¿Na̱sa kuu chíndeé nu̱u̱-ní Biblia?

Kuaʼa nda-yo jikatuʼun-yo maa-yo sɨkɨ ja teku, tundoʼo, ja ji̱ʼi̱ ji ja ku̱ú ichi nu̱u̱. Suni ndɨʼvɨ ini-yo na̱sa kuu níʼi̱n-yo ja kuteku-yo kɨvɨ jín kɨvɨ, axi na̱sa kundee sii ini taʼan veʼe-yo. Kuaʼa tuni ñayí jíni̱-ji ja Biblia xndikó nda tuʼun kánuu yaʼa ji suni kaʼan nu̱u̱-yo nda tuʼun vaʼa ja chíndeé nu̱u̱-yo kɨvɨ jín kɨvɨ. ¿A káʼán-ní ja Biblia kuu chindeé nu̱u̱ ɨn ñayí ja jíni̱-ní?

1. ¿Nde ɨn kuu sava nda tuʼun ja xndikó Biblia?

Biblia xndikó tuʼun kánuu yaʼa tanu kuu: ¿na̱sa ni kejaʼa ja teku?, ¿nakú iyo-yo yaʼa?, ¿nakú ndoʼo nda ñayí vaʼa ini?, ¿naguá kuu ta ji̱ʼi̱ ɨn ñayí?, ¿nakú iyo tuni ja kana̱á nú ndɨʼɨ ñayí kúni-ji kundee mani̱-ji? ji ¿naguá ku̱ú jín ñuʼun-yo? Nu̱u̱ Biblia kuu ndaniʼi-yo ndɨʼɨ nda tuʼun yaʼa, de kuaʼa nda ñayí ja ja̱ ndaniʼi-ji nda tuʼun yaʼa kusii tuni ini-ji.

2. ¿Na̱sa chíndeé nu̱u̱-yo Biblia tágua koo sii ini-yo nda̱ká kɨvɨ?

Biblia taji tuʼun vaʼa nu̱u̱-yo. Tanu kuu, ja chíndeé-ji tágua koo sii ini ndija nda taʼan veʼe ñayí. Suni chíndeé-ji nu̱u̱-yo ta kukuéká ini-yo ji koo sii ini-yo nu̱u̱ tiñu-yo. Iini̱ skuaʼa-yo tutu yaʼa, kutuʼva ka-ní ja kachi Biblia ji kuaʼa ka tuʼun. De kuu kandija-ní ja “ndɨʼɨ ja kachi Biblia kuu [...] chíndeé nu̱u̱-yo” (2 Timoteo 3:​16).

NÁ KUTUʼVA KA-YO SƗKƗ TUʼUN YAʼA

Ná kundeʼe-yo na̱sa chíndeé Biblia nu̱u̱ sava ka ñayí, naguá kuu saʼa-yo tágua koo sii ini-yo ta kaʼvi-yo ji na̱sa chíndeé nu̱u̱-yo ja koo ɨn ñayí ja steʼen nu̱u̱-yo.

3. Biblia chuʼun ichí-yo

Biblia kuu tanu ɨn ñúʼu̱n ja stúu ichí-yo. Kuu chíndeé nu̱u̱-yo tágua ka̱ji vaʼa-yo ja saʼa-yo ji suni kuu ­kuni-yo ja kenda ku̱ú ichi nu̱u̱.

Ka kaʼvi-ní Salmo 119:​105, TNM de ka ndatuʼun-ní sɨkɨ nda tuʼun yaʼa:

• ¿Naguá ni jani xini teé ja ni te̱e̱ salmo yaʼa sɨkɨ Biblia?

• ¿Naguá jani ini maa-ní sɨkɨ Biblia?

4. Biblia xndikó tuʼun ja jikatuʼun-yo maa-yo

VIDEO: Ma nuu kuiti̱ ini-ní (1:48)

• ¿Na tuʼun jikatuʼun ni nevaʼa ñaʼan ja kee nu̱u̱ video yaʼa?

