SEPTEMBER 15-21

PROVEB 31

Ane 42 Bona Ḡuriḡuri | Hebou Ikehona Herevadia (1 min.)

DIRAVA ENA HEREVA ENA NAMO

Sina ta na natuna kekenina ida e herevaherevamu bona idia raruosi na sofa ai hehelai.

1. Sina Ena Hahediba Namodia amo Ḡau Momo Baita Dibamu

(10 min.)

Headava bona mahuta hebou karadia lalodiai Iehova ese dahaka taravatu e atoa na oi ese natumu ba hadibalaia (Pr 31:3, 10; wp24.1 rau 13 poin 4)

Bia o alcohol ena topik o herevalaimu negadiai, natumu ba durua Iehova ena lalohadai baine abia (Pr 31:4-6; ijwhf-MO atikol 4 par. 11-13)

Natumui ba hadibadia Iehova ese taunimanima e durudiamu heḡereḡerena, idia danu unu bae kara toma (Pr 31:8, 9; g19.2-MO rau 7 par. 6-9)

2. Dirava Ena Hereva Ba Tahua Namonamo

(10 min.)

Pr 31:26—Ina siri amo ita be dahaka ta dibamu? (w23.12 rau 21 par. 12)

Emu haere
Ina wiki ena Baibul duahiduahi amo oi e durumu ḡauna ta be dahaka?

Emu haere

3. Baibul Duahiduahi

(4 min.) Pr 31:10-31 (th stadi 10)

EMU HARORO IHANAMONA DALANA

4. Herevahereva Ba Hamatamaia

(3 min.) NEGA BONA GABU IDAUIDAU AI HARORO ḠAUKARA. Ta ese ḡau namona ta e karaiamu eiava e gwauraiamu murinai, oi ese herevahereva ba hamatamaia. (lmd lesen 5 poin 3)

5. Herevahereva Ba Hamatamaia

(4 min.) RUMA TA RUMA TA. Buklet ladana Ba Lalokau Henidia ena apendiks ladana, “Taunimanima Baita Hadibadia Hereva Momokanidia” ai, poin ta ba herevalaia. (lmd lesen 1 poin 4)

6. Ba Lou Henidia

(5 min.) RUMA TA RUMA TA. Gima Kohorona No. 1 2025 e abia dae tauna ba boiria bainema hebou ai spesol tok baine kamonaia. (lmd lesen 7 poin 4)

KRISTEN EDIA MAURI

Ane 52

7. Natumui Ba Durudia Mobael Fon O Elektronik Ḡaudia Bae Ḡaukaralai Namonamo

(8 min.) Henanadai bona haere.

Nega haida, oi ese o itaiamu natu maraḡina ta na mobael fon o tablet ai app haida e ḡaukaralaimu, a? Vaia, natu ediai elektronik ḡaudia iḡaukaralaidia na dia auka, ani? Reana idia ese mobael fon bae ḡaukaralaia dalana ai be oi ese heduru sisina bo henimu, to idia ese mobael fon bae ḡaukaralaia namonamo dalana ai oi ese nega iboudiai heduru ba heni be namo. Edena dala ai tama o sina ese natudia bae durudia?

Vidio ladana “The Best Use of Time” laulauna ta. Sophia na kone ai hekure bona ena tablet e ḡaukaralaiamu bona ia ese se itaiamu ḡauna na, davara ai dolfin ta na bolo e gadaralaiamu.

VIDIO ba pleia Nega Iḡaukaralaina Namonamo Dalana. Bena helai taudia ba nanadaidia:

Dahaka dainai ita ese mobael fon o elektronik ḡaudia iḡaukaralaidia ai eda nega bada na basita haorea?

Emu haere
Ita ese eda nega be ede kahai danu baita ḡaukaralaia na ḡau badana?

Emu haere

Emu ruma taudia ediai taravatu haida o atomu negadiai, Baibul ena hahekau herevadia ba ḡaukaralai be namo, to tama o sina ma haida e karamu heḡereḡerena na basio kara. (Ga 6:5) Oi sibomu ba henanadai:

Natugu ese egu mobael fon o iena mobael fon e ḡaukaralaiamu neganai, ia sibona ese ena ura be e biagua namonamo, a?—1Ko 9:25, NWT.
Bema natugu na sibona ruma ai noho, lau ese egu mobael fon ia baina henia be namo, a?—Pr 18:1
Lau ese ededia app bona website be gwaumaoro baina henia natugu ese baine ḡaukaralaidia? Eiava lau ese ededia app bona website be taravatu baina ato natugu ese basine ḡaukaralaidia?—Ef 5:3-5; Fl 4:8, 9.
Edena dala ai lau ese natugu baina durua, unu amo ena nega bada na elektronik ḡaudia ai basine haorea, to danu nega taidia na baine ato mai anina bada ḡaudia baine kara totona?—Had 3:1