I Hinje Ma Wati Na Maa Jɛhova Isuɛlbleisia Bawoni haŋ i too Wati Na Ma Ti Haala Mahin Majɔɔni

Mojisi Isuɛlbleisia gbuailɔ Iijipt, kɛ i waa a tie Saina Yii ya. Na mia Ngewɔ ngi jaweisia veni na ti wɛ. Na leengɔ woma, Mojisi i hinga 12 looilɔ kɔ ti li ti Kenaan lɔlei manɛɛ. Kɛɛ ti 10 tii wani a ngowi yekpe. Ji pieilɔ nunga ti lii i nyani, kɛ ti ndenga tɛ ti longɔ ti yama Iijipt. Jifa tii lanayia wuni Jɛhova hu, i pieilɔ ti leetee ŋanya lɔlei na hu fo 40 va.

Na kpɛlɛ leengɔ woma, Jɛhova i loko looilɔ Jɔsua ma kɔ i li a Isuɛlbleisia Kenaan lɔlei hu. Kɔ ti gu ti Kenaan lɔlei majɔɔ, Jɛhova pieilɔ kabande hindanga ti wue. I pieilɔ Jɔdan Yei i gbe a yei la, Jɛliko magɔlei i woo, tao i pieilɔ fuli i gbua haŋ i too kpindi ma. Fo weita leengɔ woma, Isuɛlbleisia ti guilɔ Kenaan lɔlei ma.

I hinje Jɔsua ma, kitileebla mia ti yɛ looni Isuɛlbleisia mahu fo 356 va. Mua kaa wue lɔ kɔlongɔ ti lɛnga ma, sia nyikɔ Balak na, Gidiɔn, Jɛfita, Samsin kɛ Samuɛl. Mua kaa wue lɔ gbɔma kɔlongɔ nyahangei jisia ma, Lehab, Dɛbola, Jeɛl, Luut, Nɛomi kɛ Dilaila. Fo 396 gohu mia hindei ji kpɛlɛ wueni Kakei ji yɛpɛ ma kɔlongɔ ma.