DILONGI 29

Yigi yiguduguminanga mbi mu dufwa?

W'adusa mu Papie

Gwena yi mudu mu moshi’ugazolanga yo ugafwa? Mu madangu ma mapashi u le gudihula mbi: ‘Yigi yi gudu guminanga mbi mudufwa? Ufugu wega, m’igadala hadu a yigazolanga o agafwa?’ Mu dilongi di, yi dina di na laba, mudwa senda mamvudu ma Bible mo mana bwisa mudjima.

1. Yigi yigu duguminanga mbi mudufwa?

Yezu agafwanishidi lufwa yi dulu du ngolu. Mu pila yiki lufwa lwena gigeledi yi dulu? Mbi mudu u bidjidi lō agwishiyanga mambu mo ma guhangamanga mu gihani gi’ena? Gidesu gimoshi mbi mudu ma fwa, lō agwishiyanga ada gima kega lō agunioguganga. Bible di na hosa mbi: “Afwa lō agwishiyanga ada gima.”—Danga Longi 9:5.

2. Gwishiya giediga mumwila yi afwa guguduneyilanga mapimbu meki?

Hadu engi ma gubanganga lufwa—kutu, ma gubanganga amvumbi! Gashi, mambu mo ma guhosanga Bible mumwila yi lufwa ma le gugubwisa mudjima. Yezu a gahoshidi mbi: “Giediga mu giganugadula mu gihiga.” (Yoane 8:32) Mabundu mengi ma gulonganga mbi, mbi mudu ma fwa moni wendji lō ugufanga. Gashi adi, lō diena dilongi di Bible. Lō gwena ada yi mudu yo u gunioguganga gudima di lufwa. Amvumbi lō agwishiyanga ada gima gi moshi kega, lō a le guduhanga mbi. Ohana, lō gwena funu mu gusambila amvumbi, gu’ahangila mambu mumwila akondji gudwifila kabu kega gusamba mumwila yi owu.

Hadu ega eni guhosa mbi a le solula yi amvumbi. Gashi, lō gu le hangamana ada ki. Gaga pila yi dulonguga, amvumbi “lō a gwishiyanga ada gima.” Hadu o aguhosanga mbi ma gusolulanga yi amvumbi, a gusolulanga gibeni yi ademo o agudigumisanga nga hadu o agafwa. Gwishiya mambu mo ma guhosanga Bible mumwila yi lufwa, mu gwena gududanina gwena ademo. Yehowa a gudwambilanga mu gukonda gusolula yi hadu o agafwa, mumwila mana gwishiya mbi, mbi mu dusolula yi ademo m’aduhanga mbi.—Danga Kulonga 18:10-12.

WISHIYA KEGA MAMBU MENGI

Dudadi mambu mengi mo ma gulonganga Bible mumwila yi lufwa, kega lugwigilu lwayi lwa guma ngolu pila yi wa gwishiya mbi Nzambi u zola lō a guniogulanga hadu o aga fwa.

Yala mu moshi yi anendji a dulengi mbadi a hwenini awulu di banc, mu mafwa ma mugashi wendji kega mawu w’anendji. Andugu yi hadu a dibuda a vuganini mumwila mu gu ahwa gigesa kega gu’asadisa.

3. Pila mudu a gugumanga mbi ma fwa

Mu gifudji gi kima, hadu ma gugwigilanga mambu ma guswaswana mu mambu mo ma guduguminanga mbi mu du fwa. Ada gio, lō gwena mbi, mambu makima mo m’agugwigilanga mena ma gigidi.

Mambu meki hadu a gugwigilanga mumwila yi amvumbi mu gihani gi u gujinganga?

Mu gwishiya mambu mo ma gulonganga Bible, dalenu VIDEYO.

