LECCIÓN 11
Na̱sa kuu tava̱ vaʼa ka-yo tuʼun ja yoso nu̱u̱ Biblia
¿Ta ni jani ini-ní ja kejaʼa-ní ɨn tiñu ja kaʼnu tuni a ni yu̱ʼú-ní? De sanaa tágua nduu víjin kuu nu̱u̱-ní, jaku jaku ni saʼa-ní. De suni sukua kuu ta kaʼvi-yo Biblia. De sanaa katuʼun-ní maa-ní: “¿Ndenu kejaʼa-sa?”. Nu̱u̱ lección yaʼa kutuʼva-yo jaku Tuʼun ja chindeé nu̱u̱-ní ta kaʼvi-ní ji skuaʼa-ní Biblia.
1. ¿Nakú vaʼa kuu ja kaʼvi-yo Biblia nda̱ká kɨvɨ?
Ñayí ja kaʼvi Biblia, axi “ley Jeová”, nda̱ká kɨvɨ kusii ini-ji ji vaʼa kundee-ji nda̱ká kɨvɨ (kaʼvi-ní Salmo 1:1-3, TNM). Tágua kejaʼa-ní, chuʼun ini-ní kaʼvi-ní jaku ni̱ minuto nu̱u̱ ɨn kɨvɨ. Ta kutuʼva ka-ní Tuʼun Yandios, kusii ka ini-ní ta kaʼvi-ní.
2. ¿Naguá kuu chindeé nu̱u̱-ní tágua tava̱ vaʼa ka-ní tuʼun ja yoso nu̱u̱ Biblia?
Tágua tava̱ vaʼa ka-yo tuʼun ja yoso nu̱u̱ Biblia jiniñuʼun kani xini-yo ja kaʼvi-yo. Libro yaʼa ma sú ja kaʼvi ni̱ yoʼo kuu, chi jiniñuʼun “kani xini-yo ja kaʼvi-yo” (Josué 1:8, TNM). Ta kaʼvi-ní, katuʼun-ní maa-ní: “¿Naguá kutuʼva-sa sɨkɨ Jeová nu̱u̱ nda versículo yaʼa? ¿Na̱sa kuu kuatiñu-sa nu̱u̱ nda kɨvɨ ja ndee-sa? ¿Na̱sa kuu kuatiñu-sa tágua chindeé-sa sava ka ñayí?”.
3. ¿Na̱sa kuu tava̱-ní tiempo tágua kaʼvi-ní Biblia?
¿A víjin kuu nu̱u̱-ní tava̱-ní tiempo tágua kaʼvi-ní Biblia? Kuaʼa-yo ndoʼo sukua. Ma̱ snáa̱ ro tiempo, chi “cundiʼvi̱ ini̱ ro jíín tiñu ya̱” (Efesios 5:16). Kuu saʼa-ní nú tava̱ ñunkúú-ní tiempo ɨn kɨvɨ tágua kaʼvi-ní Biblia. Sava nda ñayí ka kaʼvi-ji janéʼe. De sava ka ñayí ka kaʼvi-ji, ta ka yaji-ji axi ta ka ndata̱tú-ji. De sava ka-ji ka kaʼvi-ji jakuáa̱ ta nchaʼa ka kusun-ji. ¿Na tiempo kuu ja taʼa̱n ka ini maa-ní?
NÁ KUTUʼVA KA-YO SƗKƗ TUʼUN YAʼA
Ná kundeʼe-yo naguá kuu saʼa-yo tágua taʼa̱n ka ini-yo kaʼvi-yo Biblia. Yaʼa ndaniʼi-yo sava nda tuʼun ja kuu chindeé nu̱u̱-yo tágua saʼa tuʼva vaʼa ka-yo maa-yo de tava̱-yo kuaʼa ka tuʼun kánuu nu̱u̱ curso yaʼa.
Tanu kuu ja kutuʼva-yo yaji-yo siin siin ndeyu suni kuu kutuʼva-yo kusii ini-yo, ja kaʼvi-yo Biblia.
4. Kutuʼva-ní kusii ini-ní ta kaʼvi-ní Biblia
Sanaa víjin kuu ta kejaʼa-yo kaʼvi-yo Biblia. De, tanu kuu, ta kejaʼa-yo taʼa̱n ini-yo ɨn ndeyu, suni sukua kuu kejaʼa-yo “taʼa̱n ini-yo” kaʼvi-yo Biblia. Ka kaʼvi-ní 1 Pedro 2:2 de ka ndatuʼun-ní sɨkɨ nda tuʼun yaʼa:
¿A jani ini-ní ja nú kejaʼa-ní kaʼvi-ní Biblia kejaʼa-ní taʼa̱n ini-ní de kúni-ní kaʼvi kuaʼa ka-ní?
Ka kundeʼe-ní VIDEO de kuni-ní sava nda suchí kua̱chi ja ni ka kutuʼva-ji kusii ini-ji ka kaʼvi-ji Biblia. Ñukua de ka ndatuʼun-ní sɨkɨ nda tuʼun yaʼa:
¿Naguá ni jiniñuʼun ka saʼa nda suchí kua̱chi ja ka kee nu̱u̱ video?
