Hadu a u gazolanga o a gafwa a le jinga kega!

Gufwisa mudu gugukalanga pashi kega kenda jingi. Tunda Bible di gulendjiganga lufwa mbeni. (1 Bakorinto 15:26) Mu Dilongi 27, mu dugalongugidi mbi, Yehowa ma gagadula lufwa. Gashi Yehowa yigi a gahanga mumwila yi hadu o a gafwa gadi? Mu dilongi di, mu wa longuga mambu mengi ma dadila lushilu lu pimbu lu Yehowa—lu guhongulusa hadu engi gibeni mu lujingu mumwila a jingi mu gieshi mvula yi mvula. Ye ma g’afudumuna! Mambu ma, ma le hangamana gibeni? Afwa, a gafudumuga mumwila a jingi gu wulu to hawulu di manu?

1. Yehowa yigi enazola guhanga mumwila yi hadu o a dugazolanga o a gafwa?

Yehowa ena yi nzala yingolu yiguhongulusa hadu o agafwa mu lujingu. Yobi yo ugakedi mudu u lugwigilu, ma gagumbulanga gibeni mbi Nzambi lō a gamubila mbi ma fwa. A gambididi Nzambi mbi: “M’ugalendjiga, kega ami m’igagumbula [gu majamu].”—Danga Yobi 14:13-15.

2. Mumwilegi du nagumbula mbi afwa a le fudumuga?

Dangu di gakedi Yezu a wulu di manu, Nzambi ma gamuhwedi ngolu ji gufudumuna afwa. Yezu ma gafudumunini mwana mugonusa mu moshi u mamvula 12 kega mwana u yala u mufidi mu moshi u mugonusa. (Marko 5:41, 42; Luka 7:12-15) Gudima, Lazar ndugu u Yezu ma gafidi. Ada Lazar ma gafidi kega ma gamujigidi yilumbu yiwana yigahidjidi gadi, Yezu ma gamuhongulushidi mu lujingu. Yezu ma gasambidi Nzambi kega ma gahoshidi mu ndaga yi ngolu mbi: “Lazar iza uduki!” Kega “mudu yo ugafidi ma geshidi guduka”—mu moni! (Yoane 11:43, 44) Yindula gieshi gi gefidi dibuda kega andugu a Lazar!

3. Givuvu giki giena mumwila yi hadu a dugazolanga o a gafwa?

Bible di guhosanga mbi: “Hadu ma gafudumuga.” (Bisalu 24:15) Hadu o Yezu a gafudumunini mu dangu di tunda lō agedi gu wulu. (Yoane 3:13) A gakedi mu gieshi pila y’agahongulugidi mu lujingu aha awulu di manu. Pila yimoshi, gusala gadjigi Yezu m’afudumuna hadu engi gibeni mumwila a jingi mu gieshi mvula yi mvula mu paladisu awulu di manu. Ma gahoshidi mbi “hadu akima o ena mu majamu ma gwibuga”—ada hadu o a dwena konda gwibuga kega, gashi o ena mu mabanza ma Nzambi—ma gafudumuga.—Yoane 5:28, 29.

WISHIYA KEGA MAMBU MENGI

4. Yezu ma galeshidi mbi ukwedji ngolu ji gufudumuna afwa

Dalenu mambu mengi mo ma gahangidi Yezu mumwila yi ndugu wendji Lazar. Dangenu Yoane 11:14, 38-44, gudima hanenu mamvudu mu miwu mi:

• Pila yiki dweshiya mbi Lazar ma gafidi gibeni?—Dala verse 39.

• Mbi Lazar a gedi gu wulu, ubayindula mbi Yezu ma gangidi gu muhongulusa kega mu lujingu aha hawulu di manu?

Dalenu VIDEYO.

VIDEYO: Yezu u fudumuna Lazar (1:16)

5. Hadu engi ma gafudumuga!

Dangenu Nkunga 37:29, gudima hanenu mvudu mu muwu wu:

• Hadu engi o agafudumuga, a gajinga kwi?

Yezu ma gafudumuna hadu engi gibeni, ada hadu o a gakondanga gusambila Yehowa. Dangenu Bisalu 24:15, gudima hanenu mvudu mu muwu wu:

• Mbi hadu ma fudumuga, nani u gazola gudala?

Yindula diambu di: Yezu u le fudumuna mudu gukonda pashi, gaga nga pila dada a le hindula munendji gu dulu

6. Lufudumugu lu le guguhwa gigesa kega givuvu

Disolu di Bible dio di nahoshila mwana u Yairusi u mugonusa, di guhananga gigesa kega gulembiga hadu engi o a gubwilanga mafwa. Dangenu disolu di digahangamanini gibeni dio diena mu Luka 8:40-42, 49-56.

Gutwala yigufudumuna mwana u Yairusi u mugonusa, Yezu a gambididi Yairusi mbi: “Lō gwifa woma, kala gaga yi lugwigilu.” (Dala verse 50.) Pila yiki givuvu gi lufudumugu gi le gugusadisa . . .

• Mbi mudu yo u ugazolanga ma fwa?

• Mbi lujingu lwayi lwena mu gigonsa?

Dalenu VIDEYO, gudima hanenu mvudu mu muwu wu:

VIDEYO: Givuvu gi lufudumugu gi guduhwanga gigesa—Pila yiki? (3:21)

• Pila yiki givuvu gi lufudumugu gi gahwedi yibudji yi Phelicity gigesa kega gu’alembiga?

MU KUFI

Bible di guhosanga mbi, hadu engi o agafwa ma gafudumuga. Yehowa a guzolanga mbi o’ahongulugi mu lujingu, kega u gahwa Yezu ngolu ji gufudumuna afwa.

Mvudugilu

• Pila yiki dweshiya mbi Yehowa yi Yezu ena yi nzala yingolu yi gufudumuna afwa?

• Hadu engi gibeni o agafudumuga a gajinga—gu wulu to awulu di manu? Mumwilegi u hosa gio?

• Mumwilegi u nagumbula mbi, hadu o a ugazolanga o agafwa a le jinga kega?

DALA KEGA

Dala mambu ma funu ma u le hanga mu guganda mudjima mu pashi ji lufwa.

“Lusadisu mumwila yi hadu o abwila pashi ji lufwa” (Telama! No. 3 2018)

Mishigu mi Bible, mi le sadisa gibeni mudu yo u bwila pashi ji lufwa?

Mbi mudu yo u ugazolanga ma fwa (5:06)

Yigi yi le sadisa ana mu guganda mudjima mbi mudu yo wa g’azolanga ngolu ma fwa?

Kudulu (2:07)

Hadu ega ma gafudumuga mumwila mu gujinga gu wulu? Hadu egi aga konda gufudumuga?

“Lufudumugu lwena yigi?” (Disolu dio diena mu jw.org)