VIDEYO: Yigi yiguguminanga mudu mbi ma fwa?—Video di gidjini (1:19)

Gimvuga gi mafoto: Mambu mo ma gaduga gu videyo ‘Yigi yiguguminanga mudu mbi ma fwa?—Videyo di gidjini.’ 1. Mvumbi yo yena a lagu di opital. 2. Mudu yo wena a gadji di hadu mbadi u bidjidi.

Dangenu Longi 3:20, gudima hanenu mamvudu mu miwu mi:

Pila verse adi dilesa, mudu a gugumanga pila yiki mbi ma fwa?
Gwena yi gima mu mwila u mudu gi gulabanga gujinga mbi ma fwa?

Bible di guhoshilanga disolu di lufwa lu Lazar, ndugu u ngolu u Yezu. Dangu di nuna danga Yoane 11:11-14, dalenu mambu mo ma gahoshidi Yezu mumwila yi Lazar. Gudima hanenu mamvudu mu miwu mi:

Yezu agafanigishidi lufwa yi yigi?
Gu na lesa mbi, mudu a gugumanga pila yiki mbi ma fwa?
U nadifa pila yiki gi weshiya mambu mo ma guhosanga Bible mumwila yi lufwa?

4. Gwishiya giediga mumwila yi lufwa guguduneyilanga mapimbu

Mbi mu dweshiya mambu mo ma guhosanga Bible mumwila yi lufwa lō dwagwifa ke amvumbi woma. Dangenu Longi 9:10, gudima hanenu mvudu mu muwu wu:

Hadu a gafwa a le guduhanga mbi?

Mbi mu dunagwigila mambu mo, meni guhosa Bible lō dwa hanga mambu mo ma guhanganga hadu mumwila amvumbi akondji gu efila kabu to gu asambila. Dangenu Yezaya 8:19 kega Kusonga 4:11, gudima hanenu mvudu mu muwu wu:

Uyindula yigi, Yehowa a gudifanga pila yiki mbi mudu ma nasambila hadu agafwa to mana gu’alomba lusadisu?

Gimvuga gi mafoto: Mambu ma mashigu ma ambuda mo mana lesa pila y’aguhwanga amvumbi lugumu. 1. Mudu mu moshi u fugamanini kega ena mu gusamba gu twala yi majamu yi magapu ma madia. 2. Hadu a yiganda yisadu ena mu gugina, avadjidi mingandji. 3. Hadu o avada ma maske ma yigudi yi mudu, a sendjidi yigudi yineni yi mbunzu kega ena mu guhanga defile mu Gilumbu gi Kindji yi Amvumbi. — The truth about death sets us free from customs that displease Jehovah

5. Gwishiya giediga mumwila yi lufwa gugudubwisanga mudjima

Mabundu mengi ma gulonganga mbi, mbi mudu ma fwa ma gwendanga gu nioguga mumwila yi mambu ma mbi mo m‘agahanganga. Gashi gu nadubwisa mudjima mu gwishiya mbi, lō gwena yi mudu yo u gunioguganga gu dima di lufwa—ada a gahanganga mambu mambi gibeni. Dangenu Baroma 6:7, gudima hanenu mvudu mu muwu wu:

Bible di guhosanga mbi mudu yo u fwa, a gufudanga fuga yi masumu mendji. Unayindula mbi hadu o a ga fwa m’agunioguganga mumwila yi mambu ma mbi mo magahanganga?

Mbi mu dweshiya gibeni Yehowa pimbu, mudwa gumbula mbi lō a le niogula hadu o agafwa ada ki. Dangenu Kulonga 32:4 kega 1 Yoane 4:8, gudima hanenu mamvudu mu miwu mi:

Nzambi yo wena yi yigalulu yo yi dudanga mu maverse ma, u le zola mbi aniogudingi hadu o agafwa?
Gu na gubwisa mudjima pila yi weshiya mambu mo ma guhosanga Bible mumwila yi lufwa? mumwilegi?

HADU EGA ENI GUHOSA MBI: “Migwifanga amvumbi woma buna.”