¿Naguá ni chindeé nu̱u̱ nda-ji tágua ma ka nuu ini-ji?
¿Naguá ni ka saʼa-ji tágua ka taʼa̱n ka ini-ji ta ka kaʼvi-ji Biblia?
Tuʼun chíndeé tágua kejaʼa:
Ka̱ji-ní ɨn Biblia ja kaʼan nda̱a̱ ji ja jakuʼun ini-ní ja kaʼan. Koto túni̱-ní Traducción del Nuevo Mundo nú iyo nu̱u̱ yuʼu kaʼan-ní.
Kejaʼa-ní kaʼvi-ní nda tuʼun ja taʼa̱n ka ini-ní. Ndaniʼi-ní tuʼun chindeé nu̱u̱-ní nu̱u̱ tabla “Tuʼun chíndeé tágua kejaʼa-yo kaʼvi-yo Biblia”.
Te̱e̱-ní tágua kunaʼán-ní naguá kuu ja kaʼvi-ní. Kuatiñu-ní tabla ja yoso nu̱u̱ tutu yaʼa, “Nu̱u̱ te̱e̱-sa ja kindoo-sa ta kaʼvi-sa Biblia”.
Kuatiñu-ní aplicación JW Library®. Nú xnuu-ní nu̱u̱ yoka̱a-ní axi nu̱u̱ inka ka̱a ndíchi, kuu kaʼvi-ní ji kunini-ní Biblia vaʼani̱ ndenu iyo-ní.
Kuu kuatiñu-ní apéndice ja yoso nu̱u̱ Traducción del Nuevo Mundo. Ñukua ndaniʼi-ní mapa, tabla ji ɨn glosario ja saʼa ja taʼa̱n ka ini-ní kaʼvi-ní Biblia.
5. Ta skuaʼa-ní Biblia satuʼva-ní maa-ní
Ka kaʼvi-ní Salmo 119:34, TNM de ka ndatuʼun-ní sɨkɨ nda tuʼun yaʼa:
¿Nakú vaʼa kuu ja saʼa-ní sáʼan ta nchaʼa kaʼvi-ní Biblia axi ta satuʼva-ní ta skuaʼa-ní?
¿Na̱sa kuu kutuʼva vaʼa ka-ní nu̱u̱ ɨn ɨn clase? Ta skuaʼa-ní nda lección nu̱u̱ curso yaʼa, kuu kundiki̱-ní nda tuʼun yaʼa:
Kaʼvi-ní nda̱ká párrafo ja kejaʼa nu̱u̱ ɨn ɨn lección.
Nandukú-ní nda texto, kaʼvi-ní ji skanitaʼan-ní jín nda tuʼun skuaʼa-ní.
Tenáʼán-ní nda tuʼun axi tuʼun kánuu ka ja xndikó nu̱u̱ tuʼun jikatuʼun. Yaʼa chindeé nu̱u̱-ní ta skuaʼa-ní lección jín ñayí steʼen nu̱u̱-ní.
¿A jíni̱-ní?
Nda-sa testigo Jeová ja ka jatiñu-sa kuaʼa Biblia, nu̱u̱ siin siin yuʼu de ka taʼa̱n ka ini-sa Traducción del Nuevo Mundo chi nda̱a̱ kaʼan ji kaʼan ka̱jí, ji jatiñu sɨvɨ Yandios (kundeʼe-ní artículo nu̱u̱ jw.org: “¿A ka nevaʼa nda testigo Jeová Biblia maa-ji?”).
JA KACHI SAVA NDA ÑAYÍ: “Víjin kuu nu̱u̱ maa-sa skuaʼa-sa Biblia. Nduu na tiempo-sa ji nduu taʼa̱n ini-sa”.
¿De naguá jani ini maa-ní?
JA NI KUTUʼVA-YO
Tágua kutuʼva vaʼa ka-ní ja kachi Biblia, tava̱-ní ɨn tiempo tágua kaʼvi-ní, kakan-ní nu̱u̱ Yandios tágua chindeé Ya̱a̱-ní ja jakuʼun ini-ní ta kaʼvi-ní ji satuʼva-ní maa-ní ta skuaʼa-ní Biblia.
Tuʼun núku̱ʼun ini
¿Naguá chindeé nu̱u̱-ní tágua kuu kutuʼva vaʼa ka-ní ja kachi Biblia?
¿Na hora kuu ja kuu kaʼvi maa-ní ji skuaʼa-ní Biblia?
¿Nakú vaʼa kuu ja satuʼva-ní maa-ní ta skuaʼa-ní Biblia?
NU̱U̱ NDANIʼI KA-NÍ TUʼUN
Núku̱ʼun ini-ní sava nda tuʼun ja kuu chindeé nu̱u̱-ní tágua kutuʼva vaʼa ka-ní ja kachi Biblia.
Ndaniʼi-ní tuʼun ja kuu chindeé nu̱u̱-ní kaʼvi-ní Biblia.
Kundeʼe-ní na̱sa kuu kusii ini-ní ta kaʼvi-ní Biblia.
Kundeʼe-ní tuʼun ja ka kachi sava nda ñayí ja ja̱ ni kuu kuaʼa tiempo ka kaʼvi-ji Biblia.