DILONGI 28
Hwa Yehowa yi Yezu madondu mu mambu mo m’agahangidi mumwila yi ayi
U gudifanga pila yigi mbi ndugu u moshi ma guhwa kado di moshi di pimbu? Gugigidi, u gwifanga gieshi gingi kega muwenazola guhwa ndugweyi mersi mumwila yi kado beni. Yehowa yi Yezu a gaduhwa kado di moshi di neni di guhida makado makima, kado beni diena gimenga gi Yezu. Yigi u le hanga mu guhana mersi mumwila yi kado di?
1. Yigi u le hanga mumwila mu guhwa Yehowa yi Yezu mersi mu mambu mo m’agahangidi mumwila yi edu?
Bible dina hosa mbi “kosu mudu yo u namonisa lugwigilu gwena [Yezu]” ma gajinga mvula yi mvula. (Yoane 3:16) Pila yiki du le lesa lugwigilu? Du fe lesa lugwigilu lwedu mu maluganu ma dunasenda kega mu mambu ma dwena hanga. (Yakobo 2:17) Gindugu giedu yi Yezu kega Dadendji Yehowa, gi gugumanga ngolu mbi mambu ma dunahosa kega ma dunahanga mu ma balesa mbi dwena yi lugwigilu.—Danga Yoane 14:21.
2. Kinji yigi yi funu yi gudusadisanga mu guhwa Yehowa yi Yezu mersi mu mambu mo m’agahangidi mumwila yi edu?
Mu gingweshi gi suga gi agahidjishidi yi alongogi endji, Yezu m’agaleshidi pila yega yi gumonisa tonda mu gimenga giendji. Yezu, ma gayandjigishidi kinji yi moshi yi funu yingi yi gulendjiganga Bible mbi “Madia ma Gingweshi ma Fumu,” to Lusungiminu lu lufwa lu Kristu. (1 Bakorinto 11:20) Yezu ma gahangidi kinji yi mumwila atumwa endji—kega Akristu akima a giediga o a gesa gudima—ébugi mbi Yezu ma gafidi mumwila yi edu. Tunda a gahoshidi mbi: “Labenu guyihanga mumwila mu gungibuga.” (Luka 22:19) Dangu di du gwendanga gu Lusungimunu, mu duguhwanga Yehowa yi Yezu madondu mu zola diowu di neni dio di’akwedji mumwila yi edu.
WISHIYA KEGA MAMBU MENGI
Dudadi mambu mega mo ma u fe hanga mu guhwa Yehowa yi Yezu madondu mu zola diowu di neni di a gadumonishila. Kega dudadi mumwilegi Gwibuga lufwa lu Kristu gwena funu yingi.
3. Yigi du fe hanga mu guhwa Yehowa yi Yezu madondu?
Yindula mbi mudu mu moshi ma gagugulushidi mu lufwa. Muwa bila mambu mo m’agaguhangididi? To muwa gamba pila yi gumuhwa madondu mu mambu mo m’agaguhangididi, agio lō?
Dwena yi dibaku di gujinga mu gieshi mvula yi mvula mumwila Yehowa u gahana lujingu lu munendji mumwila yi edu. Dangenu 1 Yoane 4:8-10, gudima hanenu mamvudu mu miwu mi:
Mumwilegi gimenga gi Yezu giena gapu di moshi dio di hida magapu makima?
U gudifanga pila yigi dangu di u guyindulanga mambu mo Yehowa yi Yezu a gahangidi mumwila yi ayi?
Pila yigi du le hwa Yehowa yi Yezu madondu mu mambu mo m’agahangidi mumwila yi edu? Dangenu 2 Bakorinto 5:15 kega 1 Yoane 4:11; 5:3. Gudima di gudanga kosu verse, hanenu mvudu mu muwu wu:
Pila verse di dina lesa, yigi du fe hanga mu guhwa Yehowa yi Yezu madondu?
4. Laba mbandu yi Yezu
Duguhwanga kega Yehowa yi Yezu madondu dangu di dugulabanga mbandu yi Yezu. Dangenu 1 Piere 2:21, gudima hanenu mvudu mu muwu wu:
Yigi u le hanga mumwila mu gulaba pimbu-pimbu mbandu yi Yezu?
Yezu ma gazolanga Ndaga yi Nzambi, ma galonganga sangu ji pimbu kega ma gasadisanga hadu ega
5. Ndawendji gu kinji yi gwibuga lufwa lu Yezu
Mumwila mu gwishiya mambu meki ma gahangamanini mu kinji yi tegu yi Madia ma Gingweshi ma Fumu, dangenu Luka 22:14, 19, 20. Gudima hanenu mamvudu mu miwu mi:
Pila yigi kinji yi Madia ma Gingweshi ma Fumu yigahangamanini?
Dipa kega vinu di gumonisanga yigi?—Dala maverse 19 kega 20.
Yezu ma gazodidi mbi alongogi endji ahangi kinji yi Madia ma Gingweshi ma Fumu, mbala yi moshi kosu mvula mu gilumbu gio gi agafidi. Tunda Ambangi a Yehowa ma guwanagananga mbala yi moshi kosu mvula mumwila mu gwibuga lufwa lu Yezu Kristu gaga pila Yezu a galeshidi alongogi endji mu guhanga. Mu gwishiya pila lugudaganu lu, lu funu lu guhangamananga, dalenu VIDEYO. Gudima hanenu mvudu mu muwu wu:
Pila yigi Kinji yi gwibuga lufwa lu Yezu yiguhangamananga?
Dipa kega vinu diena yidimbu. Dipa di gumonisanga mwila wu Yezu wu gukonda masumu wo w’agahanini mumwila yi edu. Vinu digumonisanga magila ma Yezu
HADU EGA ENI GUHOSA MBI: “Gumonisa lugwigilu gwena Yezu gufwanini mumwila mu guguluga.”
Pila yigi u le hangila Yoane 3:16 kega Yakobo 2:17 mu gulesa mbi gwena yi mambu mega mudu a fe hanga mu guguluga?
MU KUFI
Du guhwanga Yezu madondu mu mambu m’agahangidi mumwila yi edu mbi mu dubamonisa lugwigilu gwena ye, kega mbi mu dubagwenda gu Kindji yi Gwibuga lufwa lwendji.
Mvudugilu
Pila yigi du fe monisa lugwigilu gwena Yezu?
Pila yigi wa zola gumonisa madondu gwena Yehowa yi Yezu mu mambu m’agahangidi mumwila yi edu?
Mumwilegi gwena funu yingi mu gwenda gu Lusungiminu lu lufwa lu Kristu?
DALA KEGA
Lufwa lu Kristu luba dupusa mu guhanga yigi?
Ma gahangididi mwila wendji mumwila mu gugumisa Yehowa (9:28)
Dala mambu ma guhosanga Bible mumwila yi lugwigilu kega pila yi du le monisa lugwigilu.
“Gwigila mu malushilu ma Yehowa” (Nzozulu ya Nkengi 10/2016)
Mu disolu “Yigaguma ukedji kega, yigaguma gusepela yi lujingu,” dala pila gwishiya funu yi gimenga gi Kristu gu gasadishidi mugonusa mu moshi.
“Bible mu di gusobanga lujingu lu hadu” (Nzozulu ya Nkengi 1/8/2011)
Dala mumwilegi hadu ndambu buna ena dia dipa kega ena nwa vinu mu Lusungiminu.