Pila yiki lufwa lu Yezu lu gudugulusanga?

Du gusumuganga, du gudalanga pashi, kega du gufwanga mumwila ankwelani a tegu, Adamu yi Eva, lō aga lemfugididi Nzambi.a Ada giogi dwena yi givuvu. Yehowa u gayidiga mambu mumwila yi edu. U gahana Munendji, Yezu Kristu mumwila mu gudugadula mu gihiga gi disumu kega gi lufwa. Bible di gulonganga mbi, Yezu a gahanini Nkudulu dangu di’agafidi. Nkudulu yena talu yo y’agafudanga mumwila mu gugulusa mudu. Yezu magahanini lujingu lwendji lu gugonda masumu mumwila mu gudugadula mu gihiga gi disumu kega gi lufwa. (Danga Matayo 20:28.) Yezu ma gagumbudidi gufwa ata ma gakedi yi swa yi gujinga mvula yi mvula aha a wulu di manu. Lufwa lwendji lu gahanga mbi, dugumi kega yi givuvu gi gusenda mapimbu makima mo ma gabidishidi Adamu yi Eva. Yezu ma galeshidi mbi, ye yi Yehowa ma guduzolanga ngolu. Dilongi di mu di’adusadisa muguhana kega madondu mengi mu mambu mo magahangidi Yezu mumwila yi edu.

1. Mapimbu meki lufwa lu Yezu lu guduneyilanga mwaniowu?

Mumwila dwena hadu a masumu, duguhanganga mambu mengi mo ma gukondanga gusepedisa Yehowa. Gashi, mbi mu dunagwifa pashi gu mudjima mumwila yi masumu medu, mbi mu dunalomba Yehowa mu mbuga yi Yezu Kristu mu gudulolula kega mbi mu dunahanga yigesa yi gukonda guhongulugila yifu yedu, du le guma andugu angolu a Nzambi. (1 Yoane 2:1) Bible di guhosanga mbi: “Kristu a gafidi mbala yi moshi buna mumwila yi masumu, mudu u lunungu mumwila yi hadu a gukonda lunungu, mumwila anuneyi gwena Nzambi.”—1 Piere 3:18.

2. Mapimbu megi lufwa lu Yezu lu gaduneyila mu mafugu magesa?

Yehowa ma gadumini Yezu mu guhana lujingu lwendji lu gukonda masumu “mumwila kosu mudu yo u na lesa lugwigilu gwena [Yezu] akondji fwa gashi asendji lujingu lu mvula yi mvula.” (Yoane 3:16) Tunda lowu, Yehowa m’agadula mambu makima ma mbi mo ma ganeyidi gugolama gu Adamu mu mbuga yi gimenga gi gahanini Yezu. Gu nadendula mbi, mbi mu dumonisa lugwigilu mu gimenga gi Yezu, du le jinga mu gieshi mvula yi mvula mu paladisu a wulu di manu!—Yezaya 65:21-23.

WISHIYA KEGA MAMBU MENGI

3. Lufwa lu Yezu lu nadugadula mu gihiga gi disumu yi lufwa

VIDEYO: Mumwilegi Yezu a gafidi?—Gidjini 1 (2:01)

• Mapimbu megi Adamu a gabidishidi dangu di’aga golamanini gwena Nzambi?

Dangenu Baroma 5:12, gudima hanenu mvudu mu muwu wu:

• Disumu di Adamu di gaguneyididi mapashi meki?

Dangenu Yoane 3:16, gudima hanenu mvudu mu muwu wu:

• Mumwilegi Yehowa a gadumini Munendji a wulu di manu?

1. Adamu a gakedi mudu u gukonda masumu gashi ma gagolamanini gwena Nzambi, tunda hadu akima a gaguma hadu a masumu kega ma gufwanga

2. Yezu a gakedi mudu u gukonda masumu yo u galemfugididi Nzambi, tunda hadu a gaguma kega yi givuvu gi guguma yi mwila u gukonda masumu kega gi gujinga mvula yi mvula

4. Lufwa lu Yezu lu le neyila hadu akima mapimbu

VIDEYO: Mumwilegi Yezu a gafidi?—Gidjini 2 (2:00)

• Pila yiki lufwa lu mudu mu moshi lu le neyila hadu akima mapimbu?

Dangenu 1 Timoteo 2:5, 6, gudima hanenu mvudu mu muwu wu:

• Adamu a gakedi mudu u gukonda masumu, mu gifu giendji hadu akima a gaguma ahiga a disumu yi lufwa. Yezu a gakedi mudu u gukonda masumu. Pila yiki Yezu a gahanini “Nkudulu yi gufwanana”?

5. Nkudulu yena gapu di Yehowa mumwila yi ayi

Andugu a Yehowa a gudadilanga gimenga gi Yezu nga gapu di gahanini Nzambi mumwila yi owu. Mu mbandu, dangenu Bagalatia 2:20, gudima hanenu mvudu mu muwu wu:

• Pila yiki tumwa Polu agaleshidi mbi, ma gadadilanga gimenga gi Yezu nga gapu dio di gamuhwedi Nzambi?

Dangu di gasumugidi Adamu, Ye yi anendji akima ma gasendjidi ndola yi lufwa. Gashi Yehowa, ma gadumini Munendji mu gufwa mumwila ayi u gumi yi dibaku di gujinga mu gieshi mvula yi mvula.

Dangu di u nadanga maverse ma, yindula pila Yehowa a gadifanga dangu Munendji a gadalanga pashi. Dangenu Yoane 19:1-7, 16-18, gudima hanenu mvudu mu muwu wu:

• Pila yiki u na difa mu mambu mo magahangidi Yehowa yi Yezu mu mwila yi ayi?

MU KUFI

Lufwa lu Yezu lu gahanga mbi Yehowa a loludi masumu medu, kega lu gaduhwa givuvu gi gujinga mu gieshi mvula yi mvula.

Mvudugilu

• Mumwilegi Yezu agafidi?

• Mumwilegi Bible di nahosa mbi lufwa lu Yezu lwena gimenga gio gifanana?

• Lufwa lu Yezu lu le guguneyila mapimbu megi?

DALA KEGA

Dala mumwilegi Bible di gulendjiganga lujingu lu Yezu lugukonda masumu mbi nkudulu.

“Pila yiki gimenga gi Yezu giena ‘Nkudulu mumwila yi hadu engi’?” (Disolu dio diena mu jw.org)

Dala mambu megi du fe hanga mumwila du gulugi.

“Yezu ma gugulusanga—Pila yiki?” (Disolu dio diena mu jw.org)

Yehowa u le lolula masumu ma neni?

“Mamvudu mu miwu mi Bible” (Nzozulu ya Nkengi 1/5/2013)

Dala pila gwishiya funu yi gimenga gi Yezu gu gasadishidi yala mu moshi mu gusoba yigalulu kega mambu ma lujingu lwendji.

“Lō yena kega muhiga u mambu ma koni (mubulu)” (Disolu dio diena mu jw.org)