PARTE 9

¿Na kɨvɨ kuu ja ndu̱u̱ ñuʼun yaʼa ɨn ñuʼun vii?

Nda tundoʼo ja iyo steʼen ja ni nkuñati Reino Yandios (Lucas 21:10, 11; 2 Timoteo 3:1-5)

Tundo’o ja kuu nda kɨvɨ sandi’i: Ja kasiki xu̱ʼún, ja kana̱á, kue̱ʼe̱, ja kuni’i ini nu̱u̱ tatá, ji ja kana̱á jín ta’an ve’e

Tutu Yandios ni kachi ja koo tundoʼo ja ndeʼe-yo mita. Ni kachi ja koo seʼe ja ma kandija-ji nu̱u̱ tatá-ji, de koo ñayí ndevaʼa ini, kutoo xu̱ʼún ji ndukú-ji tiñu sii ini ja nduu taʼan ini Yandios.

Suni ni kachi ja koo ñuʼun ta̱an, ja kana̱á ñayí, ja koo ta̱ma̱, ji ja koo kuaʼa tuni kue̱ʼe̱. Tanu kuu mita.

Ɨn testigo Jeová ka’an sɨkɨ Reino Yandios nu̱u̱ ɨn teé

Jesús ni kachi-de ja koo tuʼun vaʼa Reino Yandios ja kuite nu̱u̱ ndɨʼɨ ñuuyɨvɨ́ (Mateo 24:14).

Reino Yandios xnaa ndɨʼɨ nda ñayí ndevaʼa ini (2 Pedro 3:13)

Xnaa-ya nda ja ndeva’a ini kɨvɨ Armagedón de ta ni kuu ka’ni-ta Tachi Ju’vi jín nda ja xée̱n

Nduu kuaʼa ka de Jeová xnaa-Ya nda ñayí ndevaʼa ini.

Kenda ɨn kɨvɨ ja kúu̱ Tachi Juʼvi ji nda tachi xée̱n.

Jesús ndee-de nde nu̱u̱ trono-de nde andɨví; ndɨʼɨ nu̱u̱ nda ñayí ka kusii ini-ji

Nda ñayí ja kandija nu̱u̱ Yandios kundee nu̱u̱ ɨn ñuʼun vii, nu̱u̱ kutoo taʼan ñayí, nu̱u̱ koo tiñu nda̱a̱, de ma koo ka tuʼun yu̱ʼú, chi ndɨʼɨ nda ñayí koto taʼan-ji.