LECCIÓN 37
Ja kachi Biblia sɨkɨ tiñu ji xu̱ʼún
¿A iyo ji̱chi ja ndakani tuni ini-ní sɨkɨ tiñu axi xu̱ʼún? Vese víjin kuu ja níʼi̱n-yo ndatiñu ja jiniñuʼun-yo de suni ja chiñuʼun-yo Jeová ta kúni maa-Ya. Biblia taji tuʼun vaʼa ja chíndeé nu̱u̱-yo tágua kuu saʼa-yo sukua.
1. ¿Naguá kachi Biblia sɨkɨ tiñu?
Yandios kúni-Ya ja kusii ini-yo ta satiñu-yo. Ja nda̱a̱, Biblia kachi “ja vaʼa tuni kuu nu̱u̱ teé ja [...] kusii ini ja satiñu tuni-de” (Eclesiastés 2:24, TNM). Jeová satiñu tuni-Ya. Ta satiñu tuni-yo tanu maa-Ya, saʼa-yo ja taʼa̱n ini-Ya de iyo sii ini-yo.
Vese ja kánuu kuu ja satiñu-yo, de jiniñuʼun ma sndoo̱ kuiti̱-yo ja chiñuʼun-yo Jeová (Juan 6:27). Maa-Ya kaʼan ka̱jí-Ya nu̱u̱-yo ja taji-Ya ja jiniñuʼun-yo nú saʼa-yo xinañuʼun tiñu-Ya.
2. ¿Na̱sa jiniñuʼun kundeʼe-yo xu̱ʼún?
Vese Biblia kachi “ja xu̱ʼún kuu ɨn ja chisa̱ʼvi”, suni kaʼan ka̱jí ja xu̱ʼún nduu kuu saʼa-ji ja kusii ini-yo (Eclesiastés 7:12, TNM). Ja ñukua kuu, ja Biblia kachi ja ma kutoo-yo xu̱ʼún de kachi-ji tuʼun yaʼa nu̱u̱-yo: “Chi cusii̱ ini̱ ro jíín ja̱ néva̱ʼa ro-ni” (kaʼvi-ní Hebreos 13:5). Ta kusii ini-yo jín ja nevaʼa-yo, nduu ndakani ka ini-yo ja ndukú ka-yo. Ji suni nduu ndíta-yo xu̱ʼún (Proverbios 22:7, TNM). De ma kinunkava-yo nu̱u̱ ja kasíkí xée̱n sɨkɨ xu̱ʼún de ja yachi̱ tuni kuu kuíká-yo.
3. ¿Na̱sa jatiñu mani̱-yo xu̱ʼún?
Jeová kuu ɨn Yandios ja mani̱ ini, de saʼa-yo tanu maa-Ya ta kuu-yo ɨn ñayí “va̱ʼa ini̱” ji ja “cua̱ʼa ji ja̱ cuu táʼán ji” (1 Timoteo 6:18). Ɨn ja kuu saʼa-yo kuu ja kuu kuatiñu-yo xu̱ʼún-yo tágua chíndeé-yo nu̱u̱ congregación ji ja chíndeé-yo nu̱u̱ nda ñayí, de xinañuʼun ka nu̱u̱ nda ñayí iyo nu̱u̱ congregación ja jiniñuʼun. Ja kánuu ka nu̱u̱ Jeová kuu nakú jeʼe-yo, ma sú ja nasaa jeʼe-yo. Nú jeʼe mani̱ ini-yo jín nde ini anu-yo, kusii ini-yo ji saʼa sii-yo ini Jeová (kaʼvi-ní Hechos 20:35).
NÁ KUTUʼVA KA-YO SƗKƗ TUʼUN YAʼA
Ná kundeʼe-yo na ja vaʼa níʼi̱n-yo ta nduu satiñu tuni-yo ji na̱sa kusii ini-yo jín jaku ndatiñu ja nevaʼa-yo.
4. Yɨñuʼún-ní nu̱u̱ Jeová ta satiñu vaʼa-ní
Ja kitaʼan vaʼa-yo jín Jeová saʼa ja kundeʼe vaʼa-yo tiñu. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
¿Naguá taʼa̱n ka ini-ní sɨkɨ ja ni saʼa Jason nu̱u̱ satiñu-de?
¿Naguá ni saʼa-de tágua kundeʼe vaʼa-de nasaa tiempo satiñu-de?
Ka kaʼvi-ní Colosenses 3:23, 24 de ka ndatuʼun-ní sɨkɨ nda tuʼun yaʼa:
¿Nakú kánuu ja satiñu-yo “jín ndɨʼɨ anu-yo”?
Vese ja kánuu kuu ja satiñu-yo, de ja kánuu ka kuu ja ma sndoo̱-yo ja chiñuʼun-yo nu̱u̱ Jeová.
5. Níʼi̱n-yo ja vaʼa nú ka kusii ini-yo jín jaku ndatiñu ja nevaʼa-yo
Kuaʼa ñayí stútú-ji kuaʼa tuni xu̱ʼún, de Biblia siin steʼen nu̱u̱-yo. Ka kaʼvi-ní 1 Timoteo 6:6-8 de ka ndatuʼun-ní sɨkɨ nda tuʼun yaʼa:
¿Na tuʼun vaʼa taji Biblia?
