PARTE 8

¿Nakú ni ji̱ʼi̱ Jesús?

Jesús ni ji̱ʼi̱-de tágua ku̱ú kuteku-yo nɨkani (Juan 20:31)

Jaku ña’an ka nde’e-ña nu̱u̱ yiyuʼu̱ Jesús de nduu ni ndai’i nda ña-de

Nu̱u̱ uni kɨvɨ ja ni ji̱ʼi̱ Jesús ni jakundeʼe jaku ñaʼan nu̱u̱ yavi nu̱u̱ ni yiyuʼu̱-de, de nduu ni ndaniʼi nda ña-de. Chi Jeová ni nasteku-Ya Jesús.

Jesús nakita’an-de jín nda apóstol-de de ta ni kuu ndaa-de andɨví

Ta ni yaʼa kɨvɨ, Jesús ni nakitaʼan-de jín ndaka apóstol-de.

Nduu ni nateku-de jín ɨn yɨkɨ kuñu. Chi Yandios ni ndasaʼa-Ya Jesús ɨn espíritu tanu kaa nda ángel. Nda discípulo ni ndeʼe ta ni ndaa-de andɨvɨ́. Mita kuu-de ɨn espíritu ndakui tuni ja ma kúu̱ ka.

Yandios ni nasteku-Ya Jesús de ni kaji-Ya tágua tatuni-de nu̱u̱ Reino-Ya (Daniel 7:13, 14)

Nde nu̱u̱ trono-de, tatuni-de nu̱u̱ nda ñayí ja ndee nu̱u̱ ñu’u vii

Jesús ni ji̱ʼi̱-de tágua skáku-de ñayí nu̱u̱ kuachi ji nu̱u̱ ja ji̱ʼi̱-yo (Mateo 20:28). Ja ñukua kuu ja Yandios ku̱ú kuáʼa-Ya tuʼun kuteku-yo nɨkani.

Jeová ni kaji-Ya Jesús tágua tatuni-de nde andɨvɨ́ nu̱u̱ ñuʼun yaʼa. Iyo 144,000 ñayí vaʼa ja nateku de tatuni vaʼa nda-de jín Jesús nu̱u̱ Reino Yandios ja iyo nde andɨvɨ́ (Apocalipsis 14:1-3).

Reino Yandios ndasaʼa vaʼa ji ndasaʼa vii ñuʼun yaʼa. Ma kana̱á ka ñuu, de ma koo ka ñayí ndevaʼa ini, ma koo ka ñayí ndaʼvi suni ma koo ka so̱ko. Sii tuni kundee ñayí (Salmo 145:16).