• ¿Na̱sa ni chindeé nu̱u̱-ña ja ni skuaʼa-ña Biblia?

Biblia kachi nu̱u̱-yo ja ná katuʼun-yo nda tuʼun. Ka kaʼvi-ní Mateo 7:7 de ka ndatuʼun-ní sɨkɨ nda tuʼun yaʼa:

• ¿A káʼán-ní ja Biblia kuu xndikó sava nda tuʼun ja jikatuʼun-ní maa-ní? De, ¿nde tuʼun kuu?

5. Kuu koo sii ini-yo ta kaʼvi-yo Biblia

VIDEO: Ja kaʼvi Biblia (2:05)

• ¿Naguá ka kachi nda suchí kua̱chi ja ka kee nu̱u̱ video sɨkɨ ja kaʼvi Biblia?

• ¿Nakú siin siin ka jani ini nda suchí yaʼa ja kaʼvi Biblia?

Biblia chíndeé nu̱u̱-yo ji taji tuʼun vaʼa ja ku̱ú ichi nu̱u̱. Ka kaʼvi-ní Romanos 15:4 de ka ndatuʼun-ní sɨkɨ nda tuʼun yaʼa:

• ¿A kusii ini-ní kuni ka-ní sɨkɨ nda tuʼun ndeé ini ja taji Biblia ji ja ku̱ú ichi nu̱u̱?

6. Kuu jakuʼun ini-yo ja kachi Biblia nú ta inka ñayí chíndeé nu̱u̱-yo

Iyo ñayí ja kaʼvi maa-ji Biblia, de suni chíndeé tuni nu̱u̱-ji nú iyo ɨn ñayí ja steʼen nu̱u̱-ji. Ka kaʼvi-ní Hechos 8:​26-​31 de ka ndatuʼun-ní sɨkɨ nda tuʼun yaʼa:

• ¿Naguá jiniñuʼun-yo tágua jakuʼun ini-yo ja kachi Biblia? (Ka kundeʼe-ní nda versículo 30 ji 31).

JA NI KUTUʼVA-YO

Biblia taji tuʼun vaʼa nu̱u̱-yo, xndikó tuʼun kánuu ji taji tuʼun ndeé ini ja ku̱ú ichi nu̱u̱.

Tuʼun núku̱ʼun ini

• ¿Na tuʼun vaʼa ndaniʼi-yo nu̱u̱ Biblia?

• ¿Nde kuu sava nda tuʼun ja xndikó Biblia?

• De maa-ní, ¿naguá kúni-ní ndaniʼi-ní nu̱u̱ Biblia?

NU̱U̱ NDANIʼI KA-NÍ TUʼUN

Ndaniʼi-ní tuʼun vaʼa nu̱u̱ Biblia ja kuu chíndeé nu̱u̱-ní nu̱u̱ nda kɨvɨ ndee-yo.

“Tuʼun Biblia ja nɨkani ndíchi” (La Atalaya, núm. 1 2018)

Kundeʼe-ní na̱sa ni chindeé Biblia nu̱u̱ ɨn teé ja víjin ni kuu nu̱u̱-de nde luli-de.

Na̱sa ni kejaʼa-sa ndee sii ini-sa inka ji̱chi (2:​53)

Kutuʼva-ní sɨkɨ nda tuʼun ja taji Biblia tágua kundee sii ini nda taʼan veʼe-ní.

“12 tuʼun tágua chíndeé ja kundee sii nda taʼan veʼe” (¡Despertad!, núm. 2 2018)

Kundeʼe-ní na̱sa Biblia nastúu sɨkɨ ɨn tuʼun túʼu̱n ja ka jani ini ñayí nu̱u̱ nda kɨvɨ ndee-yo ja nde kuu ja ­tatúni nu̱u̱ ñuuyɨvɨ́.

¿Nakú skuaʼa-ní Tutu Yandios? (versión completa) (3:​14)