Kuu kusii ini-yo vese jaku ni̱ ndatiñu nevaʼa-yo. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
¿Nakú ka iyo sii ini nda familia vese jaku ni̱ xu̱ʼún ka nevaʼa-ji?
¿Nú ja nevaʼa-yo kuaʼa de kúni ka-yo kuaʼa ka? Jesús ni steʼen-de ɨn tuʼun ja kachi nakú yika tuni kuu nú saʼa-yo sukua. Ka kaʼvi-ní Lucas 12:15-21 de ka ndatuʼun-ní sɨkɨ nda tuʼun yaʼa:
¿Naguá steʼen nu̱u̱-ní tuʼun ja ni kachi Jesús? (Ka kundeʼe-ní versículo 15).
Ka kaʼvi-ní Proverbios 10:22, TNM de skanitaʼan-ní jín 1 Timoteo 6:10. Ñukua de ka ndatuʼun-ní sɨkɨ nda tuʼun yaʼa:
¿Naguá jani ini-ní ja kánuu ka: a ja kitaʼan vaʼa ka-yo jín Jeová, axi ja kunevaʼa-yo kuaʼa xu̱ʼún? ¿Nakú?
¿Na tundoʼo koo nu̱u̱ ñayí nú ka ndukú tuni-ji xu̱ʼún?
6. Jeová taji-Ya ja jiniñuʼun-yo
Nda tundoʼo ja nduu na tiñu-yo ji ja nduu na xu̱ʼún-yo kuu chíndeé-ji nu̱u̱-yo ja kuni-yo nú nevaʼa-yo ɨn fe ndakui nu̱u̱ Jeová. Ka kundeʼe-ní VIDEO tágua kuni-ní na̱sa kuu kundeé-ní nu̱u̱ tundoʼo ja koto túni̱ fe-ní de ñukua de ka ndatuʼun-ní sɨkɨ nda tuʼun yaʼa:
¿Na tundoʼo ni nevaʼa teé ja ni kee nu̱u̱ video yaʼa?
¿Naguá ni saʼa-de tágua kee-de ichi nu̱u̱?
Ka kaʼvi-ní Mateo 6:25-34 de ka ndatuʼun-ní sɨkɨ nda tuʼun yaʼa:
¿Naguá kaʼan ka̱jí Jeová ja saʼa-Ya nu̱u̱ nda ñayí ja xinañuʼun ka saʼa-ji tiñu-Ya iini̱ ka teku-ji?
JA KACHI SAVA NDA ÑAYÍ: “Kánuu ja satiñu tuni-sa tágua koo ja jiniñuʼun ñayí veʼe-sa. Nduu kuu ja kiʼin-sa nu̱u̱ ndɨʼɨ nda reunión ja iyo nu̱u̱ ndɨʼɨ semana”.
¿Na texto Biblia kaʼan ka̱jí nu̱u̱-ní ja ta chiñuʼun-ní nu̱u̱ Jeová ɨn ja vaʼa ka kuu?
JA NI KUTUʼVA-YO
Tiñu ji xu̱ʼún jiniñuʼun-yo, de kánuu ja ma kuáʼa-yo tuʼun ja saʼa-ji ja kuji̱ka-yo ji ja satiñu-yo nu̱u̱ Jeová.
Tuʼun núku̱ʼun ini
¿Naguá chíndeé nu̱u̱-ní ja kundeʼe-ní ja tiñu-ní nduu kánuu tuni?
¿Na ja vaʼa níʼi̱n-ní ja kusii ini-ní jín ndatiñu ja nevaʼa-ní?
Nú Jeová kaʼan ka̱jí ja kuáʼa-Ya ja jiniñuʼun nda ñayí ja satiñu nu̱u̱-Ya, ¿na̱sa kuu steʼen-ní ja ñúʼun ini-ní nu̱u̱-Ya?
NU̱U̱ NDANIʼI KA-NÍ TUʼUN
Kutuʼva-ní nú Biblia kachi ja xu̱ʼún kuu ɨn ja ndevaʼa.
“¿A kuachi xu̱ʼún kuu ja iyo kuaʼa tiñu ndevaʼa?” (Artículo nu̱u̱ jw.org)
Kundeʼe-ní na̱sa kuu kuáʼa-ní ndatiñu tágua saʼa sii-ní ini Jeová.
“¿Naguá kachi Biblia sɨkɨ ja jeʼe-yo?” (Artículo nu̱u̱ jw.org)
¿A iyo vaʼa ja kasíkí-yo sɨkɨ xu̱ʼún?
“Tuʼun ja kachi Biblia: Ja kasíkí sɨkɨ xu̱ʼún” (¡Despertad!, yo̱o̱ marzo kuiya 2015)
Kaʼvi-ní naguá ni skanda ini ɨn teé ja ni kasíkí-de sɨkɨ xu̱ʼún ji ni sakuíʼná-de de ni sa̱ma-de.
“Ni taʼa̱n tuni ini-sa kundeʼe-sa ta ka jinu nda kuayu” (La Atalaya, 1 yo̱o̱ noviembre kuiya 2011)