DILONGI 38
Senda gapu di lujingu mu valere
Lujingu lwena yi mambu mengi ma pimbu. Ata madangu mega mu duguwanagananga yi mapashi, mambu mega ma lujingu mu maguduhwanga gieshi. Pila yigi du le lesa mbi mu dugusendanga lujingu mu valere? Kega giguma gigi gi guhida funu giena du pusa mu gusenda lujingu mu valere?
1. Mumwilegi du fe senda lujingu mu valere?
Du fe senda lujingu lwedu mu valere, mumwila lwena gapu dio di gaduga gwena Yehowa Dada wedu wu zola. Ena “gishina gi lujingu”—mumwila ye u gagangidi yima yikima. (Nkunga 36:9) “Ye u guhwanga hadu a kima lujingu, pema kega yima yikima.” (Bisalu 17:25, 28) Yehowa a guduhwanga yima yikima yo yi dwena yoyi funu mumwila mu gujinga. Kega, u gayidiga mambu mumwila du sepedi yi lujingu.—Danga Bisalu 14:17.
2. Pila yigi du le lesa Yehowa mbi mu dugusendanga gapu di lujingu mu valere?
Yehowa ma gugushilanga digebi yandjiga dangu di gasendjidi mayeyi vumu diayi. Davidi sadi u Nzambi u moshi a gasonigidi mu sadisa yi Peve Santu mbi: “Mesu mayi mu magatadidi kutu dangu di yigakedi mu gadji di vumu.” (Nkunga 139:16) Yehowa a gusendanga lujingu lwayi mu valere dingi. (Danga Matayo 10:29-31.) Mbi mudu ma dijiya, to majiya mudu mwega mu luzolu lu kima Yehowa a gwifanga pashi jingi.a (Kubasika 20:13) Yehowa a gwifanga kega pashi jingi gu mudjima mbi mu dusa lujingu lwedu mu gigonsa gukonda giguma gi funu, to mbi lō duba hanga ata gima mu gudanina lujingu lu hadu ega. Mbi mu duba danina lujingu lwedu kega mu dubajidjisa lujingu lu hadu ega, dwena lesa Yehowa mbi mu dwena senda mu valere gapu di lujingu dio di a gaduhwedi.
WISHIYA KEGA MAMBU MENGI
Dudadi mambu mega mo ma u le hanga mu gulesa mbi u gusendanga gapu di lujingu mu valere dingi.
3. Danina sante diayi
Dangu di gudihananga Mukristu gwena Yehowa, a guhangilanga lujingu lwenji lu kima mumwila mu guhangila Yehowa. Gwena ngagombi aba hana mwila wendji nga gimenga gi santu gwena Nzambi, tunda a fe danina sante dienji pimbu. Dangenu Baroma 12:1, 2, gu dima hanenu mvudu mu miwu mi:
Mumwilegi u fe danina sante diayi?
Danga ndambu yi mambu ma u fe hanga mumwila mu gudanina sante diayi?
4. Danina lujingu lwayi yi lu hadu ega
Bible di gudulombanga mu gukonda hanga mambu ma le sa lujingu lwedu to lu hadu ega mu gigonsa. Dalenu VIDEYO mu gudala mwa mambu ma u fe hanga mu gudidanina.
Dangenu Bingana 22:3, gu dima dadilenu pila ayi yi hadu ega nu fe didanina dangu . . .
di nwena gu nzu.
di nwena gu gihani gi gisalu.
di nuba hanga mansaga.
di nuba pusa kaminion, moto, maswa, velo, to dangu di’abanupusa.
5. Danina lujingu lu bebe ayo wena mu vumu
Davidi a gahoshidi mu mugunga u moshi mbi Yehowa ma gusanga digebi dingi mu lujingu lu bebe yo wena mu vumu kega pila y’agugulanga. Dangenu Nkunga 139:13-17, gu dima hanenu mvudu mu muwu wu:
Gu mesu ma Yehowa, lujingu lu mudu lu guyanjiganga dangu manji a gusendanga vumu dienji to dangu di a gubuduganga?
Manshigu mo Yehowa a gahwedi hadu a Izraele di tunda, ma gadaninanga amawu yi abebe o a gakedi mu mavumu mowu. Dangenu Kubasika 21:22, 23, gu dima hanenu mvudu mu miwu mi:
Pila yigi Yehowa a gefanga mbi mudu ma jiya gukonda gugana bebe ayo wena mu vumu?
Pila yigi Yehowa a gefanga mbi mudu ma jiya mu luzolu lu kima bebe ayo wena mu vumu?b
Pila Nzambi a gudifanga gi, guba gupusa kega ayi mu gudifa pila yigi?
Ada mugonusa yo u gusendanga lujingu mu valere u le dala mbi gima gi suga gi guhanga gwena gaga gudusa vumu. Dangenu Yezaya 41:10, gu dima hanenu mvudu mu miwu mi:
Mbi maba pusa mugonusa u moshi mu gudusa vumu, gwena na a fe gamba lusadisu? Mumwilegi?
HADU EGA ENI GUHOSA MBI: “Mugonusa wena yi nswa ji gudusa vumu to lowu mumwila—gwena mwila wenji.”
Yigi yiba gugumbudisa mbi Yehowa ma gusendanga mu valere lujingu lu mawu kega lu bebe yo wena mu vumu diendji?
MU KUFI
Bible di gudulonganga mu guzola, gujidjisa kega gudanina lujingu, gapu dio di gaduhwedi Yehowa. Guba dendula mbi du fe danina lujingu lwedu kega lu hadu ega.
Mvudugilu
Mumwilegi Yehowa a gusendanga lujingu lu hadu mu valere?
Yehowa a gudifanga pila yigi mbi mudu ma jiya mudu mwega mu luzolu lu kima?
Mumwilegi du fe hwa Yehowa mersi mumwila yi gapu di lujingu?
DALA KEGA
Pila yigi du le hwa Yehowa mersi mumwila yi gapu di lujingu?
Yehowa u le lolula mugonusa yo u gadusa gadi vumu? Dala mvudu yi Bible
“Bible di guhosanga yigi mumwila yi gudusa vumu?” (Disolu dio diena mu jw.org)
Dala pila gwishiya mbi Nzambi ma gusendanga lujingu mu valere gu le dusadisa mu gusola mansaga ma pimbu.
“‘Du fe hanga mansaga mo’ ma gusanga lujingu mu gigonsa?” (Telama! 8/10/2000)
Dala pila yigi Bible di le sadisa mudu yo u guma yi mangindu ma gudijiya.
a Yehowa a gudiyangisanga ngolu mumwila yi hadu o ena mu kenda. (Nkunga 34:18) Magubagisanga masusi mo ma le pusa hadu mu guguma yi ngindu ji gudijiya, kega ma guzolanga gu’asadisa. Mu gudala pila yi ena sadisa hadu mu gugadula ngindu ji gudijiya, danga disolu “Yiba zola gufwa—Bible di le sadisa ami dangu diba ngishila ngindu ji gudijiya?” mu gidjini Dala Kega gi dilongi di.
b Agonusa o a gadushidi mavumu lō a fe gudiyangisa ngolu mumwila—Yehowa u le gu’alolula. Mu gwishiya mambu ma guhosanga Bible, danga disolu “Bible di guhosanga yigi mu mambu ma dadila gudusa vumu?” mu gidjini Dala Kega gi dilongi di.