¿Naguá kuu Tutu Yandios nu̱u̱-ní?

JA KACHI TUTU YANDIOS

“De níí Tutu i̱i̱ kuu tuʼun ja ni kaʼan Yandios.” (2 Timoteo 3:16, Nuevo Testamento en Mixteco de Ocotepec.)

NA̱SA CHINDEE NU̱U̱-YO NU KUNI-YO NDA TUʼUN YAʼA

Ndaniʼi-yo tuʼun nda̱a̱ nu̱u̱ nda tuʼun kánuu ja jikatuʼun-yo maa-yo (Proverbios 2:1-5).

Ni̱ʼi̱n-yo ɨn ichi vaʼa kiʼin-yo (Salmo 119:105).

Ni̱ʼi̱n-yo ɨn ja vaʼa ja koo ichi nu̱u̱ (Romanos 15:4).

¿A KUU KANDIJA-YO JA KAʼAN TUTU YANDIOS?

Kuu, chi iyo uni tuʼun:

• Nduu kaʼan yaatá. Uu xiko teé ni ka te̱e̱-de Tutu Yandios nu̱u̱ ɨn mil iñu ciento kuiya. Ɨn ni tuʼun kaʼan Tutu Yandios vese nduu ni ka jini nu̱u̱ taʼan-de.

• Ni kaʼan nda̱a̱ ndaka-de. Vese nda teé ndakani historia ɨn ñuu iyo ta nduu ndakani nda̱a̱-de nda kuachi ñuu-de, de nda teé ja ni kate̱e̱ Tutu Yandios ni ndakani nda̱a̱-de nda kuachi-de ji nda kuachi ja ni saʼa ñuu-de (2 Crónicas 36:15, 16; Salmo 51:1-4).

• Ndɨʼɨ tuʼun ja ni kachi Tutu Yandios ja ku̱ú kenda kuu. Uu ciento kuiya ichi yata Tutu Yandios ni kachi ja naa ñuu Babilonia (Isaías 13:17-22). Ni kachi na̱sa naa ñuu yaʼa ji suni ni kachi sɨvɨ teé ja xnaa ñuu yaʼa (Isaías 45:1-3).

  Ni ɨn profecía ja ni kachi nu̱u̱ Tutu Yandios nduu ni kumani, ndɨʼɨ ni nkuu. ¿A ma sú ñukua kuu ja kundetu-yo nu̱u̱ Tutu Yandios? (2 Pedro 1:21.)