Nega Maorona ai Ba Hereva

Filipo be Dahaka E Kara?

VIDIO: Filipo ese Etiopia Eunuko Tauna E Haroro Henia

1. VIDIO ba itaia, eiava Aposetolo Edia Kara 8:​30, 31 ba duahidia. Bena ini henanadai ba haerelaidia:

1. Filipo ese ena hereva be ede e hamatamaia toma?

2. Dahaka dainai una na dala namona una tau enai ḡau matamatana ta baine herevalaia?

Filipo Ena amo Dahaka Ta Dibamu?

2. Bema nega maorona ai hereva maorodia baita gwauraimu, ta hereva heniamu tauna na be uramu baine kamonai.

Filipo Ba Tohotohoa

3. Ta toana bona ena kara ba haero. Ta na vairana toana bona ena kara amo bo dibamu ia be ba hereva henia eiava lasi. Reana o uramu Baibul amo ba herevalaia ḡauna na ini ba gwauraia toma, “Nega ta ina hereva do kamonai . . . ?” Basio doria bema ia na se uramu ba hereva henia.

4. Ba haheauka. O herevaherevamu lalonai, maoromaoro Baibul na basio herevalaia. To nega maorona ai hereva maorodia ba gwaurai. Nega haida, ba nari ela bona emui herevahereva negana ma ta ai Baibul ba herevalaia.

5. Haroro herevana ba haidaua. Ta ida o herevaherevamu lalonai, ia na ḡau idauna ma ta be herevalaiamu. Una nega ai, ia ese e laloa badamu ḡauna ba herevalaia diba, ena be oi ese o heḡaeḡaelaia haroro herevana na idau.