’enu ndambu yi mambu mo mena yidugisa mo ma gahoshidi Bible.
4. Hadu’a science meni gugumbula mambu mo ma guhosanga Bible
Mu dangu di tunda, hadu’engi ma gayindulanga mbi gwena yi gima gigagama manu. Dalenu VIDEYO.
Dala mambu mo ma agasonigidi mu muganda u Yobi mamvula mahidjidi gadi 3500. Dangenu Yobi 26:7, kega gudima hanenu mvudu mu muwu wu:
Mumwilegi pila Bible dina hosa mbi “ada gima” lō gi gagama manu mugwena guyidugisa?
Mamvula gidesu gi 200 mahida, hadu agabagishidi pimbu pila mema ma manzadi meni gu ganduga gu wulu mu dangu di gudwanga mwani a wulu di mema, pila yi magugumanga madudji kega gunoga. Gashi, dala mambu mo ma gahoshidi Bible mamvula mengi mahida. Dangenu Yobi 36:27, 28 gudima hanenu mamvudu mu miwu mi:
Yigi yina guyidugisa mu mambu ma hoshila maverse ma?
Maverse ma ma dudanga, mu mana gupusa mu gushila Bible mudjima?
5. Bible di gahoshididi mambu ma funu gu twala
Dangenu Yezaya 44:27–45:2, gudima hanenu mamvudu mu muwu wu:
Mambu megi Bible di gahoshidi mamvula 200 gu twala mbi ajiyi Babilone?
Histoire di’eni guhosa mbi, Sirusi fumu u Persia yi asoda endji ma gajidi mbanza yi Babilone mu mvula 539 T.D.D.a Ma ganeyidi mu mbimba nzadi yo yigadaninanga Babilone. Magengididi mu mbanza mu yelu yo yigakedi yi gugangula gudima ma gayijidi gugonda gunwana. Mwaniowu mamvula ma gahida gadi 2500, gashi Babilone di’ena gaga mayumbu. Dangu di dala mambu mo Bible digahoshidi gu twala.
Dangenu Yezaya 13:19, 20, gudima hanenu mvudu mu muwu wu:
Pila yigi mambu ma ma galunganini?
Mayumbu ma Babilone mena tii mwaniowu gu Irak
6. Bible di gahoshididi gu twala mambu ma dwena dala mwaniowu
Bible di guhosanga mbi dwena mu gujinga mu “yilumbu yi suga.” (2 Timoteo 3:1) Dala mambu mo ma gahoshidi Bible gu twala mumwila yi yilumbu yi suga.
Dangenu Matayo 24:6, 7, gudima, hanenu mvudu mu muwu wu:
Mambu megi Bible diguhosanga mumwila y’ilumbu yi suga?
Dangenu 2 Timoteo 3:1-5, gudima, hanenu mamvudu mu miwu mi:
Bible di nahosa mbi mu yilumbu yi suga hadu’engi ma gakala y’igalulu yigi?
Yigalulu yigi, ayi u gudalanga?
HADU EGA ENI GUHOSA MBI: “Bible diena muganda u masolu ma tunda kega ma luvunu.”
Mumwilegi u nagumbula mbi Bible mu dieni guhosa gibeni mambu ma gigidi?
MU KUFI
Histoire, science kega mambu mo ma guhosanga Bible gu twala, guna lesa mbi Bible dieni guhosa gigidi.
Mvudugilu
Mambu mo ma guhosanga Bible mena gibeni ma gigidi?
Danga mambu ma science mo ma guwagananga yi mambu mo meni guhosa Bible?
Muna gumbula mbi Bible mu diguhosanga mambu mo maga-hangamana mu mafugu magesa? Mbi giogio mumwilegi? mbi lō gwena gio mumwilegi?
DALA KEGA
Bible mu dieni guhoshila mambu ma science yi gifu?
“Mambu ma science mu meni guwagana yi mambu ma Bible?” (Disolu dio diena mu jw.org)
Yigi yina dulesa mbi muduna jinga mu “yilumbu yi suga”?
“Ma mbigudulu 6 ma Bible mo ma u nadala gulungana gowu mwaniowu” (Nzozulu ya Nkengi 1/6/2011)
Dala pila mambu mo ma gahoshidi Bible mumwila yi gifumu gi grece ma galunganini.
Dala pila mambigudulu ma Bible ma gasadishidi mudu mu moshi mu guguma gudadila Bible mu pila yi pimbu.
“Lō yi gagumbulanga mbi Nzambi wena” (Nzozulu ya Nkengi No. 5 2017)
a T.D.D. dina dendula gu “Twala yi Dangu Diedu,” D.D. mu “Dangu Diedu.”